San Mateo 3:4 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴ Ñeñthña Juanpaꞌ camello poeꞌch apomotareth ñeñth paꞌshtam pen. Allo chanena ñeñthpaꞌ paꞌrrom. Allñapaꞌ rraꞌyesaneꞌth awañchenklla ñeñtha poerrar peꞌth epoet pets poꞌmoñ.

San Mateo 3:4 Iomraidhean Croise

San Mateo 11:8

Ñamha amakaꞌ añekpayeꞌ seteꞌtheña all oꞌch senteñaꞌ ñeñth atarr koxhneshaꞌtetsa paꞌshtam all, tharroꞌmar yeñoteñ amayopaꞌ amakaꞌye eñalleña all ñeñth atarr koxhneshaꞌtetsa paꞌshtam. Yapaꞌ yeñoteñ arrña yentenña ñeñth atarr koxhneshaꞌ chorraꞌyenaya shetamoets amhchaꞌtarethepawo.

San Marcos 1:6

Ñeñthña Juanpaꞌ camello poeꞌch apomotareth ñeñth paꞌshtam pen. Allo chanena ñeñthpaꞌ paꞌrrom. Allñapaꞌ rraꞌyesaneꞌth awañchenklla ñeñtha poerrar peꞌth epoet pets poꞌmoñ.

San Lucas 1:17

Ñeñthña Juanpaꞌ ñeñthchaꞌña ñanom orrtatsa Yomporekop. Ñapaꞌ añchaꞌ awamenkath peneꞌ Yompor Poekamkëñ ateth peꞌth awath Elías ñeñth aꞌmhtayeꞌth Yompor poꞌñoñ. Allochñapaꞌ atthoch eꞌñe kowen amoꞌtstaterrana achemerethexhno poechemereshaꞌ. Allochñapaꞌ amaꞌt ñeñth athpareꞌtetsapaꞌ oꞌch ameꞌñaterranet ñeñth eꞌñe pokteꞌ es pets. Atthochña kothapeꞌchaterranet kowen, allochñapaꞌ atthoch agapoeret Partseshaꞌ ñerraꞌm esempoch orrta.

El Apocalipsis 11:3

Ñamha allempopaꞌ oꞌch nemñe epsheña ñeñth neyochreshaꞌ nepen. Nach awamenkath phawet atthoch aꞌpothet ñeñthchaꞌ ateth perra esempowañen. Mil doscientos sesenta yeth allponmatchaꞌ serrpareꞌtennanet neñoñ. Poellkëñothet chorretchaꞌ paꞌshtamasheꞌm. Arrpaꞌ allowa ñeñth ateth otnet all Yompor poeꞌntaño.