San Mateo 4:12 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹² Allempoña Jesús eꞌmareꞌtan Juan oꞌ yottamphset, ñañapaꞌ allentha awerr Galileo.

San Mateo 4:12 Iomraidhean Croise

San Mateo 11:2

Añña Juanpaꞌ alloꞌtsena all yottampeñet. Allñapaꞌ oꞌ eꞌmareꞌtan Cristo ateth phaꞌyena, allentha moeñan poeyochreshaꞌ Jesúsesho.

San Mateo 14:3

Ñewa, allempopaꞌ awañmoꞌchakma rrematenanaꞌ Juanañ oꞌ wankachpaꞌ allña yottamphsach atthoch koshatan Herodías ñeñth paꞌmoꞌnasheñ Felipe poethapor.

San Marcos 1:14

Allempoña yottamphset Juan allchaꞌ moeroxhtachet, Jesúsñapaꞌ allentha awerr Galileo. Oꞌña xherr all ñañapaꞌ serrpareꞌtatwerranet ñeñth eꞌñe kowen ñoñets ñeñth wetsa Yomporeshoth alloch yekeshperra. Ñeñthñapaꞌ ateth otwerranet: —Theꞌñapaꞌ oꞌ etsoterra yethñats, oꞌ xherrmoch allempoch atarr ayochreshathterra Yompor. Sokoppaꞌ añ poktetsa oꞌch sokthapeꞌcherr ello kowen Yomporekop ñamha oꞌch sameꞌñerra ñeñth eꞌñe kowen ñoñets allochkaꞌyeña sekeshperra.

San Marcos 6:17

Ñewa, allempo Herodespaꞌ awañmoꞌchakma rromatenanaꞌ Juanañ oꞌ wankachpaꞌ allña yottamphsach atthoch koshatan Herodías ñeñth paꞌmoꞌnasheñ Felipe poethapor. Tharroꞌmar allempo Herodespaꞌ oꞌkaꞌye poerraterran paꞌmoꞌnasheñ poethapor.

San Lucas 23:5

Judioneshaꞌña paꞌmhchaꞌtaretherneshaꞌpaꞌ alla otereterr Pilato: —Tharraña yañapaꞌ xhokmaña yenteñ ñeñth ateth yexhatyenan acheñeneshaꞌ atthoch athpareꞌtatenanet gobierno. Eꞌñe Galileotheñ ateth pena, amaꞌt theꞌpaꞌ oꞌ xhap ñamha arr Judeo eꞌñe atthekma oꞌ yexhatwerrerr ñeñth ama kowenayeꞌ yenteno ya.

San Lucas 4:14

Allempoña Jesúspaꞌ oꞌ alla awerr Galileo. Ñapaꞌ añ atarr awamenkath peneꞌ Parets Poekamkëñ. Errapharen Galileoꞌmar oꞌ eꞌñe eꞌmareꞌtwet ñeñth ateth phaꞌyena Jesús.

San Lucas 4:31

Allempoñapaꞌ oꞌ alla awerrerr anetso Capernaumo allara Galilea. Pamtharrña allempo xhap yethñats allempo amesen judioneshaꞌ ñañapaꞌ oꞌ awoꞌ poꞌpraweto. Allñapaꞌ yexhatyesosan acheñeneshaꞌ.

San Juan 1:43

Tsapathña Jesúspaꞌ sechena oꞌch awerr Galileo. Allña entwenan Felipe ñañapaꞌ ateth otweñ: —Amaꞌt pemno oꞌch phokthenen.

San Juan 2:11

All ñanom entatanet Jesús poꞌpartsoñapaꞌ ñeñthpaꞌ arr Cano allara Galileo. Atthokaꞌyeña orrtatanetña Jesús poꞌpartsoteña. Allempoña poeyochreshaꞌpaꞌ oꞌ eñochet poꞌñoxhepaꞌt ñapaꞌ Parets atthoña eꞌñe ameꞌñyet.

San Juan 3:24

Ñewa, allempopaꞌ ama yottampeñetaꞌ Juan.

San Juan 4:43

Allempoña epomtaꞌmoen Samario Jesúsñapaꞌ oꞌ alla awen Galileo all paꞌney peñ ña.

San Juan 4:54

Arrpaꞌ attho poepocheño Jesúspaꞌ entatanet poꞌpartsoña allempo wapa Judeoth oꞌ alla xherrerr Galileo.