San Mateo 26:44 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴⁴ Jesúsñapaꞌ alla saꞌnerraneterrpaꞌ awerrerr maꞌyochatsa pomaꞌpocheñowa. Eꞌñe atthekma maꞌyochwerrerr ateth otwa ñorraꞌ.

San Mateo 26:44 Iomraidhean Croise

San Mateo 26:43

Oꞌña alla maꞌyochwerrerrpaꞌ allempoñapaꞌ werrerr alla entwerranerr poeyochreshaꞌ ñetñapaꞌ oꞌ alla manrrerreterr, xha nanak atserr moñeꞌtenet.

San Mateo 26:45

Oꞌña maꞌyochwerrapaꞌ allempoñapaꞌ alla werrerr poeyochreshesho, ateth otwerraneterr: —Amaꞌt themeꞌttsenpaꞌ allaꞌt semanrren; amaꞌtpaꞌ alla sames. Theꞌpaꞌ señochepaꞌch oꞌ xhap allempoch pomataterrnet na Ñeñthen Acheñetosets atthothchaꞌ errothwanen perren ñeñth atarr ochñatheneshaꞌ.

San Mateo 6:7

‘Sa ñerraꞌm xho semaꞌyochenapaꞌ amach attha nanak señosatsto atarr aton eꞌñe orrena ñeñth ateth pena poꞌpoñ acheñeneshaꞌ ñeñth ama ameꞌñenayo ñeñth ya Yeyomporer. Ñetpaꞌ atarr thematen maꞌyochenetañpaꞌ tharraña ñeñthach alla oterreteꞌth. Xhatheꞌ otenapoetañ ñerraꞌm atarr thematen eñosetpaꞌ eꞌñetheꞌ kowen entenanet Yompor atthoch eꞌñe kowen eꞌmhñotenanet.

San Lucas 18:1

Allempoña Jesúspaꞌ alla serrpareꞌtaterraneterr tomaꞌnteñtso atthoch eñochet ñeñth poktetsa yokop xhokmach yemaꞌyochena amach yemoenmeꞌchatsche maꞌyochatsa.

2 Corintios 12:8

Napaꞌ oꞌ maꞌpocheꞌtats nenamoeñ Yompor aꞌwañamperrnepaꞌ ñeñth atarr nemoeroxhtateneꞌ.