San Mateo 4:10 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho10 Jesúsñapaꞌ alla otererr: —Theꞌpaꞌ oꞌch orrerreph oneñethe. Napaꞌ ama nemno oꞌch ateth nepha tharroꞌmar Yompor poꞌñoñ ñeñth anwareth ñeñthpaꞌ ateth oteney: “Añach ñapoeth yemaꞌyochena Yompor ñeñth Yepartseshar yepen, eꞌñech ñaptha yesherbeꞌ.” Faic an caibideil |
San Mateo 4:10
30 Iomraidhean Croise
Atthekmach phannerra ñamha oneñeth poeyochreshaxhno ñerraꞌm oneñethexhno eꞌmoñeꞌtannenet eꞌñe ñagattseta, ñetña attho womenkatenetpaꞌ xhach wañerrets amach alloꞌna womenkatneneto. Ñeñthpaꞌ ateth oꞌ notwas tharroꞌmar sapaꞌ xha sotenen napaꞌ Beelzeboꞌ poꞌwamenkoth nekaxhpatateññañ eꞌñe ña poeyochreshaꞌ ñeñth pompor pen allowen oneñethexhno. Poꞌñoxh oneñethpaꞌ amakaꞌye waporeꞌtanneno.
Tharroꞌmarchaꞌ nemñaph alloꞌtsaꞌyen ñeñth ama judioneshayayeñaꞌ allochñapaꞌ atthoch peserrpareꞌtatwanet atthoch xhapanet poeyoxhro, atthoch oꞌwañchaꞌ chopeꞌchet chekmeto. Añchaꞌña oꞌch alla chopeꞌcherret poetaro. Ñamha atthoch oꞌwañchaꞌ awamenkath phanet oneñeth, añchaꞌña awamenkath penawet Yompor. Allochñapaꞌ oꞌch ameꞌñaꞌwerrnet na, allempoñapaꞌ nephretnaꞌwerranetchaꞌ poꞌchñar, atthoch oꞌch parrokmatwerret eꞌñe atthekma ateth ñerraꞌm ñeñth oꞌ naꞌkowentatwa.”
Eꞌñe pokteꞌ xhokmach sagapannena. Tharraña ñerraꞌm errotheno esempo pokteꞌ senteñ epsheñoꞌmares oꞌch saꞌpoktat ñoñets eꞌñe sañeña amach sagapannaꞌterro allponmat atthoch añach semaꞌyoxhra maꞌyochatsa. Tharraña ñerraꞌm oꞌ met allponmat allempo oꞌ saꞌpoktatwepaꞌ pokteꞌ oꞌch alla sagapannerra. Tharroꞌmar ñerraꞌm ama awen sagapannerropaꞌ xhatheꞌ oneñethpaꞌ topatas amatheꞌ saꞌwanto.
Ñewa, yapaꞌ yeñoteñ oneñethpaꞌ xhokma ateth pena ñamha oꞌch poꞌpoñet atthothchaꞌ shekëney. Oneñethpaꞌ xhokma orrtatennay ñeñthchaꞌ kowen yenten ya, oꞌch orrtatennay ateth ñerraꞌmrratheꞌ ñapaꞌ Yompor poꞌpoetarenñoth amñareth ñeñth atarr kowen. Ñeñthoꞌmarña yeñoteñ oneñeth poeyochreshaꞌ ñeñth thorretsa ñokoppaꞌ ñetpaꞌxhoꞌña atarrchaꞌ ashkañareret, moeneñet oꞌch poꞌpoñetet atthothchaꞌ orrtenet ateth ñerraꞌm añ acheñer ñeñth eꞌñe poꞌñoxh thorretsa Yomporekop. Tharraña ñeñth ateth petsapaꞌ añ oꞌpatenawet koñcheñets ñeñth poktetsa añekop ñeñth ateth phatseꞌtyetsa.
Attho Yepartseshar ñaña es negatyeneꞌ ñeñthña es neñotatyeneꞌ ñeñthpaꞌ atarr kowen nanak yenteñ. Tharraña napaꞌ atthoch amach noksheno eꞌñe nañeñapaꞌ Yomporña nemnateneꞌ eꞌñe nechtso ñeñthña atarr nemoeroxhtatameꞌteneꞌ nanak. Ñeñth attho nanak nemoeroxhtena, napaꞌ ateth nenteñ ñerraꞌmrratheꞌ aj nechtsotampena ñeñthpaꞌ oneñetheshothña wennana ñeñthña atarr atserr nepeneꞌ. Atthoña Yomporpaꞌ ama moenatenno oꞌch nokshena eꞌñe nañeña.
Sanasan