San Mateo 28:3 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³ Ñañapaꞌ atarr nanak poptosa eꞌñe ateth orrtosa ñerraꞌmrratheꞌ meratsteꞌ. Paꞌshtamñapaꞌ atarr nanak wallamaꞌth.

San Mateo 28:3 Iomraidhean Croise

San Mateo 17:2

Allña Jesúspaꞌ machayothepaꞌtchaꞌ poꞌpoñetamphsosanet. Paꞌklloyothpaꞌ xha poptosa eꞌñe ateth ñerraꞌmrratheꞌ atsrreth poptetsa. Eꞌñe paꞌshtamowen atarr wallamaꞌtho poptosa xha aꞌpoetareswe aꞌyowen.

San Mateo 28:4

Guardianeshaꞌñapaꞌ ñeñthña atarr yoreꞌtoseꞌ. Poemhchañothetpaꞌ xha yonshemaꞌtyeset xha othaꞌyeset eꞌñe atthet ñerraꞌm xho rromoenet.

San Marcos 16:5

Ñetña allempo beꞌthososet poepampro allñapaꞌ all entoset poesheñarr wepoeshaꞌ all anen poꞌkowenroth. Paꞌshtamñapaꞌ atarr wallamaꞌth, xha thorats phanet poeyoxhret.

San Marcos 9:3

Paꞌshtampaꞌ xha popta atarr nanak wallamaꞌth. Arr patsropaꞌ ama eñalle alloch yaꞌwallamaꞌthtat yeshtam ateth ñerraꞌm ña paꞌshtam atarr wallamaꞌtho poptena.

San Juan 20:12

Allñapaꞌ aña ent epsheña mellañotheñ, paꞌshtamoet atarr wallamaꞌthareret. Eꞌñe ñopaꞌtets anorryenet poesheñarrpaꞌ poñoth anen, poꞌpsheñeññapaꞌ paꞌrrphoth anen all phanet awaña Jesús.

Los Hechos 1:10

Amaꞌt allempo oꞌwañ orrta Jesús, ñetpaꞌ alloꞌ kowanrrortenet enoneth alleneth oꞌ chenkaꞌwanena Jesús. Allempoñapaꞌ kowerrtset patsonethpaꞌ alla entet epsheña yakma oꞌ thomxhaꞌtoset eꞌñe parro. Paꞌshtamoetpaꞌ nanakoꞌ wallamaꞌthareret.

El Apocalipsis 10:1

Allempoña napaꞌ oꞌ alla nenterrerr poꞌpsheñeñ mellañotheñ ñeñth atarr awamenkathtetsa. Ñañapaꞌ sowaꞌnena entoth, eꞌñe osoth sowampena. Poñothñapaꞌ añ arkaꞌtampesneneꞌ ayon. Paꞌklloyothñapaꞌ eꞌñe ateth poptena ñerraꞌmrratheꞌ atsneꞌ xhoyoꞌtetsa. Paꞌtak paꞌchepowen ora ateth orrtena ñerraꞌmrratheꞌ tsoꞌ wortets enoneth.

El Apocalipsis 18:1

Allempoña oꞌ alla nenterrerr poꞌpsheñeñ mellañotheñ ñeñth sowaꞌnetsa entoth, ñeñthñapaꞌ atarr awamenkath. Oꞌ eꞌñe xhap patsopaꞌ aꞌpoetarsamphsosan pats eꞌñe ña poꞌpopteñoth.