San Mateo 4:19 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁹ Jesúsñapaꞌ ateth otosanet: —Theꞌñapaꞌ oꞌch notas, sokthaꞌn na atthoch neyochreshaꞌ neperres. Ñeñth ateth sepena awathotheñ eꞌneꞌ kak theꞌñapaꞌ oꞌch neyxhaterres atthoch seꞌnerr ñamha acheñ ñeñthchaꞌ sameꞌñaterra.

San Mateo 4:19 Iomraidhean Croise

San Mateo 16:24

Allempoña Jesúspaꞌ ateth otan poeyochreshaꞌ: —Ñerraꞌm eseshaꞌ moeneneꞌ oꞌch kotherrnet na eꞌñe poꞌñoxh atthoch neyochreshaꞌ neperranet, añ poktetsa sewanmoetepaꞌña ñeñth ateth moenenet eꞌñe ñokpoeta. Atthochña ñetpaꞌ oꞌch eꞌñe tomaꞌnteret ñeñth chechneneꞌ poꞌkorsoch allchaꞌ moeroxhtet ñamet. Atthochña kotherrnet eꞌñe poꞌñoxh.

San Mateo 19:21

Jesúsñapaꞌ ateth otererr: —Ñerraꞌm añ pemnen oꞌch eꞌñe petsotwa ñeñth pepalltenmeñ theꞌpaꞌ añchaꞌña ateth peperra, oꞌch awerrephpaꞌ oꞌch pepomwerr ora allpon ñeñth pechyen oꞌch phapaꞌyeraꞌ wokchañneshaxhno ñeñth atarr es palltaꞌyetsa, atthochña phapaꞌ pecherrchaꞌ ñeñth atarr nanak sherbets Yompor poeꞌntaño. Allempochña pewerrapaꞌ oꞌch phoktherren atthoch eꞌñe neyochreshaꞌ neperreph eꞌñe poktakma.

San Mateo 4:18

Allempo Jesúspaꞌ chopeñeꞌchyen all saꞌpatophñoꞌmar; ñeñthña saꞌppaꞌ añ paꞌsoꞌcheñ Galileas. Allñapaꞌ entosan acheñ epsheña; ñeñthña poesheñarrpaꞌ añ paꞌsoꞌcheñ Simón ñeñthara sochetsa Pedro epoet paꞌmoꞌnasheñ Andrés. Ñetñapaꞌ terrayetset eꞌñe alla saꞌpo tharroꞌmar ñetpaꞌ eꞌñe ñeñtha poꞌtarwas penet.

San Mateo 4:20

Ñetñapaꞌ allorokma naꞌnmoet poꞌterrayapaꞌ oꞌ kothet Jesús.

San Mateo 8:22

Tharraña Jesúspaꞌ ateth otererr: —Acheñeneshaꞌ ñeñth ama yerpaꞌpenaye Yompor, ñetñapaꞌ pampannaꞌtetepaꞌ parro arromñathekmoet. Tharraña phokoppaꞌ ñeñtheph oꞌ peyerpoera Yompor añ poktetsa oꞌch phokthaꞌn atthoch poꞌñoxh eꞌñe neyochreshaꞌ neperreph.

San Mateo 9:9

Jesúsña meterrerr allothpaꞌ entnoman poesheñarr acheñ ñeñthñapaꞌ añ paꞌsoꞌcheñ Mateo. All anen allekma cobraꞌyenan acheñeneshaꞌ kelle ñeñth gobiernokop. Jesúsñapaꞌ ateth otosan Mateo: —Theꞌpaꞌ oꞌch phokthaꞌn atthoch neyochreshaꞌ neperreph. Mateoñapaꞌ xha tantnomtsapaꞌ allentha kothan Jesús.

San Marcos 2:14

Oꞌña yexhatwanetpaꞌ oꞌ meterrerr Jesús alloth, allña oñenpaꞌ entnoman ñamha Leví ñeñth Alfeo poechemer. Ñañapaꞌ alla anen allekma cobraꞌyenan acheñeneshaꞌ kelle ñeñth gobiernokop. Jesúsñapaꞌ ateth otosan Leví: —Theꞌpaꞌ oꞌch phokthaꞌn atthoch neyochreshaꞌ neperreph. Eꞌñe otweꞌ Jesús atethpaꞌ Levíñapaꞌ xha tantnomtsapaꞌ allentha kothan Jesús.

San Lucas 5:27

Allempoñapaꞌ oꞌ awerrerr Jesús. All oñempaꞌ all entnoman poesheñarr ñeñth poꞌtarwas peneꞌ oꞌch cobrenan acheñeneshaꞌ kelle ñeñth gobiernokop. Ñeñthñapaꞌ añ paꞌsoꞌcheñ Leví. Alla anen allekma apxhenet kelle ñeñth gobiernokop. Jesúsñapaꞌ otosan Leví: —Theꞌpaꞌ phokthaꞌn atthoch neyochreshaꞌ neperreph.

San Lucas 9:59

Poꞌpocheñoña Jesúspaꞌ ateth oterranerr poꞌpsheñeñ acheñ: —Theꞌpaꞌ oꞌch phokthaꞌn atthoch poꞌñoxh neyochreshaꞌ neperreph. Tharraña ñeñthña acheñerpaꞌ ateth otan Jesús: —Theꞌpaꞌ arrchaꞌña ñanom pemnaterren oꞌch awerren apoesho, oꞌchña nepampaꞌweraꞌ apañpaꞌ allempochña nowerrapaꞌ oꞌch nokthaph.

San Juan 1:43

Tsapathña Jesúspaꞌ sechena oꞌch awerr Galileo. Allña entwenan Felipe ñañapaꞌ ateth otweñ: —Amaꞌt pemno oꞌch phokthenen.

San Juan 12:26

Ñerraꞌm eseshaꞌ moenats oꞌch thorrenet nokop, kothaꞌnetepaꞌ atthochña eꞌñe neyochreshaꞌ neperranet. Tharroꞌmar ñerraꞌm erroꞌtsenenchaꞌ na ñeñth thorretsa nokop ñetpaꞌxhoꞌña alloꞌtsenetchaꞌ ñamet. Eꞌñe allowen erraꞌtsenchaꞌ thorrerrtsa nokop, Nomporñapaꞌ atarrchaꞌ kowentaterranet.

San Juan 21:22

Jesúsñapaꞌ ateth otererr: —Ñerraꞌm na moenateꞌ ñapaꞌ allach aꞌpa esempowañenña nowerrapaꞌ ñeñthpaꞌ eꞌñe pokteꞌ ñokop, ñeñthpaꞌ ama phokpayaye. Phokoppaꞌ añ poktetsa xhokmoepaꞌch phokthenen.

2 Corintios 12:16

Sapaꞌ señotenen napaꞌ ama naꞌtsrreꞌmoxhtanaꞌtaso es senamareꞌteꞌ ñeñth eꞌñe nokop. Tharraña sapaꞌ xhatheꞌ sotenapañ napaꞌ atarrtheꞌ neñoteñ atthoch neshkareꞌtas ñeñth eꞌñe poꞌpoñeꞌttsokma shekareꞌteñets.