San Mateo 3:7 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁷ Allempoña entapan shonteꞌ saduceoneshaꞌ ñamha fariseoneshaꞌ ñeñthareta ñeñthet judioneshet. Ñetpaꞌ tharroꞌmar waxhenet añ moenenet oꞌch apatapanet Juan. Juanña serrpareꞌtatapanetpaꞌ otapanet: —Sapaꞌ ama kowenayayso atarr ashkarñathes, xha sottena ñerraꞌmrratheꞌ shechpha sompor sepen. Poꞌñoxhkaꞌ ama eseshayeꞌ sotenaye eꞌñech sapatarethteñotha oꞌch sekeshperra allochñapaꞌ amach koñchatwerrso Yompor allempoch yoroxhtatwer tsapathoneth.

San Mateo 3:7 Iomraidhean Croise

San Mateo 12:24

Fariseoneshaꞌña allempo eꞌmareꞌchetpaꞌ ñetñapaꞌ ateth otyeset: —Attho kexhpatatyenan oneñethexhno acheñeneshaꞌ añakaꞌye awamenkath peneꞌ Beelzebú ñeñth pompor pen allowen oneñethexhno.

San Mateo 12:34

Sapaꞌ ama kowenayayso. Xha sottena ñerraꞌm shechpha eꞌñe sompor sepen allowenes. Ñeñthoꞌmarña amach errothenoth señoso kowen tharroꞌmar sapaꞌ poꞌñoxhpaꞌ ama kowenayayso. Eꞌñe ateth atarr sokthapeꞌchatseꞌtyen seyoxhro ñeñth ama kowenayaye, atthothkaꞌyeña señosatseꞌtyen. Amaꞌt erraꞌtsena acheñer ñeñth eꞌñe poꞌñoxh kowen ñapaꞌ añchaꞌña orrtatyen ñeñth eꞌñe kowenareꞌ kothapeꞌchen poeyoxhro tharroꞌmar poeyoxhroña all kothapeꞌchenan shonteꞌ ñeñth eꞌñe kowentetsa. Tharraña poꞌpoñ acheñer ñeñth poꞌñoxh ama kowenayaye, ñapaꞌxhoꞌña añach orrtatyen ñeñth ateth kothapeꞌchen poeyoxhro ñeñth ama kowenayaye tharroꞌmar poeyoxhroña all kothapeꞌchenan shonteꞌ paꞌnamen sosyaꞌtsañ. Tharroꞌmar ñerraꞌm shonteꞌ yokthapeꞌchen yeyoxhro ñeñth kowentetsa, ñeñthpaꞌ eꞌñech ñeñtha kowen yeserrpareꞌten. Tharraña ñerraꞌm shonteꞌ yokthapeꞌchen ñamha yeyoxhro ñeñth ama kowenayayepaꞌ ñeñthpaꞌxhoꞌña eꞌñech ñeñtha yemnen oꞌch yeserrpareꞌtyen.

San Mateo 15:12

Allñapaꞌ ateth oteñaꞌ poeyochreshaꞌ: —¿Peñoteñeꞌt fariseoneshaꞌñapaꞌ allempo eꞌmonapet peñoñ ñeñth ateth photyenanet ñetñapaꞌ xha atsrreꞌmoet?

San Mateo 16:1

Fariseoneshaꞌ ñamha saduceoneshaꞌ ñetpaꞌ oꞌ awanmoet oꞌch enteñetaꞌ Jesús. Xhaxhaꞌtet Jesúsesho ñetña poeshkënothetpaꞌ ateth otyesoset: —Yapaꞌ añ yemnen oꞌch pegatapoey pepartsoña entoth allochñapaꞌ atthoch yeñotoseph poꞌñoxh phapaꞌ Parets Poechemereph. Ñetpaꞌ xha moeneñet oꞌch topatoset Jesús.

San Mateo 16:6

Jesúsñapaꞌ ateth otapanet: —Eꞌñech señota ñatoꞌt semeñeꞌteñaꞌña fariseoneshaꞌ amaꞌt ñamha saduceoneshaꞌ poꞌchaser allo tsetenet pan.

San Mateo 22:15

Allempoña fariseoneshaꞌpaꞌ awanerra. Ñetñapaꞌ xha atarr kothapeꞌchatannaꞌtenetaꞌ. Ñetpaꞌ aña atarr eꞌnenet atthoch eꞌñe poeshkëñothetpaꞌ amaꞌt parrochapaꞌ oꞌch eñorachet Jesús ñeñth ama pokteyaye. Allochñapaꞌ atthothchaꞌña otteñeꞌchet.

San Mateo 22:23

Ñeñthe yethrokma waxhaꞌtoña ñamha patantarr ñeñth saduceoneshatets. Ñewa, ñeñth saduceoneshatets ñetñapaꞌ elloneth echenet pokthaphña ñeñthoꞌmarña ñetpaꞌ ateth otenet amatheꞌ errothenoth yetanterroña rromoth amaꞌt errponaña. Ñetñapaꞌ ateth otoset Jesús:

San Mateo 22:34

Ñamha allempo fariseoneshaꞌ eꞌmareꞌchet attho Jesús emmaꞌwan saduceoneshaꞌ ñetñapaꞌ apxhannaꞌtet parro.

San Mateo 23:33

‘Sapaꞌ ama kowenayayso atarr ashkarñathes, xha sottena ñerraꞌmrratheꞌ shechpha sompor sepen. Sapaꞌ errothenowachñakaꞌyeña sekeshperratheꞌ. Sapaꞌ añakaꞌye soꞌpatenaya koñcheñets ñeñth parrareꞌ tsoꞌ all oꞌpono.

San Mateo 5:20

Napaꞌ oꞌch notas, poꞌñoxhkaꞌye sa ateth eꞌñe pokteꞌ es sorrtatyen, ellochña semhtanaꞌtwerepaꞌch ateth es kowen orrtatyeneñ fariseoneshaꞌ ñamha añ ñeñth atarr etsotayenayeñ ñoñets ñeñth ateth anareth. Ñerraꞌm amach semhtanaꞌtwerranetopaꞌ amach errothenoth soꞌpataprechoña Yompor poꞌkowenña attho ayochreshathtena ña poeꞌntañoth. Atthoña amaꞌt awathapaꞌ amach sexherro all amhchaꞌtarethtena poeꞌntaño.

San Marcos 12:13

Attheñapaꞌ xhap allempo poꞌpocheño eꞌñe aꞌnawa moeñeññañet poesheñaꞌtets fariseoneshaꞌ ñesho ñamha poesheñaꞌtets Herodes poeyochreshaꞌ, tharraña ñetpaꞌ añekpa amñarethtenet atthoch eꞌñe poeshkëñothet poꞌñoñothetpaꞌ oꞌch eñoratoset ñeñth ama kowenayaye. Allochñapaꞌ atthothchaꞌña otteñeꞌchet.

San Marcos 12:18

Allempoñapaꞌ waxhaꞌtoña ñamha patantarr ñeñth saduceoneshatets. Ñewa, ñeñth saduceoneshatets ñetñapaꞌ elloneth echenet pokthaphña ñeñthoꞌmar ateth otenet amatheꞌ errothenoth yetanterroña rromoth amaꞌt errponaña. Ñetñapaꞌ ateth otoset Jesús:

San Marcos 8:15

Jesúsñapaꞌ alla tomaꞌntaterraneterr, ñeñthñapaꞌ ateth otanet: —Eꞌñech señota ñatoꞌt semeñeꞌteñaꞌña fariseoneshaꞌ amaꞌt ñamha Herodes poꞌchaser allo tsetenet pan.

San Lucas 16:14

Añña fariseoneshaꞌ ñeñth eꞌmoeneꞌ Jesús ñeñth ateth serrpareꞌtatenan acheñeneshaꞌ, ñetñapaꞌ aña atarr yeꞌchapretenet kelle. Ñeñthoꞌmarña ñet allempopaꞌ poesasareꞌteñothet Jesúspaꞌ xha atarr cheꞌtatseteñet.

San Lucas 18:11

Ñeñthña fariseopaꞌ thomos all maꞌyochosañ, ñeñthpaꞌ ateth otos: “Nompore, napaꞌ oꞌch neparasyosoꞌtoseph tharroꞌmar napaꞌ atarr kowen acheñren, napaꞌ ama attheyayno Nompore ñerraꞌm poꞌpotantañ acheñeneshaꞌ. Ñetpaꞌ atarr es poerratamphsannaꞌtyenet, ama pokteyeꞌ es phannaꞌtyeneto, atarrchaꞌ chetaꞌyeñet koyaneshaxhno ñeñth ama poethaporeyaye. Napaꞌ ama attheyeꞌ, Nompore, nepeno. Napaꞌ ama neshkareꞌteno ateth pena añ acheñer ñeñth poeshkëñotheꞌna cobraꞌyeneꞌ acheñeneshaꞌ kelle gobiernokop.

San Lucas 7:30

Tharraña fariseoneshaꞌ epoet ñamha ñeñth atarr etsotayenayeñ ñoñets ñeñth ateth anareth judioneshakop, ñetñapaꞌ amaꞌt eꞌñe mamesha ama pokteyeꞌ enteñeto ñeñth ateth moenen Yompor ñokpoet, ñeñthoꞌmarña ñetpaꞌ ama apataneto Juan Yomporekop allempo. Partseshaꞌñapaꞌ ateth oterraneterr:

San Juan 1:24

Ñewa, ñeñth amñarethtatsa Juanesho, ñetpaꞌ añkaꞌye moeñenawet ñeñth fariseoneshaꞌ ñeñthara judioneshaꞌ paꞌmhchaꞌtaretherneshaꞌ.

San Juan 8:44

Sapaꞌ oneñethakaꞌye ñeñth sompor sepen. Ñeñthoꞌmarña sapaꞌ aña semnen oꞌch sepha ñeñth moenen sompor. Ñapaꞌ awathotheñ eꞌñe paꞌmothrotheñ amtsañta. Ñapaꞌ amaꞌt mameshapaꞌ ama eñoraꞌpenoña Yompor poꞌñoñ ñeñth eꞌñe poꞌñoxh tharroꞌmar ñoñets ñeñth eꞌñe poꞌñoxhpaꞌ amakaꞌye atanenoña ña poeyoxhro. Ñerraꞌm xho eñorenapaꞌ, shekëñtsach eñorena tharroꞌmar ñapaꞌ eꞌñe shekëñtsa eñoten. Poꞌñoxh sekëñetspaꞌ pomporkaꞌ penanña oneñeth.

San Juan 9:40

Patantaꞌtetsña fariseoneshaꞌ ñeñth allameꞌttsoꞌtsaꞌyenet ñesho, ñetñapaꞌ eꞌmoeñet ñeñth ateth oten Jesús. Ñetpaꞌ ateth ochet: —Taꞌm yapaꞌ ¿amatheꞌ aporoꞌyetheyeꞌ pentenye?

Los Hechos 15:5

Tharraña patantarr fariseoneshaꞌ ñeñth ameꞌñetsapaꞌ oꞌ tantapaꞌ ateth ot: —Acheñ ñeñth amaꞌt ama judioneshayaye, añ palltetsa oꞌch atsorrarethta allowen asheñorrneshaꞌ, ñamha allowenetpaꞌ otarethtetepaꞌ añ palltetsa oꞌch ameꞌñeññañet ñamha Moisés poꞌñoñ ñeñth ateth anareth awathotheñ.

Los Hechos 20:31

Oꞌ alla oterraneterr Pablo: —Theꞌpaꞌ señotaꞌthach. Xhokmach seyerpaꞌna tharroꞌmar sapaꞌ señoteñ oꞌ maꞌpa char xhokma nokthapeꞌchatas kowen —amaꞌt yetho, amaꞌt ñamha tsapo. Amaꞌt neyaꞌchpeñeshaꞌ xhokma nokthapeꞌchataseꞌth.

Los Hechos 26:5

Amaꞌt awathotheñpaꞌ eñotwaneteꞌth napaꞌ fariseoneshan ñeñthara ñeñth nanak etsoteneꞌ kothaphñats nanak echarr allo yokthapeꞌchen Partsokop. Ñeñth ateth entneteꞌth ateth nokrreꞌthpaꞌ, atethchaꞌñaxhoꞌ aꞌmethaꞌnetañ.

Los Hechos 5:17

Allempoñapaꞌ ñeñth korneshaꞌ ñeñth nanak amhchaꞌtarethpaꞌ eꞌmoñeꞌtan allowen ñeñth ameꞌñetsa. Ñamha allowen ñeñth parro eꞌñe atthekmoet kothapeꞌchenet ñeñth otenet saduceoneshaꞌpaꞌ oꞌ eꞌmoñeꞌchet ñeñth ameꞌñetsa. Tharroꞌmar sopeꞌchapretenetñaꞌ, acheñeneshaꞌpaꞌ eꞌñe kowen enteñet ñeñth ameꞌñetsa.

Romanos 1:18

Tharroꞌmar yapaꞌ yeñoteñ Yompor ñeñth poeꞌntañoꞌtsen eꞌñe poꞌyoroxhenñoꞌtsaꞌyena allowen acheñeneshaꞌ ñeñth ama pokteyeꞌ es peneto ñokop, ñeñth sosyaꞌtsañach eñotyenet. Ñamha eꞌñe ateth poephatseꞌteñothetpaꞌ ñeñthaña ama moenatenaweto oꞌch orrtanet Yompor poꞌkowenña ñeñth eꞌñe poꞌñoxh.

Romanos 5:9

Ñeñthoꞌmarña theꞌpaꞌ eꞌñe pokteꞌ enteney Yompor tharroꞌmar Cristopaꞌ awoꞌt rroma yokop. Elloña atthothña aꞌkeshphatey allochñapaꞌ amach aꞌkoñchataretheye amaꞌt errponaña.

1 Tesalonicenses 1:10

Ñamha serrpareꞌtyeñet attho sapaꞌ eꞌñe seyemteñoth atarr sekweññañ Yompor Poechemer esempowañenchaꞌ werra poeꞌntañoth ñeñthara Poechemer ñeñth tantaterr allempo rroma, ñeñthara Jesús ñeñthchaꞌ yaꞌkeshphaterreꞌ ñerraꞌm esempoch yoroxhtatwer Yompor.

Hebreos 11:7

Ñamha awath Yomporpaꞌ eñotatan Noé ñeñthchaꞌ ateth eꞌchophan oñ tsapathoneth. Allempo ateth otan Noé amaꞌt mameshapaꞌ ama wateꞌthe. Tharraña Noéñapaꞌ eꞌñe yemtenana ateth och Yompor allempo. Ñañapaꞌ yexhkatwan poꞌkompoer allochñapaꞌ atthoch aꞌkeshphatan pamoꞌtseshaꞌ. Attho yexhkatan poꞌkompoer eꞌñe ñapoeth eꞌñe poeyemteñoth Yomporpaꞌ eñotataneñña allowen poꞌpotantañexhno pamoꞌtseshaꞌ ñetpaꞌ koñchatwerranetchaꞌ Yompor. Ñeñthoꞌmarña eꞌñe poeyemteñoth, Yomporñapaꞌ eꞌñe pokteꞌ entenan Noé.

Hebreos 6:18

Ñeñthoꞌmar yeñoteñ Yomporpaꞌ eꞌñe epoch eñotateney eꞌñe poꞌñoxh atethchaꞌ perrnay, ñamha Yompor poꞌñoñpaꞌ ama xhoyeꞌ shekënye. Ñeñthoꞌmarña eꞌñe yeyemteñoth ñapaꞌ yeñoteñ poꞌñoxhpaꞌ aꞌkeshphatwerreychaꞌ ñeñth ateth oteney. Ñeñthoꞌmarña yekweñ amaꞌt alloweney ñeñthey eꞌneneꞌ ña ñachña yaꞌkeshphatwerreꞌ.

1 San Juan 3:10

Arrpaꞌ atthoña yeñoteñña ñeñth Yomporenaꞌtar ñamha ñeñth oneñethenaꞌtar. Allowen ñeñth ama pokteyeꞌ es orrtatyetso ñeñth ama morrentenaye pamoꞌtseshaꞌ, ñetñapaꞌ amakaꞌye Yomporenaꞌtareyayeto.