San Mateo 3:3 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³ Ñewa, añmapaꞌ ñokopkaꞌye eñoseꞌthña Isaías ñeñth aꞌmhtayeꞌth awath Yompor poꞌñoñ. Allempopaꞌ ateth oteꞌth: Eꞌmorrterrach poesheñarr poꞌñoñ all amayo allchaꞌña serrpareꞌtaterranña acheñeneshaꞌ. Poerranarothpaꞌ añchaꞌ tomaꞌntaterranet thoñ, ñeñthpaꞌ atethchaꞌ oterranet: “Theꞌpaꞌ oꞌch saꞌkowenetyes thoñ allchaꞌ oñmos Partseshaꞌ, oꞌch eꞌñe saꞌpaxharretyesoñ paꞌtheph.” Arrpaꞌ allowa ñeñth ateth akellkareth awathotheñ Cristokop.

San Mateo 3:3 Iomraidhean Croise

San Marcos 1:3

Ñapaꞌ eꞌmorrterrach poꞌñoñ all amayo allchaꞌña serrpareꞌtaterranña acheñeneshaꞌ. Poerranarothpaꞌ añchaꞌ tomaꞌntaterranet thoñ, ñeñthpaꞌ atethchaꞌ oterranet: “Theꞌpaꞌ oꞌch saꞌkowenetyes thoñ allchaꞌ oñmos Partseshaꞌ, oꞌch eꞌñe saꞌpaxharretyesoñ paꞌtheph.” Arrpaꞌ allowa ñeñth ateth kellkëꞌth Isaías.

San Lucas 1:17

Ñeñthña Juanpaꞌ ñeñthchaꞌña ñanom orrtatsa Yomporekop. Ñapaꞌ añchaꞌ awamenkath peneꞌ Yompor Poekamkëñ ateth peꞌth awath Elías ñeñth aꞌmhtayeꞌth Yompor poꞌñoñ. Allochñapaꞌ atthoch eꞌñe kowen amoꞌtstaterrana achemerethexhno poechemereshaꞌ. Allochñapaꞌ amaꞌt ñeñth athpareꞌtetsapaꞌ oꞌch ameꞌñaterranet ñeñth eꞌñe pokteꞌ es pets. Atthochña kothapeꞌchaterranet kowen, allochñapaꞌ atthoch agapoeret Partseshaꞌ ñerraꞌm esempoch orrta.

San Lucas 1:76

Theꞌpaꞌ oꞌch nechemeretholle notaph: Phapaꞌ oterrpetchaꞌ ñeñthephoꞌ ñeñthchaꞌ eñoranaꞌtena ñeñth nanak Parets. Tharroꞌmar phapaꞌ phanomchaꞌ orrtatsa atthoch phaꞌkowentatyesoñ allchaꞌ oñmos Partseshaꞌ.

San Juan 1:23

Ñañapaꞌ ateth oterraneterr: —Napaꞌ nokopkaꞌye eñoseꞌthña Isaías ñeñth aꞌmhtayeꞌth Yompor poꞌñoñ awath. Allempopaꞌ atethkaꞌ oteꞌth: Eꞌmorrterrach poesheñarr poꞌñoñ all amayo allchaꞌ serrpareꞌtaterranña acheñeneshaꞌ. Poerranarothpaꞌ añchaꞌ tomaꞌntaterranet thoñ ñapaꞌ atethchaꞌkaꞌye oterranet: “Saꞌkowenetyes thoñ allchaꞌ oñmos Partseshaꞌ oꞌch eꞌñe saꞌpaxharretyesoñ paꞌtheph.”