San Mateo 26:61 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁶¹ Ñetñapaꞌ ateth otoset: —Añ acheñer awañapaꞌ atethkaꞌye oten: “Napaꞌ atarr awamenkathen atthoch naꞌmaterrñañ Parets paꞌpakëll. Allothña pomaꞌpamtañopaꞌ oꞌch alla nathomater.” Ñapaꞌ atethkaꞌye otña allempo.

San Mateo 26:61 Iomraidhean Croise

San Mateo 12:24

Fariseoneshaꞌña allempo eꞌmareꞌchetpaꞌ ñetñapaꞌ ateth otyeset: —Attho kexhpatatyenan oneñethexhno acheñeneshaꞌ añakaꞌye awamenkath peneꞌ Beelzebú ñeñth pompor pen allowen oneñethexhno.

San Mateo 26:62

Allempoñapaꞌ korneshaꞌ ñeñth nanak amhchaꞌtareth allentha thompaꞌ ateth otan Jesús: —Phañapaꞌ ¿amaꞌtchaꞌña phanapaneto? ¿Errothenotheꞌtña otteñeꞌchenpet?

San Mateo 26:71

Allempoña Pedropaꞌ awerr, xherr allothekma beꞌthenet oꞌch xhapoet oꞌpono pampo. Allñapaꞌ entwererr poꞌpsheñeñ koyaneshaꞌ ñeñth korneshaꞌ poeñañra. Ñañapaꞌ ateth otan ñeñth parro alloꞌtsaꞌyenet: —Añ acheñerpaꞌ ñeñthkaꞌye kotheneꞌña Jesús ñeñth nazaretoꞌmarneshaꞌ.

San Mateo 27:40

ñeñthpaꞌ ateth otyesneñet: —Pha ñeñtheph phommoꞌcheñothpaꞌ photatseꞌteꞌth phoꞌch aꞌmaterrayeñ Parets paꞌpakëll, pomaꞌpamtañokmoꞌch alla phathomatereñ, theꞌñapaꞌ phaꞌkeshphaterrañakaꞌye eꞌñe phañeña. Ñerraꞌm poꞌñoxhtheꞌ Parets Poechemerephpaꞌ peswerrañakaꞌyena thayekma korsochoth.

San Mateo 27:5

Allempoña ñapaꞌ attha waporeꞌterranaꞌ kelle oꞌpono Parets paꞌpakllopaꞌ oꞌ alla awerr, eꞌñe poellkëñothpaꞌ tsomhaꞌwerra ñañeña.

San Marcos 14:58

—Ya awañapaꞌ yeꞌmeꞌthkaꞌyeña Jesús atethkaꞌye oteꞌth: “Napaꞌ oꞌchkaꞌye naꞌmaterrñañ añ Parets paꞌpakëll ñeñthpaꞌ acheñakaꞌye poeyexhkatar; tharraña pomaꞌpamtañoñapaꞌ napaꞌ oꞌchkaꞌye alla nathomater poꞌpoñ ñeñthpaꞌ amachkaꞌye añeyaye ñeñth yexhkaten acheñ.”

San Marcos 15:29

Ñeñthña oñmaxhets allpaꞌ ñetpaꞌxhoꞌña xhokma achmhareꞌtneñet. Pachmharñothetpaꞌ koñoꞌkoñtanaꞌtyesneñet, ñeñthpaꞌ ateth otyesneñet: —Pha ñeñtheph phommoꞌcheñothpaꞌ photatseꞌteꞌth phoꞌch aꞌmaterrayeñ Parets paꞌpakëll, pomaꞌpamtañokmoꞌch alla phathomatereñ,

San Lucas 23:2

Allñapaꞌ atarr otteñeꞌchoset, tomaꞌtampesyesoset, ñeñthpaꞌ ateth otyesoset: —Ya añ acheñer xhokma yenteñ yexhatyenan yamoꞌtseshaxhno judioneshaꞌ ñeñth amaꞌt mameshapaꞌ ama kowenayaye, ñamha ateth oteney añoꞌch yetsaꞌtatsto impuesto ñeñth romoꞌmarneshakop ñeñth nen amhchaꞌtareth Romoth. Amaꞌt ñapaꞌ ateth otena ñapaꞌ ñoꞌ Cristotets ñoꞌ atarr amhchaꞌtarethtetsa arr.

San Juan 9:29

Yapaꞌ yeñoteñ Paretspaꞌ eñoranaꞌtana Moisés, tharraña ñeñth yakmarpaꞌ ama yeñoteñe erroththeꞌña wapa.

Los Hechos 17:18

Parrochpaꞌ aña wapatsa ñeñth ameꞌñenaya Epicuro pokthaphña, allothpaꞌ oꞌ wapa ñamha ñeñth ameꞌñenaya poꞌpoñ kothaphñats ñeñth otenet estoico. Ñetñapaꞌ ateth otet: —¿Estheꞌkaꞌye kothapeꞌchenña añ acheñ ñeñth attha nanak eñets? Poꞌpotantaññapaꞌ ateth otet: —Ñatoꞌ añtheꞌ moenen oꞌch yexhatey poꞌpoñ poꞌyomporer ñeñth ama yentare ya. Tharroꞌmar Pablopaꞌ añ serrpareꞌtatenanet ateth pena Jesús ñamha amaꞌt attho tanterra Jesús.

Los Hechos 18:13

Xhapoet allpaꞌ ateth otoset: —Añ acheñpaꞌ aña yexhatenan acheñeneshaꞌ atthoꞌch ameꞌñyet Yompor, tharraña ñeñthpaꞌ ama attheyaye ateth oteney Moisés poꞌñoñ ñeñth ateth anareth.

Los Hechos 22:22

Ñeñtha otwa Pablopaꞌ añña acheñeneshaꞌ ñeñtha eꞌmoetpaꞌ oꞌwañ eꞌmhñochet. Oꞌ alla rrannarterreterr, ateth otet: —¡Semtseñakaꞌye! Ama pokteyaye oꞌch korra ñeñth ateth acheñ arr patsro.