San Mateo 3:12 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹² Ñapaꞌ atarr awamenkath ñapaꞌ ñach akrerreꞌ allowen acheñeneshaꞌ. Ñapaꞌ añ tomaꞌntena ñeñth orreneꞌ poeshoshnat alloch shoshnan poꞌtrigo oꞌch eꞌñe poeꞌllomhrochayamha. Ñeñthña poeꞌllomerpaꞌ oꞌch aꞌyapaxheꞌ oꞌch aññoꞌch allekma aññoꞌteñ eꞌñe kowen. Poeꞌsheꞌmarñapaꞌ oꞌch waporeꞌch tso allchaꞌ eꞌñe poywa. Ñeñthña tsoꞌpaꞌ ama emayaꞌpawo amaꞌt errponaña. Ñeñthpaꞌ allowa ateth serrpareꞌtatanet Juan.

San Mateo 3:12 Iomraidhean Croise

San Mateo 13:30

Allepaꞌ chepoepaꞌ epoet. Esempoch pomellaꞌwa trigopaꞌ allempochña noch ñeñthchaꞌ aꞌyapaxheꞌ trigo: Ñanomchaꞌ añ saꞌyapaxhaꞌ taꞌteꞌ oꞌch sewankachmech atthoch yaꞌpoyatater. Sewankaꞌwepaꞌ xhoschaꞌña aꞌyapaxheꞌña ñamha trigo oꞌch saññoꞌteñaꞌ allekma neshontateñ.”

San Mateo 13:41

Ñewa, na Ñeñthen Acheñetosetspaꞌ nach moeñerreꞌ nemhllañotheñnaneshar ñeñthchaꞌ aꞌyapaxhaꞌtwerreꞌ allowen ñeñth kothapeꞌchatyenawet sosey ñamha allowen ñeñth eꞌñe aña etsotayen pathpareñ. Arrothchaꞌ aꞌyapaxharethterra alloꞌtsaꞌyen ñamha Yompor poeyochreshaxhno, amaꞌt eꞌñe all ayochreshathtena ña.

San Mateo 13:42

Oꞌch eꞌñe aꞌyapaxharethetwerretpaꞌ allempochña asaprrotarethtet oꞌpono all worten tsoꞌ. Allñapaꞌ allchaꞌ yawanrrorterret, panmoeñothet atserrpaꞌ rrasoꞌtyerretchaꞌ paꞌs.

San Mateo 13:43

Allempoña allowen ñeñth eꞌñe pokteꞌ es phaꞌyets ñetñapaꞌ poptetsetach eꞌñech atthet ñerraꞌm atsrreth. Eꞌñech kowen popoetyenet all amhchaꞌtarethtena ñeñth pompor penet. Allowenes ñeñthes neꞌmhñoteneꞌ neñoñ xhaponasepaꞌchña seyoxhro ñeñth ateth notenes.

San Lucas 3:16

Juanñapaꞌ ateth otanet: —Napaꞌ ama añeyayno ñeñth Cristotets, tharroꞌmar napaꞌ amaꞌt napatensoñ Yomporekop eꞌñe oñochaya napatenes. Tharraña Cristo ñeñthchaꞌ wapatsa chentaꞌpaꞌ ñapaꞌ añchaꞌña chorratossa Parets Poekamkëñ ñeñth ateth ñerraꞌm tsoꞌ. Ñapaꞌ ñeñth atarr awamenkatheshaꞌ, nañapaꞌ ama tama awamenkatheyayno. Ñapaꞌ ñeñthña atarr sherbets, nañapaꞌ ama es nesherbeno atthoch amaꞌt poꞌsapatrexhapaꞌ oꞌch nepyoñ.

San Lucas 3:17

Ñapaꞌ atarr awamenkath, ñapaꞌ ñach akrerreꞌ allowen acheñeneshaꞌ. Ñapaꞌ añ tomaꞌntena ñeñth orreneꞌ poeshoshnat alloch shoshnan poꞌtrigo oꞌch eꞌñe poeꞌllomhrochayamha. Ñeñthña poeꞌllomerpaꞌ oꞌch aꞌyapaxheꞌ oꞌch aññoꞌch allekma aññoꞌteñ eꞌñe kowen. Poeꞌsheꞌmarñapaꞌ oꞌch waporeꞌch tso allchaꞌ eꞌñe poywa. Ñeñthña tsoꞌpaꞌ ama emayaꞌpawo amaꞌt errponaña.

San Juan 15:2

Sa ñeñthes neyemtenaya na sapaꞌ atthes ñerraꞌmrratheꞌ uvachmoꞌr poetakër. Allowen poetakër erraꞌtsen ñeñth ama meꞌtetso, Nomporñapaꞌ xhochña pechamphsoñ poetakër. Ñamha allowen ñeñth meꞌtetspaꞌ xhochña pechtakreꞌtyeset mameshaꞌtets atthoch eꞌñe kowen eꞌshtakreꞌchet allochñapaꞌ atthoch atarrchaꞌ nanak meꞌten.