San Mateo 3:5 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵ Allempoña jerusaléñoꞌmarneshaꞌpaꞌ xhokma waxhaꞌtyenet ñesho ñamha allowen judeoꞌmarneshaꞌ. Waxhaꞌtyeññaña ñamha allowen jordanasoꞌmarneshaꞌ.

San Mateo 3:5 Iomraidhean Croise

San Mateo 2:1

Allempo eñalleta Jesús all Beléño, eꞌñe alla Judeopaꞌ añ amhchaꞌtarethtatseꞌth Herodes. Oꞌña eñalletwapaꞌ eñotañneshaꞌña waxhaꞌtet alloth wena atsrrethpaꞌ oꞌ xhaxhaꞌtet Jerusaléño.

San Mateo 4:25

Shonteꞌ acheñeneshaꞌ ñeñth kothaꞌyeseꞌ. Kothaꞌyes galileoꞌmarneshaꞌ, ñamha decapolisoꞌmarneshaꞌ ñamha jerusaléñoꞌmarneshaꞌ, ñamha judeoꞌmarneshaꞌ; amaꞌt ñeñth yexhetsa Jordanaso yomhtaꞌnpaꞌ oꞌ eꞌñe kothaꞌyeswet.

San Marcos 1:5

Ñeñthoꞌmarña shonteꞌ acheñeneshaꞌ xhokma waxhaꞌtyenet ñesho oꞌch eꞌmhñoteñetaꞌ. Allowen ñeñth judeoꞌmarneshaꞌ ñamha allowen ñeñth jerusaléñoꞌmarneshaꞌ xhokma waxhaꞌtyenet ñesho. Allña ñetpaꞌ aꞌmethaꞌyesoset poꞌchñaret, Juanñapaꞌ apatyesapanet Yomporekop. Ñeñthña oñ all apatyesapanet añ paꞌsoꞌcheñ Jordanas.

San Lucas 16:16

Allempoña Jesúspaꞌ ateth serrpareꞌtaterranerr acheñeneshaꞌ poꞌpoñoneth: —Añña ñoñets Moisés poꞌñoñ ñeñth ateth anareth ñamha añ ñoñets ñeñth kellkaꞌyeseꞌth ñeñth aꞌmhtaꞌyesayeꞌth Yompor poꞌñoñ, ñetpaꞌ ñeñtha eꞌñe serrpareꞌteteꞌth tharrempowa allempo orrtosa Juan. Allempoteñ serrpareꞌtatosanet Juanpaꞌ ñapaꞌ añ serrpareꞌtatosanet ateth penaña Yompor poꞌkowenña attho atarr ayochreshathtena ña, ñeñthara kowen ñoñets alloch sekeshperra. Ñamha allowen acheñeneshaꞌ eꞌñe poeyoxhrokmañenet ñeñtha atarr moenenet.

San Lucas 3:3

Ñeñthoꞌmarña Juan allempopaꞌ oꞌ chopeñeꞌchyes errakmañen Jordanasoꞌmar, all serrpareꞌtyesnom. Ñeñthpaꞌ ateth otyesnomanet: —Theꞌpaꞌ oꞌch sokthapeꞌcherr eꞌñe ello kowen Yomporekop atthoch Yomporpaꞌ oꞌch peretnerrnas allowen soꞌchñar, allochñapaꞌ oꞌch sapatarethterra Yomporekop.

San Lucas 3:7

Allempoñapaꞌ shonteꞌ acheñeneshaꞌ waxhaꞌtet Juanesho. Ñetpaꞌ tharroꞌmar waxhenet añ moenenet oꞌch apatapanet Juan Yomporekop. Juanña serrpareꞌtatapanetpaꞌ otapanet: —Sapaꞌ ama kowenayayso atarr ashkarñathes, xha sottena ñerraꞌmrratheꞌ shechpha sompor sepen. Poꞌñoxhkaꞌ ama eseshayeꞌ sotenaye eꞌñech sapatarethteñotha oꞌch sekeshperra allochñapaꞌ amach koñchatwerrso Yompor allempoch yoroxhtatwer tsapathoneth.

San Juan 3:23

Ñamha allempo Juanpaꞌxhoꞌña arr apatyenan acheñeneshaꞌ all oteñet Enón eꞌñe alla allameꞌtets Salimo, tharroꞌmar allpaꞌ shonteꞌ oñexhno. Acheñeneshaꞌpaꞌxhoꞌña shonteꞌ waxhaꞌtyeset atthoch apatarethetyeset Yomporekop.

San Juan 5:35

Juanpaꞌ eꞌñe ateth peꞌth ñerraꞌmrratheꞌ lampareñ korretsa, atthoña xhoyoꞌteꞌth. Sañapaꞌ sa moenatseꞌth oꞌch sokshameꞌta mameꞌ all aꞌpoetarsamphsas.