San Mateo 3:10 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁰ Ñeñthoꞌmarña napaꞌ oꞌch notas ñerraꞌm amach sokthapeꞌcherro kowen Yomporekop oꞌ mameshamerra oꞌch xhaponasa atthoch koñchaterres Yompor. Oꞌch netmaꞌntatasa ateth ñerraꞌmrratheꞌ allempo oꞌch aꞌmataꞌtmochet tsach. Oꞌ eꞌñe onañchachet gach allchaꞌ tet eꞌñe allowa wañen poepallaktar. Ñeñth allowen tsachexhno ñeñth ama kowenayeꞌ meꞌtetsopaꞌ aꞌmataꞌtweretchaꞌ saprrochetchaꞌ all worten tsoꞌ allchaꞌ eꞌñe aꞌpoyatatweret.

San Mateo 3:10 Iomraidhean Croise

San Mateo 21:19

Allñapaꞌ entnoman higoch thoñetophñoꞌtsen. Ponmosya ama entoñe poeꞌmer, pasopanrepaꞌtchaꞌ entosñañ. Jesúsña xhepaꞌtchaꞌ eñorostsa higochekop, ñeñthpaꞌ ateth otos: —¡Arepaꞌch eñalleterro poeꞌmer amaꞌt eꞌñe awatha! Eꞌñe otweꞌpaꞌ allorokmoepaꞌtchaꞌ weyaꞌwaña pasopaner.

San Lucas 23:31

Tharroꞌmar theꞌpaꞌ attho moeroxhtatennet na amaꞌt napaꞌ eꞌñe kowen es norrtatyeneñ, eꞌñe attheneñ ñerraꞌm tsach eꞌñe kowen emmoꞌrateꞌ. Ñeñthoꞌmar theꞌ napaꞌ neñoteñ elloña atarrchaꞌ amoeroxhtatarethterra ñeñth ama kowenayeꞌ es orrtateno; ñeñthñapaꞌ eꞌñe ateth pena ñerraꞌm tsach rromoech. Arrpaꞌ allowa ateth otnomanet Jesús allempo aneñet allchaꞌ korsoꞌtamphsoset.

San Lucas 3:9

Ñeñthoꞌmarña napaꞌ oꞌch notas ñerraꞌm amach sokthapeꞌcherro kowen Yomporekop oꞌ mameshamha oꞌch xhaponasa atthoch koñchaterres Yompor. Oꞌch netmaꞌntatasa ateth ñerraꞌmrratheꞌ allempo oꞌch aꞌmatamochet tsach. Oꞌ eꞌñe onañchachet gach allchaꞌ tet eꞌñe allowa wañen poepallaktar. Ñeñth allowen tsachexhno ñeñth ama kowenayeꞌ meꞌtetsopaꞌ aꞌmataꞌtweretchaꞌ saprrochetchaꞌ all worten tsoꞌ allchaꞌ eꞌñe aꞌpoyatatweret.

San Juan 15:2

Sa ñeñthes neyemtenaya na sapaꞌ atthes ñerraꞌmrratheꞌ uvachmoꞌr poetakër. Allowen poetakër erraꞌtsen ñeñth ama meꞌtetso, Nomporñapaꞌ xhochña pechamphsoñ poetakër. Ñamha allowen ñeñth meꞌtetspaꞌ xhochña pechtakreꞌtyeset mameshaꞌtets atthoch eꞌñe kowen eꞌshtakreꞌchet allochñapaꞌ atthoch atarrchaꞌ nanak meꞌten.

San Juan 15:6

Eseshaꞌch ama neparrokmaterraye awaporeꞌtarethchaꞌ ateth ñerraꞌmrratheꞌ tsachtakër ñeñth ama meꞌtetso xhochña pechaꞌtamphsetña poetakër oꞌch eꞌñe porrarrkeꞌchwa allempochña aꞌyapaxhetpaꞌ oꞌch chamoet tso allchaꞌ poywa.

Hebreos 12:25

Ñeñthoꞌmarña theꞌpaꞌ oꞌch notas, seꞌmhñoterepaꞌch Yompor ñeñth seꞌñoranaꞌtenaya theꞌ. Tharroꞌmar awath israelenaꞌtarneshaꞌ ñeñth ama eꞌmhñotayeꞌthe Yompor allempo eñoranaꞌtaneteꞌth arr patsro, ñetñapaꞌ ama eseshayeꞌ keshphatso. Ñeñthoꞌmarña yeñoteñ ñerraꞌm yapaꞌ amach yeꞌmhñotere yamha Yompor ñeñth yeꞌñoranaꞌtenaya theꞌ poeꞌntañoth, elloña yapaꞌxhoꞌña amaꞌt poesheñarrotheyapaꞌ amach eseshay keshperrtso.

Hebreos 6:8

Tharraña ñerraꞌm aña cheparsats paꞌnamen ajaxhno ñeñth ama kowenayaye, ñeñthña patspaꞌ amach es sherbeno. Yomporeshothpaꞌ arrnomarethterrach atthoch aꞌpoyarethterra.