San Mateo 4:13 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹³ Xherr Galileopaꞌ ama aꞌpowerro anetso Nazareto, arraña serr Capernaumo, allña yexhaꞌwerra. Ñeñth Capernaumpaꞌ eꞌñe saꞌpatophñoꞌtsen, allara ñeñth otenet Zabulónnaneshaꞌ paꞌnetser ñamha Neftaleneshaꞌ paꞌnetser.

San Mateo 4:13 Iomraidhean Croise

San Mateo 11:23

Ñamha sa capernaumoꞌmarneshachaꞌ xhatheꞌ sotenapañ attho eꞌñe kowen sentyena sañeña, Yomporñapaꞌ allenthach aꞌtapaterres poeꞌntaño. Ñeñthpaꞌ amachkaꞌye attheyeꞌ perrsoña Yompor, allachkaꞌye waporeꞌterres oꞌpono koñchaꞌpoetso all parraren tsoꞌ. Tharroꞌmar amaꞌt atarr norrtatonaseñ nepartsoña sesho, sañapaꞌ amaña semnoña oꞌch sokthapeꞌcherr kowen Yomporekop. Ñerraꞌm arrchaꞌ ñanom norrtatañ awathotheñ nepartsoña sodomoꞌmarneshesho ñetpaꞌ allorokmatheꞌ kothapeꞌcherretañ kowen Yomporekop. Allempopaꞌ amatheꞌ aꞌpoyatatarethterretañeña paꞌnetser. Oratheꞌ alloꞌtsenaraña.

San Mateo 17:24

Allempoña Jesús epoet poeyochreshaxhnopaꞌ oꞌ alla xhaxherreterr Capernaumo. Allñapaꞌ wapanet ñeñth tsaꞌtatenaya acheñeneshaꞌ kelle ñeñth impuesto; ñeñthpaꞌ Parets paꞌpakllekop. Ñetpaꞌ ateth otoset Pedro: —Semaestrorpaꞌ ¿amaꞌt pomoenanaꞌña kelle impuesto añekop Parets paꞌpakllekop?

San Mateo 4:14

Ñeñthpaꞌ allña yexhaꞌwerra allochñapaꞌ atthoch etsota Isaías poꞌñoñ ñeñth aꞌmhtayeꞌth Yompor poꞌñoñ; ñeñth ñapaꞌ ateth oteꞌth ñeñthe anetsrekop:

San Mateo 4:15

Ñeñth Zabulónnaneshaꞌ paꞌnetsro ñamha Neftaleneshaꞌ paꞌnetsro ñeñth all saꞌpatophño all Jordanas yomhtaꞌn, allara Galileo all yexhaꞌyena paꞌnamen acheñeneshaꞌ ñeñth ama judioneshayayeto.

San Mateo 9:1

Allothña Jesúspaꞌ aꞌterr noñthopaꞌ pechaterra, xherr anetso all aꞌpoena.

San Marcos 1:21

Attheñapaꞌ awanmoet ñamha anetso Capernaumo. Oꞌña xhap añ yethñatsro allempokma amesen judioneshaꞌ, allña Jesúspaꞌ beꞌthosos judioneshaꞌ poꞌprawo, all yexhatyesosanet.

San Marcos 2:1

Oꞌña met allponmat Jesúsñapaꞌ oꞌ alla xherrerr anetso Capernaumo. Acheñeneshaꞌñapaꞌ eꞌmareꞌchet oꞌ alla xherrerr pokollo.

San Lucas 10:15

Ñamha sa capernaumoꞌmarneshachaꞌ xhatheꞌ sotenapañ attho eꞌñe kowen sentyena sañeña, Yomporñapaꞌ allenthach aꞌtapaterres poeꞌntaño. Ñeñthpaꞌ amachkaꞌye attheyeꞌ perrsoña Yompor, allachkaꞌye waporeꞌterres oꞌpono koñchaꞌpoetso.

San Lucas 4:23

Jesúsñapaꞌ ateth oterraneterr: —Sapaꞌ ñeñth ateth oꞌ seꞌmareꞌton ñeñth ateth norrtatyenaꞌ awaña Capernaumo theꞌña sapaꞌ xha semneñ oꞌch soten añ ñoñets ñeñthekma moeneꞌ yotannena amaꞌt awathotheñ: “Pha ñeñtheph aꞌkrratañtetsa theꞌpaꞌ oꞌch phaꞌkrrata eꞌñe phañeña”, tharroꞌmar sapaꞌ añtheꞌ semnen oꞌch ateth norrtat ñamha arr kowen eꞌñe ya yaꞌnetsro ateth norrtatenaꞌ awaña Capernaumo.

San Juan 2:12

Allempoña Jesúspaꞌ awoꞌ Capernaumo pachoreꞌna ñamha paꞌmoꞌnasheñexhno, ñamha allowen poeyochreshaꞌ. Allñapaꞌ alla allponmatenetaꞌ.

San Juan 4:46

Jesúsñapaꞌ alla awerrerr poꞌpocheño Cano eꞌñe allara Galileo all eꞌñe ñanem aꞌpnasenanaꞌ oñ vinos. Allñapaꞌ alloꞌtsen poesheñarr ñeñth sherbeneꞌ amhchaꞌtareth. Ñaña poechemerpaꞌ xha atsnaꞌten all anetso Capernaumo.

San Juan 6:17

Aꞌtaxhaꞌtwerret poꞌnoñthopaꞌ oꞌch awamperret yomhtaꞌn, Capernaumoneth. Allñapaꞌ alla chekmetamphset. Jesúsñapaꞌ ama werraꞌ all alloꞌtsaꞌyenet.

San Juan 6:24

Allempoña acheñeneshaꞌ ñeñth alloꞌtsen ñetñapaꞌ oꞌwañ eñchet Jesús poeyochreshowen. Ñetpaꞌxhoꞌña allentha aꞌtaxhaꞌtet ñamet noñtho, awamphset Capernaumoneth, oꞌch eꞌneretaꞌ Jesús.

San Juan 6:59

Arrpaꞌ allowa ñeñth ateth yexhatenan acheñeneshaꞌ judioneshaꞌ poꞌprawo all Capernaumo.