San Mateo 26:70 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁷⁰ Pedroñapaꞌ anapoeꞌpaꞌ xha aꞌnasocha. Allowenetñapaꞌ eꞌñe eꞌmweñet ateth ot: —Napaꞌ amakaꞌye neñoteñe ñeñth ateth photenen.

San Mateo 26:70 Iomraidhean Croise

San Mateo 26:51

Allempoña poesheñarr ñeñth epoet Jesúspaꞌ ñañapaꞌ poꞌkchella chetaꞌpaꞌ oꞌch xhontoꞌtapaneñ korneshaꞌ poeñañra, poetepaꞌtchaꞌ tsorroñ. Ñeñthpaꞌ año poeñañra ñeñth paꞌmhchaꞌtarether pen allowen judioneshaꞌ poꞌkornaneshar.

San Mateo 26:56

Amaꞌtpaꞌ atthepaꞌkaꞌye perra allochñapaꞌ atthoch eꞌñe etsotwerra ñeñth allpon kellkaꞌyeseꞌth nokop ñeñth aꞌmhtaꞌyesayeꞌth Yompor poꞌñoñ. Allempoña allowen poeyochreshaꞌpaꞌ allorokma aꞌypoꞌñaꞌwanmet, ñetñapaꞌ yetrraꞌtwet.

San Mateo 26:58

Pedroñapaꞌ kothaꞌnmanet tharraña ñapaꞌ chentaꞌ en aꞌyoth. Eꞌñe korneshaꞌ poꞌpampowa allñapaꞌ anorros epoet ñeñth guardianeshaꞌ allochñapaꞌ eshekchaꞌ entan Jesús atthoch errothwanenchaꞌ pet.

San Mateo 26:69

Pedropaꞌ aꞌyotheꞌtsen all anen pampo. Allñapaꞌ wapoña koyaneshaꞌ ñeñth korneshaꞌ poeñañra, ñañapaꞌ ateth otosan Pedro: —Phakaꞌye eꞌñe kothayeꞌthña Jesús ñeñth galileoꞌmarneshaꞌ.

San Mateo 26:71

Allempoña Pedropaꞌ awerr, xherr allothekma beꞌthenet oꞌch xhapoet oꞌpono pampo. Allñapaꞌ entwererr poꞌpsheñeñ koyaneshaꞌ ñeñth korneshaꞌ poeñañra. Ñañapaꞌ ateth otan ñeñth parro alloꞌtsaꞌyenet: —Añ acheñerpaꞌ ñeñthkaꞌye kotheneꞌña Jesús ñeñth nazaretoꞌmarneshaꞌ.

San Lucas 22:57

Tharraña Pedroña xha aꞌnasochapaꞌ ateth otanña koyaneshaꞌ: —Napaꞌ amakaꞌye nentare.

Romanos 11:20

Tharraña napaꞌ oꞌch notas, amaꞌt poꞌñoxh oꞌ aꞌypoꞌñarethta judioneshaꞌ añekopña aꞌypoꞌñarethterret eꞌñe pathpareꞌteñothet Yompor. Ñewa, theꞌña sapaꞌ eꞌñe seyemteñotha Yompor oꞌ separrokmaterr sa. Ñeñthoꞌmarña oꞌch notas, amach sommoꞌchatsto, eꞌñepaꞌchña semhchaꞌnaꞌteñoth sameꞌñeña Yompor.

1 Corintios 10:12

Ñeñthoꞌmarña theꞌpaꞌ oꞌch notas, eꞌñech señota. Amach sotaphsaꞌtatsto, napaꞌ amach nepho ñeñth ateth peteꞌth awath. Tharroꞌmar ñerraꞌm esempo yot atethpaꞌ ñatoꞌrraña machayotha alla ateth yeperra yamha ñeñth ama pokteyaye.

El Apocalipsis 21:8

Tharraña allowen ñeñth ama nameꞌñenayo ñeñth echarrtetsa poeyoxhro, ñetñapaꞌ aña oꞌpatenawet all parraren tsoꞌ errapharen, ñamha allowen ñeñth etsoteneꞌ sosyaꞌtsañexhno ñeñth atarr atsenaꞌtpoꞌ ñamha ñeñth amtsañneshaꞌ ñamha ñeñth kañoreshaꞌtets, ñetpaꞌxhoꞌña allowenetpaꞌ aña oꞌpatenawet all parraren tsoꞌ errapharen. Ñamha ñeñth amaseꞌñethexhno ñamha ñeñth poꞌyomporer phaꞌyeneꞌ ayexhkatarethexhno ñamha allowen ashkarñathexhno, ñetpaꞌxhoꞌña aña oꞌpatenawet all parraren tsoꞌ errapharen ñeñth wortets shemasher. Ñeñthpaꞌ allchaꞌ poepocheño rromoerret.