San Mateo 28:1 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹ Oꞌña wañ yethñats allempokma amesenet allempoña thaya poetaren temenk allempo mothtaꞌmoena yethñatspaꞌ Maríaña Magdalena ñamha poꞌpsheñeñ María ñetñapaꞌ awathekma awanmaꞌmoenet oꞌch entaꞌmoeñet Jesús poepampro.

San Mateo 28:1 Iomraidhean Croise

San Mateo 27:56

Ñeñthpaꞌ María Magdalena ñamha poꞌpsheñeñ María ñeñth Jacobo pachor ñamha José. Alloꞌtsen ñamha ñeñth pachor pen Zebedeo poechemereshaꞌ, ñamha poꞌpotantañexhno koyaneshaxhno.

San Mateo 27:61

Allñapaꞌ alloꞌtsen María Magdalena ñamha poꞌpsheñeñ María. Ñetñapaꞌ alla anorrxhaꞌtoset allameꞌtets all pampoeñet.

San Lucas 23:56

Allempoña ñet onaxherret allothpaꞌ oꞌ xhaxherret pokollo, ñetñapaꞌ allowenetpaꞌ yorayeswerret ñeñth atarr eñmosathexhno alloch aꞌyanaꞌteretaꞌ Jesús ora poꞌchtsowen atthoch eꞌñe kowen eñmosathtateretaꞌ. Ñeñthpaꞌ eꞌñekaꞌye ateth yexhenaña judioneshaꞌ. Ñetpaꞌ alla aññoꞌtwaneñetña eñmosathexhno tharroꞌmar tsapathpaꞌ amach serreto poepampro tharroꞌmar tsapathchaꞌ xhapaꞌmoen ñeñthe yethro allempo xhokma amesen judioneshaꞌ ñeñth ateth anarethtenet ñokpoet.

San Lucas 24:1

Allempo oꞌ wañ yethñats allempo amesenet, allempo mothtaꞌmoena yethñats temenk koyaneshaxhnoñapaꞌ eꞌñe awathekma awanmaꞌmoenet all pampoeñet Jesús. Anmaꞌmoeññañet eñmosathexhno ñeñth oꞌpatateñet alloch aꞌyanaꞌtoset. Allñapaꞌ kothaꞌnmaꞌmoenanet poꞌpotantañ koyaneshaxhno.

San Lucas 24:22

Ñamha theꞌña koyaneshaxhnoña ñeñth parro yeyemtena, ñetñapaꞌ awathekma awanmaꞌmoenet oꞌch entaꞌmoeñet poepampro ñetñapaꞌ añoꞌ eseshayeꞌ entosayeña poepampro all neretañ. Allempoña waxherret poepamproth ateth serrpareꞌtatwerryet, allñapaꞌ añoꞌ orrtawet mellañotheñ ñeñthoꞌña otawet Jesúspaꞌ oꞌkaꞌye tanterra oꞌ alla bethterra. Ñeñthoꞌmarña yapaꞌ ñeñthña atarr yeyoreꞌteneꞌ.