San Mateo 27:16 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁶ Ñamha eꞌñe allempopaꞌ alloꞌtsen poesheñarr judioneshaꞌ ñeñth ayottamphsarethtetsa ñeñthpaꞌ añ paꞌsoꞌcheñ Barrabás. Allowenetpaꞌ eꞌñe eñotweñet añekopña yottampeñet ñapaꞌ xhokma athpareꞌtaneꞌth amhchaꞌtareth ñeñth nen gobierno Romoth.

San Mateo 27:16 Iomraidhean Croise

San Mateo 27:15

Ñewa, ñetpaꞌ atethkaꞌye yexhenet. Eꞌñe patheꞌtets char allempoch xherrerr pascuapo, ñeñthña amhchaꞌtareth ñeñth nen gobierno Romothpaꞌ ñañapaꞌ xhokmach aꞌrroyerran poesheñarr judioneshakop ñeñth ayottamphsarethtetsa allempo, ñeñthara ñeñth pamoꞌts penet ñet. Oꞌch apanet erraꞌtsenxhoꞌ enamoenet ñeñth moenenet ñet. Ñeñthpaꞌ añekop aꞌrroyenanetña poesheñarr pamoꞌtset atthoch eꞌñe kowen koshatenan allowen judioneshaꞌ.

San Mateo 27:17

Ñeñthoꞌmarña allempo apxhaꞌwa allowen acheñeneshaꞌpaꞌ amhchaꞌtarethña Pilatopaꞌ aꞌphthoꞌtapanet: —¿Erraꞌtsenaꞌt semnenña ñeñthchaꞌ naꞌrroyonas, ñatoꞌ añchaꞌ Barrabás amapaꞌ Jesús ñeñth otenet Cristo?

San Marcos 15:7

Ñamha eꞌñe allempopaꞌ alloꞌtsen poesheñarr judioneshaꞌ ñeñth ayottamphsarethtetsa ñeñthpaꞌ añ paꞌsoꞌcheñ Barrabás. Ñewa, ñeñth Barrabás awañmoꞌchotheñ yottampeñet epoet poꞌpotantañ tharroꞌmar ñetpaꞌ ñetkaꞌye yexhatenetña acheñeneshaꞌ athpareꞌchetepaꞌtoꞌ amhchaꞌtareth ñeñth nen gobiernoꞌ Romoth. Eꞌñe pathpareꞌteñothet oꞌ moetset ñamha acheñ.

San Lucas 23:25

Ñeñthoꞌmar allempo aꞌrroyanet Barrabás ñeñth enamoeñet amaꞌt ñeñth pathparñoth yottampeñet ñamha poemtseñoth acheñ. Tharraña Jesúsñapaꞌ oꞌ apanet atthoch moetset ñeñth atarr moenenet ñet.

San Juan 18:40

Allempoña ñetpaꞌ poerrannarteñothetpaꞌ ateth otyeset: —Tharraña Jesúspaꞌ amach phaꞌrroyatsche, añchaꞌña phaꞌrroyerrnay Barrabás. Ñeñthña Barrabáspaꞌ ñeñth atarr aprratamphsañtetsa.

Los Hechos 3:14

Amaꞌt ñeñth nanak Parets, ñamha amaꞌt ñeñth eꞌñe pokteꞌ es pets, sañapaꞌ xha saꞌnasotampesya. Allempo Pilatopaꞌ amaꞌt moeneñ oꞌch aꞌrroyer, sañapaꞌ aña sanamh ñeñth amtsañ ñeñthchaꞌ aꞌrroyonaset.

Romanos 1:32

Ñeñth phatseꞌtyetsa atethpaꞌ amaꞌt eñoteñetañ eꞌñe Yomporeshoth anarethetwa amaꞌt koñcheñets añekop ñeñth phatseꞌtyetsa atethpaꞌ tharraña ñetñapaꞌ ñeñtharach ateth phatseꞌtyesnenet. Amaꞌt pamoꞌtseshetpaꞌ ñerraꞌm eꞌñe atthekma phowenet ñametpaꞌ chemerrña allempopaꞌ ñeñthach erronayeꞌ koshapretannenet.

Romanos 16:7

Theꞌñapaꞌ oꞌch newomhchaꞌch ñamha namoꞌts ñeñthara masheñ Andrónico ñamha masheñ Junias, tharroꞌmar ñet awañmoꞌchapaꞌ ñeñth parro ewankarethey. Ñetpaꞌ amaꞌt allsensarethneshaꞌpaꞌ nanak asherben entarethtet, tharroꞌmar ñetpaꞌ awathotheñ ameꞌñeret Cristo. Amaꞌt allempo napaꞌ ama nameꞌñenaꞌ ñetñapaꞌ oꞌ ameꞌñaꞌwet ñanom.