San Mateo 4:14 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁴ Ñeñthpaꞌ allña yexhaꞌwerra allochñapaꞌ atthoch etsota Isaías poꞌñoñ ñeñth aꞌmhtayeꞌth Yompor poꞌñoñ; ñeñth ñapaꞌ ateth oteꞌth ñeñthe anetsrekop:

San Mateo 4:14 Iomraidhean Croise

San Mateo 1:22

Ñeñthpaꞌ tharroꞌmar ateth pha atthoch etsota ñeñth ateth eñoranaꞌtaneꞌth Isaías ñeñth aꞌmhtaweteꞌth Yompor poꞌñoñ, ñeñthpaꞌ ateth oteꞌth:

San Mateo 2:15

Allñapaꞌ alleneta atthothañapaꞌ oꞌ rromoen Herodes. Atthoña etsota Yompor poꞌñoñ ateth oteꞌth ñeñth aꞌmhtayeꞌth poꞌñoñ; ñeñthpaꞌ Yompor ateth otatseꞌth: “Egiptothchaꞌ nagotater Nechemer.”

San Mateo 2:23

Xherr Galileopaꞌ awerr patherr anetso ñeñth paꞌsoꞌcheñ Nazaret. Allñapaꞌ alla yexhaꞌwerra. Atthothkaꞌyeña etsotaña ñeñth ateth otyeseꞌth ñeñth aꞌmhtaꞌyesayeꞌth Yompor poꞌñoñ; ñetpaꞌ ateth otyeseteꞌth ñeñthchaꞌ Cristoterretspaꞌ “oteñetchaꞌ nazaretoꞌmarneshaꞌ.”

San Mateo 26:54

tharraña ñerraꞌm ateth nephapaꞌ amatheꞌ errothenoth etsotoña ñeñth ateth anwareth Yompor poꞌñoño nokop. Allña oten ñeñthpaꞌ atethchaꞌkaꞌye perra.

San Mateo 26:56

Amaꞌtpaꞌ atthepaꞌkaꞌye perra allochñapaꞌ atthoch eꞌñe etsotwerra ñeñth allpon kellkaꞌyeseꞌth nokop ñeñth aꞌmhtaꞌyesayeꞌth Yompor poꞌñoñ. Allempoña allowen poeyochreshaꞌpaꞌ allorokma aꞌypoꞌñaꞌwanmet, ñetñapaꞌ yetrraꞌtwet.

San Mateo 4:13

Xherr Galileopaꞌ ama aꞌpowerro anetso Nazareto, arraña serr Capernaumo, allña yexhaꞌwerra. Ñeñth Capernaumpaꞌ eꞌñe saꞌpatophñoꞌtsen, allara ñeñth otenet Zabulónnaneshaꞌ paꞌnetser ñamha Neftaleneshaꞌ paꞌnetser.

San Mateo 4:15

Ñeñth Zabulónnaneshaꞌ paꞌnetsro ñamha Neftaleneshaꞌ paꞌnetsro ñeñth all saꞌpatophño all Jordanas yomhtaꞌn, allara Galileo all yexhaꞌyena paꞌnamen acheñeneshaꞌ ñeñth ama judioneshayayeto.

San Mateo 8:17

Ñeñthpaꞌ tharroꞌmar ateth pha allochñapaꞌ atthoch etsota Isaías poꞌñoñ ñeñth aꞌmhtayeꞌth Yompor poꞌñoñ; ñapaꞌ ateth oteꞌth: “Ñapaꞌ ñach yawanmamperreꞌ ñeñth yemoeroxhtatyeneꞌ, ñapaꞌ ñach awanerreꞌ allowen ñeñth yaꞌtserrphaꞌyeneꞌ.”

San Lucas 22:37

Tharroꞌmar theꞌpaꞌ oꞌch alla noterrserr: Theꞌpaꞌ oꞌchkaꞌye eꞌñe etsoterra ñeñth ateth anwareth Yompor poꞌñoñ nokop. Allkaꞌyeña oten napaꞌ errothwanenchaꞌ perrnet ateth ñerraꞌmrratheꞌ napaꞌ ñeñthen amtsañen. Theꞌpaꞌ ñeñthkaꞌye oꞌ etsotmocha ñeñth eꞌñe ateth anareth nokop.

San Lucas 24:44

Allempoñapaꞌ ateth oterraneterr: —Ñeñth ateth notaseꞌth allempo orameñ alloꞌtseney eꞌñe parro, ora allowen ñeñth ateth anareth awathotheñ Yompor poꞌñoño nokop, ñeñthña theꞌpaꞌ oꞌ eꞌñe etsotwerra —eꞌñe Moisésotheñ poꞌñoñ ñeñth ateth anareth amaꞌt ñamha ora allowen ñeñth kellkaꞌyesoneꞌth ñeñth aꞌmhtaꞌyesayeꞌth Yompor poꞌñoñ, amaꞌt ñamha ñeñth akellkarethtatseꞌth libro Salmos, theꞌpaꞌ ñeñthña oꞌ eꞌñe etsotwerra ñeñth ateth anaꞌyesareth nokop awathotheñ.

San Juan 15:25

Tharraña ñeñthpaꞌ tharroꞌmara ateth penet allochñapaꞌ atthoch etsoterra ñoñets ñeñth eꞌñe ateth anwareth awathotheñ, ñeñthpaꞌ ateth oten nokop: “Eꞌñech atthotha eꞌmoñeꞌterrnet.”

San Juan 19:28

Allempoña Jesúspaꞌ oꞌ eñoch oꞌ etsotwa ora allowen ñeñth ñokop, ñañapaꞌ ateth ot: —Xha noꞌñpaꞌten. Ñeñthpaꞌ tharroꞌmar ateth ot allochñapaꞌ atthoch etsoterra Yompor poꞌñoñ ñeñth ateth anwareth awathotheñ.