San Mateo 27:2 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

² Jesúsñapaꞌ oꞌ wankotaꞌtwet allempoñapaꞌ anmaꞌmoeñet alloꞌtsen amhchaꞌtareth Poncio Pilato (ñeñth nen gobierno Romoth ñeñth amhchaꞌtarethtetsa alloꞌmarneshakop). Allkaꞌye pomaꞌmoeñetña Jesús.

San Mateo 27:2 Iomraidhean Croise

San Mateo 20:19

oꞌch pomoerrnet poꞌpoñ acheñesho ñeñth ama judioneshayaye. Ñetña poecheꞌtatseteñothetanpaꞌ allchaꞌña achmhareꞌterrnet, ashterrnetchaꞌ, atthothchaꞌña oꞌch korsoꞌtamperrnet, tharraña pomaꞌpamtañoch alla netanterra.

San Mateo 28:14

Ellopaꞌ alla oterranerr solltarneshaꞌ: —Ñerraꞌm amhchaꞌtareth xha eꞌmareꞌteꞌ yapaꞌ yaꞌpoktatonaschaꞌ eꞌñe kowen ñesho atthochña sapaꞌ amach erroth phaseto.

San Lucas 13:1

Allempo wapa poesheñaꞌtets acheñeneshaꞌ Jesúsesho, ñetñapaꞌ serrpareꞌtatoset Jesús ateth entenet ñet; ñeñthpaꞌ ateth otoset: —Allponsheña ñeñth galileoꞌmarneshaꞌ alloꞌtsaꞌyenet allekma moetsatenet berr ñeñth Yomporekop. Allempoñapaꞌ wapanet ñeñth moeñen amhchaꞌtareth Pilato ñetñapaꞌ xha moetsanatosanet eꞌñe all allempo moetsatenet berr ñeñth Yomporekop. Atthoña ñetpaꞌ allña atsetatseꞌtatarethtet ñet poꞌrras epoet poeberroret poꞌrras.

San Lucas 20:20

Tharraña ñetpaꞌ aña atarr eꞌnenet atthoch amaꞌt parrochapaꞌ oꞌch eñorachet ñeñth ama pokteyaye amaꞌt ñamha gobiernokop, allochñapaꞌ atthoch rremoet oꞌch pomoeñetaꞌ amhchaꞌtarethesho ñeñth nen gobiernoꞌ Romoth ñeñth amhchaꞌtarethtetsa alloꞌmarekop. Attheña ñetñapaꞌ eꞌñe aꞌnawa moeñet allponsheña acheñ Jesúsesho ñeñth ottetsañ ñerraꞌmrratheꞌ atarr kowen acheñ, tharraña ñetpaꞌ añekpa amñarethtet atthoch eꞌñe poeshkëñoth poꞌñoñothetpaꞌ oꞌch eñorachet ñeñth ama kowenayaye.

San Lucas 23:1

Allempoña allowenet tantrraꞌtwet, eꞌñe parrokma anmet Jesús alloꞌtsen amhchaꞌtareth Pilato (ñeñth nen gobierno Romoth ñeñth amhchaꞌtarethtetsa alloꞌmarneshakop).

San Lucas 23:12

Ñeñthoꞌmarña Herodes epoet Pilatopaꞌ eꞌñe allempokma amoꞌtstannerret tharroꞌmar awañmoꞌchapaꞌ xha eꞌmoñeꞌtannenet.

San Lucas 3:1

Ñewa, allempo xhap allempoch amhchaꞌtarethta ñamha ñeñth paꞌsoꞌcheñ Tiberio all Romo. Allempo xhap oꞌ amhchaꞌtarethta xharraꞌ poechena amnar char allempoña Judeopaꞌ añ amhchaꞌtarethtatsa ñamha Poncio Pilato. Galileoñapaꞌ añ amhchaꞌtarethtatsa Herodes. Paꞌmoꞌnasheñña Felipepaꞌ ñapaꞌ epa anetsokop amhchaꞌtarethta, ñeñthpaꞌ arr amhchaꞌtarethta Iturea ñamha Traconite. Lisaniasñapaꞌ arr amhchaꞌtarethta Abilinio.

San Juan 18:12

Allempoña solltarneshaꞌ epoet poꞌcapitáner ñamha judioneshaꞌ poꞌguardianeshar ñetñapaꞌ rromoset Jesúspaꞌ oꞌ wankët.

San Juan 18:24

Allempoña Anáspaꞌ allentha moeñe eꞌñe ewankareth paꞌñachoresho Caifásesho. Ñeñthña Caifáspaꞌ ñeñth eꞌñe paꞌmhchaꞌtarether pen allowen judioneshaꞌ poꞌkornaneshar.

San Juan 18:28

Allempoña Jesúspaꞌ anereterr Caifáseshoth. Eꞌñe awathekma anmaꞌmoeñet amhchaꞌtareth poꞌpalaciopawo. Ñeñthña amhchaꞌtarethpaꞌ ñeñth nen gobiernoꞌ Romoth ñeñth amhchaꞌtarethtetsa alloꞌmarneshakop. Allowen judioneshaꞌ ñetñapaꞌ ama beꞌthososeto amhchaꞌtareth paꞌpakllo tharroꞌmar ñeñth amhchaꞌtarethpaꞌ romoꞌmarneshaꞌ ama judioneshayaye allochña ñetpaꞌ añoꞌch xha aꞌsosyateto ñañeñeta Partsokop eshekchaꞌ eꞌñe kowen rrallmeꞌchet pascuapo.

Los Hechos 12:6

Attheñapaꞌ allponmat oꞌ xhap allempoch tsapathchaꞌ Herodespaꞌ oꞌch orrtataꞌmoenan Pedro alloꞌtsaꞌyen acheñeneshaꞌ. Tsapoña Pedropaꞌ all moenpaꞌ all rroxhtampeñ epsheña guardia all rromampeñet allo ewankareth cadeno epoꞌmar poekhoth. Ñamha aꞌyothpaꞌ all kowampeñ poꞌpotantañ solltar eꞌñe alloth beꞌthenet.

Los Hechos 21:33

Allempoña xhap amhchaꞌtarethpaꞌ oꞌ rromatan Pablopaꞌ oꞌ wankët epa cadeno. Allempoñapaꞌ aꞌphthoꞌtanet: —¿Esoꞌtña paꞌsoꞌcheñ añ acheñer? Ñamha oꞌ aꞌphthoꞌtanet: —¿Estheꞌña oꞌ phowa ña?

Los Hechos 22:25

Allempoñapaꞌ oꞌ wankët Pablo atthoch ashtet. Wankaꞌwet Pabloñapaꞌ otan capitán ñeñth thets allameꞌtets: —Taꞌ, ¿pokteꞌt senteñ oꞌch sashteꞌ acheñ ñeñth romanonaꞌtar, ñamha ama señoteñaꞌ ñeñth ateth pena? Ñoñets ñeñth ateth anareth Romothpaꞌ taꞌ, ¿pokteꞌtheꞌ?

Los Hechos 22:29

Añña solltarneshaꞌ ñeñth awtsa ashtayeñ Pablopaꞌ, allorokmoꞌ alla chetaꞌyerret aꞌyeneth. Ñeñth paꞌmhchaꞌtaretherpaꞌ ñapaꞌxhoꞌña xha yoren, tharroꞌmar oꞌ xhapoña poeyoxhro oꞌ wankaꞌwet acheñ ñeñth romanonaꞌtar.

Los Hechos 24:27

Attheñapaꞌ oꞌ met epa charpaꞌ oꞌ kamhyerra gobernador, wapa poꞌpsheñeñ amhchaꞌtareth añ paꞌsoꞌcheñ Porcio Festo. Ñañapaꞌ nanak moeneñ oꞌch koshatan judioneshaꞌ ñeñthoꞌmarña ama aꞌrroyerrano Pablo, ateth ot: —Allepaꞌ preso.

Los Hechos 28:20

Ñeñthoꞌmarña theꞌpaꞌ oꞌ nagotatwas allochñapaꞌ oꞌch neserrpareꞌtatwas ñeñth ateth pennet. Ñamha napaꞌ nameꞌñena attho ñerraꞌm yerromapaꞌ Yomporpaꞌ oꞌch tantaterrey esempowañen. Ñeñthoꞌmarña theꞌpaꞌ oꞌ sentwan napaꞌ ewankarethen, tharraña amaꞌt allowen judioneshaꞌpaꞌ atthekma ameꞌñenetañ.

Los Hechos 3:13

Añchaꞌña oꞌch notas: Añmapaꞌ Yompor orrtateneꞌ ñeñth oꞌ sentwa. Añña Yomporpaꞌ ñeñthara Poꞌyomporer peꞌth amaꞌt Abraham ñamha Isaac ñamha Jacob, ñamha allowen yatañneshañ. Yomporpaꞌ eꞌñe pokteꞌ eñch oꞌch kowentatan Poechemer Jesús. Ñeñthoꞌmarña oꞌ orrtatonas ñeñth oꞌ sentwa. Tharraña sa ñeñthara Jesúspaꞌ oꞌ sepomwe. Amaꞌt allempo Pilatopaꞌ pokteꞌ enteñeñ oꞌch aꞌrroyereñ, tharraña sañapaꞌ xha saꞌnasotampesya allowenes.

Los Hechos 4:27

Alla maꞌyochereterr Yompor, ateth oterreterr: —Ñeñthoꞌmarña theꞌpaꞌ poꞌñoxh oꞌ etsota attho arr Jerusaléño oꞌ apxhet atthoch oꞌpatonapet Pechemer Jesús amaꞌt ñeñth eꞌñe kowen Parets penten pha, ñeñthña Jesús ñeñth eꞌñe kowen pesherbhayeꞌth ñeñth eꞌñe pho pellsensar. Ateth awathotheñ eꞌñe peñotwaneteꞌth ñetpaꞌ oꞌch etsotaterrnapet peñoñ ateth ñerraꞌm Herodes, ñamha Poncio Pilato, ñamha poꞌpoñexhno acheñ ñeñth ama ameꞌñetso, amaꞌt ñamha israelneshaꞌ. Tharraña ñeñth ateth oꞌpachetpaꞌ theꞌpaꞌ oꞌ etsotwerra peñoñ.

Los Hechos 9:2

Xhap alloꞌtsenpaꞌ oꞌ enamos orden atthoch aꞌkllatwan ñeñth ameꞌñetsa. Oꞌ enam orden ñeñthchaꞌ anom aꞌyo anetso Damasco allekma apxhenet judioneshaꞌ poꞌprawo. Oꞌch xhap allpaꞌ oꞌch aposan ñeñth amhchaꞌtarethtetsa poerawo. Atthoch apet all llesens atthoch rromanatan acheñ ñeñth kotheneꞌ Jesús pokthaphña. Amaꞌt koyaneshaxhno ñamha yakmaneshaxhno oꞌch rromanatanet oꞌch wankatanet oꞌch anmarethterret Jerusaléño. Ateth kothapeꞌchña Saulo.

1 Timoteo 6:13

Theꞌpaꞌ oꞌch, masheñe, noterrperr poꞌpoñ ñeñthchaꞌ ateth pepha. Xhokmach petsotwa ora ñeñth ateth oteneph Yompor. Amach phokthapeꞌchatsto poꞌpoñoneth atthoch amach eñalle atthoch thanmareꞌtapha acheñeneshaꞌ. Añpaꞌ atethchaꞌ pepha tharrempowa esempowañenchaꞌ werra Yepartseshar Jesucristo. Tharroꞌmar amaꞌt theꞌ Yomporpaꞌ enteneph, ñeñthara Yompor ñeñth yapoeneꞌ yokrreña themeꞌttsen, ñamha allowen ñeñth yentyen. Ñamha Poechemer Jesucristopaꞌxhoꞌña enteneph, añ ñeñthara Cristo ñeñth eñosets eꞌñe kowen allempo aꞌphthoꞌtareꞌteñ Poncio Pilato.

2 Timoteo 2:9

Ñeñthoꞌmarña napaꞌ atthothña wankaꞌnet attho theꞌpaꞌ nanak nemoeroxhtena ateth ñerraꞌmrratheꞌ amtsañen. Tharraña Yompor poꞌñoñpaꞌ amach errothenoth wankëto.

Hebreos 13:3

Ñamha xhokmoepaꞌchña seyerepya ñeñth ayottamphsarethetyetsa. Eꞌñech kowen sellkapretenanet ateth ñerraꞌmrratheꞌ sapaꞌxhoꞌña ayottamphsarethes eꞌñe parro. Ñamha ñeñth amoeroxhtatarethetyetsa eꞌñepaꞌch kowen sellkapretenanet ñamet tharroꞌmar sapaꞌxhoꞌña señoteñ atthekma errothenopaꞌ xhokmach semoeroxhtena samha eꞌñe sechtso.