San Mateo 28:2 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

² Allempoña machayothepaꞌtchaꞌ pella pats womenk; añ sowatsa Yompor poꞌmhllañotheñer entoth. Oꞌ sowapaꞌ aꞌrrotheꞌtosan mapoeꞌ aꞌyeneth ñeñthña mapoeꞌpaꞌ allña anorros.

San Mateo 28:2 Iomraidhean Croise

San Mateo 27:60

All eꞌñe errteꞌ eñateneꞌ mapoetpon ñeñthpaꞌ eꞌñe pamoꞌtsnaꞌtarneshakpañ allkaꞌyeña nenanaꞌña Jesús. Allempoñapaꞌ attomeꞌterrñañ mapoeꞌ añekmoen allo yottampesner ñeñth poepampoer phach. Oꞌña yottampeswanerpaꞌ Joséñapaꞌ awerr.

San Mateo 27:66

Ñetñapaꞌ awanmoet poepampro. Mapoeꞌ allo yottampeñetpaꞌ eꞌñe kowen yomrraramphsoset atthochña eñoteret ñerraꞌm eseshaꞌch toramperreꞌ. Oꞌña eꞌñe kowen phampeswetpaꞌ allempoñapaꞌ naꞌneret guardia all ñeñthchaꞌ kowamphseꞌ.

San Juan 20:1

Allempo mothtaꞌmoenerr yetsñats temenk, Maríaña Magdalenapaꞌ awathekma awaꞌmoen poepampro, allempopaꞌ ama eꞌñe poetareswenaꞌ. Allñapaꞌ amoepaꞌtchaꞌ attherayeꞌ entosanoña mapoeꞌ allo yottamphset. Ama alloꞌtsenarayaye, attha apmesareth aꞌyeneth mameꞌ.

Los Hechos 5:19

Tharraña amaꞌt abeꞌtharethtetpaꞌ tsapoñapaꞌ oꞌ wapanet Yompor poꞌmhllañotheñer ñeñth wetsa poeꞌntañoth oꞌ toramperranet, oꞌ xhapaterranet aꞌyenethpaꞌ ateth otanet:

1 Timoteo 3:16

Ñamha yapaꞌ yeñoteñ ñeñth ateth kothapeꞌchateney Yompor attho yameꞌñerapaꞌ ñeñthpaꞌ nanak koxhneshaꞌ amaꞌt awathotheñpaꞌ ama eseshayeꞌ eñotenaye. Añpaꞌ ñeñth ateth yaꞌxhoteñ Cristo: Amaꞌt Paretspaꞌ oꞌ acheñetos añe patsro, tharraña Yompor Poekamkëñothña nanak awamenkathtosa ñeñth eñotateneꞌña acheñeneshaꞌ ñapaꞌ eꞌñe poꞌñoxh kowen. Amaꞌt allowen mellañotheñnaneshaꞌpaꞌ eꞌñe entwoñeteꞌth ñeñth ateth phaꞌyeseꞌth añ patsro, ñamha ñeñth ameꞌñayeꞌthpaꞌ xhokma aꞌpothet Cristo errakmañen arr patsro amaꞌt all ama judioneshayaye. Ñamha shonteꞌ acheñ ameꞌñerraya Cristo, allothña Yompor poꞌkowenñothpaꞌ oꞌ alla agër poeꞌntaño.

1 San Pedro 1:12

Yomporpaꞌ eñotatanet ñeñthpaꞌ amachkaꞌye awenayeꞌ etsoterro; shonteꞌch char allempochña etsoterra ateth eñotatanet Yompor. Tharraña ñeñth eñotat allempopaꞌ ñeñthpaꞌ ama ñokpoetayaye, ñeñthpaꞌ eꞌñechkaꞌye yokop. Theꞌñapaꞌ ñeñth seserrpareꞌtateneꞌ kowen ñoñetspaꞌ ñeñthña señotateneꞌ eꞌñe kowen ñeñth ateth penaña ñeñth kothaphñats. Parets Poekamkëñ ñeñth wetsa poeꞌntañothpaꞌ ñeñthña eñotatenawetña atthoch serrpareꞌtataset samha añ kowen ñoñets. Amaꞌt Parets poꞌmhllañotheñnaneshar ñetpaꞌxhoꞌña atarr moeneñet oꞌch eñochet ñamet ñeñth oꞌ señotwerr sa.

El Apocalipsis 11:19

Allempoña añ Yompor paꞌpakëll ñeñth entoꞌtsenpaꞌ eꞌñe kowen atorarethtena. Oꞌponoña all nentoñ Yompor poꞌtsapot all xhokma aññoꞌtenet ñeñth akellkareth ñeñth aꞌpoktat Yompor yokop. Allñapaꞌ meratstena, tatsllaren maꞌmoreten womenk, pellena pats ñamha ateth wechen womenk.