San Mateo 4:18 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁸ Allempo Jesúspaꞌ chopeñeꞌchyen all saꞌpatophñoꞌmar; ñeñthña saꞌppaꞌ añ paꞌsoꞌcheñ Galileas. Allñapaꞌ entosan acheñ epsheña; ñeñthña poesheñarrpaꞌ añ paꞌsoꞌcheñ Simón ñeñthara sochetsa Pedro epoet paꞌmoꞌnasheñ Andrés. Ñetñapaꞌ terrayetset eꞌñe alla saꞌpo tharroꞌmar ñetpaꞌ eꞌñe ñeñtha poꞌtarwas penet.

San Mateo 4:18 Iomraidhean Croise

San Mateo 10:2

Ñewa, ñetpaꞌ arroꞌtsaꞌyenet paꞌsoꞌchñexhno; allowenetpaꞌ xharrasheñet poechena epsheña ñeñth llesensaꞌ. Ñeñth ñanom atarr sherbets ñeñthpaꞌ Simón ñeñthara sochetsa Pedro, allothpaꞌ ñamha Andrés ñeñth eꞌñe paꞌmoꞌnasheñ; allothñapaꞌ ñamha Jacobo ñeñth Zebedeo poechemer epoet paꞌmoꞌnasheñ Juan.

San Mateo 15:29

Awerrerr Jesús allothpaꞌ alla oñem saꞌpatophñoꞌmar eꞌñe Galileaso. Allothpaꞌ awoꞌ aspentho allñapaꞌ anorros.

San Mateo 16:18

Napaꞌxhoꞌña theꞌpaꞌ oꞌch notaph phamha, phapaꞌ añchaꞌ nesocherreph Pedro. (Ñewa, añ soꞌchñets Pedropaꞌ añ tomaꞌntena ñeñth atarr es echarr ateth ñerraꞌm mapoeꞌ.) Ñamha pha eꞌñe peyemteñothen na, na poꞌñoxhpaꞌ naña Cristotosets, ñeñthpaꞌ allochkaꞌyeña norrtaterrña allowen ñeñthchaꞌ nameꞌñerraya ñeñthchaꞌ apxhaꞌyerrtsa eꞌñe na pameꞌñeñothet. Atarrchaꞌ womenk echarr nephaꞌyerranet allowenet ñeñthetchaꞌ apxhaꞌyerrtsa pameꞌñeñothetan na atthochña ñokpoetpaꞌ amach eñalle ñeñthchaꞌ waporeꞌterrawet, amaꞌt awatha. Amaꞌt rromoeñets poꞌwamenkpaꞌ amach errothenoth metanerranetoña ñet poꞌwamenk.

San Mateo 4:19

Jesúsñapaꞌ ateth otosanet: —Theꞌñapaꞌ oꞌch notas, sokthaꞌn na atthoch neyochreshaꞌ neperres. Ñeñth ateth sepena awathotheñ eꞌneꞌ kak theꞌñapaꞌ oꞌch neyxhaterres atthoch seꞌnerr ñamha acheñ ñeñthchaꞌ sameꞌñaterra.

San Marcos 7:31

Allempo poerrerra alloth ñeñth allampañoth Tiroth, arr oñemwanom anetso Sidón alloth ñamha poꞌpoñ anetso Decapolisoꞌmar. Atthoña oꞌ alla awerr saꞌponeth all Galileyaso.

San Lucas 6:14

Ñeñth llesensaꞌ ñeñthpaꞌ añexhno: Simón ñeñth socherr Pedro, allothpaꞌ ñamha paꞌmoꞌnasheñ Andrés, allothpaꞌ Jacobo ñamha paꞌmoꞌnasheñ Juan, allothpaꞌ Felipe, ñamha Bartolomé,

San Juan 21:1

Allempoña Jesúspaꞌ orrterranerr poeyochreshaꞌ eꞌñe saꞌpatophño Tiberiaso. Allpaꞌ ateth orrterranet:

San Juan 6:1

Allempoña Jesúspaꞌ awoꞌ yomhtaꞌn saꞌp Galileaso, ñeñthara saꞌp otenet Tiberias.

San Juan 6:8

Poeyochreshaꞌña Andrés ñeñth paꞌmoꞌnasheñ Simóm Pedropaꞌ ñañapaꞌ ateth och: