San Mateo 26:41 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴¹ Eꞌñe señoseꞌrteñothpaꞌ xhoña semaꞌyochosa allochñapaꞌ atthoch amach sañeña aꞌpoerrataterro topateñets ñeñthchaꞌ sewapoya atarr womenk. Ñeñthpaꞌ amaꞌt atarr semneñeñ tharraña sechetsñapaꞌ amakaꞌye awamenkatheyeꞌ penso, ñeñthoꞌmarña notenes xhokmach semaꞌyochena.

San Mateo 26:41 Iomraidhean Croise

San Mateo 24:42

‘Ñeñthoꞌmarña theꞌpaꞌ oꞌch notas: Xhokmoepaꞌch señoseꞌrtenna tharroꞌmar sapaꞌxhoꞌña ama señotenno esempoch nowerra na ñeñthen eꞌñe Separtseshar sepen.

San Mateo 25:13

Jesúsñapaꞌ alla oterranerr ñeñth eꞌmhñoteneꞌ: —Ñeñthoꞌmarña na theꞌpaꞌ oꞌch notas: Sapaꞌ xhokmoepaꞌchña eꞌñe kowen señoseꞌrtena, tharroꞌmar sapaꞌ amakaꞌye señoteñe erraꞌtsenchaꞌ yethñatsro allempoch nowerra na Ñeñthen Acheñetosets, ñamha erroꞌtsenchaꞌ yethro amaꞌt ñeñthpaꞌ ama señoteñe.

San Mateo 26:38

Allempoñapaꞌ ateth otosanet: —Napaꞌ xha chepoxhenen nellkëña neyoxhro, xha moeneꞌ nerromoen nellkëñoth. Sapaꞌ allasaꞌthach arr sekwapretosnoꞌthach.

San Mateo 6:13

Ñamha amach Nompore pemnatatsche sosyaꞌtsañ oꞌch atarr topateney. Añchaꞌña xhoch Nompore phaꞌypoꞌñataterrey allowen sosyaꞌtsañexhno. Tharroꞌmar eꞌñe pha Nompore ayochreshathtetsa ñeñtheph atarr Partseshatets, eꞌñe phaptha ñeñtheph Nompore ayeꞌchoxhtatarethtetsa eꞌñe errponañowen. Ñeñthach nenamaph; ñeñthpaꞌ atthepaꞌch Nompore.

San Marcos 14:38

Eꞌñe señoseꞌrteñothpaꞌ xhoña semaꞌyochosa allochñapaꞌ atthoch amach sañeña aꞌpoerrataterro topateñets ñeñthchaꞌ sewapoya atarr womenk. Ñeñthpaꞌ amaꞌt atarr semneñeñ tharraña sechetsñapaꞌ amakaꞌye awamenkatheyeꞌ penso, ñeñthoꞌmarña notenes xhokmach semaꞌyochena.

San Lucas 11:4

Pephretnaꞌwonayepaꞌch Nompore allowen yoꞌchñar ñeñth ama pokteyeꞌ pentapretenye, attho Nompore yapaꞌxhoꞌña yephretnannena ñerraꞌm esempo erroth yephannena. Ñamha amach Nompore pemnatatsche sosyaꞌtañ oꞌch atarr topateney. Añchaꞌña xhoch Nompore phaꞌypoꞌñataterrey allowen sosyaꞌtsañexhno.

San Lucas 21:36

Añchaꞌña sapaꞌ xhokmachña señoseꞌrtena ñamha añchaꞌña senamoen Yompor atthoch saꞌwantaꞌwanom allowen ñeñthchaꞌ sewapoya paꞌnamen moeroxhteñtsoxhno allochñapaꞌ sañapaꞌ eꞌñech señmañeshaꞌ sathomwerr nesho na Ñeñthen Acheñetosets.

San Lucas 22:40

Allempoña xhenet allpaꞌ Jesúsñapaꞌ ateth otwenan poeyochreshaꞌ: —Theꞌpaꞌ arrchaꞌ semaꞌyochwena atthoch eꞌñe saꞌwantaꞌ ñeñthchaꞌ sewapoya theꞌ ñeñthchaꞌ atarr womenk setpateꞌ.

San Lucas 22:46

Ñañapaꞌ ateth otwerranet: —Sapaꞌ esoꞌmareꞌtña xha atarr semanrraꞌten. Theꞌpaꞌ oꞌch setanterrapaꞌ xhoña semaꞌyochrraꞌta atthoch saꞌwantaꞌ ñeñthchaꞌ sewapoya topateñets atarr womenk.

San Lucas 8:13

Ñamha ñeñth xhapyesets mapoetroꞌmesoꞌmarpaꞌ ñeñthpaꞌ añ notenes acheñeneshaꞌ ñerraꞌm esempo eꞌmhñoteññañet Yompor poꞌñoñ eꞌñech poksheñeshaꞌ agërrñañetañ Yompor poꞌñoñ. Eꞌñech kowen ameꞌñeretañ tharraña ñetpaꞌ mamekpach ateth pet. Tharroꞌmar ñetpaꞌ ateth penet ñerraꞌmrratheꞌ narmets ñeñth chepoets mapyo amach eñalle poerexh. Tsapathonethña ñerraꞌm oꞌch wapanet topateñets, ñetñapaꞌ oꞌch alla kaxhpoerrñañet Yompor poꞌñoñ.

Romanos 8:3

Ñewa, añ ñoñets ñeñth ateth anareth ñeñthchaꞌ yetsotateneñpaꞌ amach errothenoth aꞌkeshphaterrye, tharroꞌmar ya arromñathey yoꞌchñarpaꞌ ama moenatenye oꞌch ateth yephowa ora ñeñth ateth oteney añ ñoñets. Tharroꞌmar añ ñoñetspaꞌ ama eñalle atthoch womenk phonay yeyoxher eshekchaꞌ yetsotwe ora allpon ñeñth ateth oteney ñeñthchaꞌ ateth yephoweneñ. Tharraña attho Yomporpaꞌ awoꞌt aꞌpoktatwonay yoꞌchñar ñeñthpaꞌ ateth pha. Ñapaꞌ awoꞌt moeñonay eꞌñe ña Poechemer ñeñthchaꞌ eñalletostsa arr patsro eꞌñe ateth ñerraꞌm ya ñeñthey arromñathey, ñeñthey ochñathey. Allochñapaꞌ ñach rromosets yoꞌchñarekop; allochñapaꞌ atthoch tsaꞌtwonaya yoꞌchñar. Atthochña aꞌwañamperrey attho yoꞌchñara ñeñtha womenk yepeneꞌ yeyoxhro.

1 Corintios 10:13

Tharroꞌmar alloweneypaꞌ xhokmach waponaya topateñets, ñeñthara topateñets ñeñth yexhenoya alloweney ñeñthey arromñathey. Tharraña Yomporpaꞌ xhokmach yeyomcha tharroꞌmar ñapaꞌ ama moenatenye oꞌch topatey atthoch metanonay yewamenk. Tharraña ñerraꞌm esempoch xhaponaya topateñetspaꞌ ñapaꞌ xhokmach orrtatonay atthoch yaꞌwanteꞌ atthoch amach metanonaye yewamenk.

1 Corintios 16:13

Eꞌñe allowanenpaꞌ oꞌch noterrserr: Theꞌpaꞌ eꞌñech señota, tharroꞌmar xhokma eñall ñeñthchaꞌ yaꞌpsaterreꞌ Yompor. Ñamha eꞌñe sameꞌñeñothpaꞌ womenkëpaꞌch sephaꞌ seyoxher. Ñamha amach semhchaꞌtatsto, xhochña sewmenkta Yomporekop.

1 Corintios 9:27

Xhochña newnat nañeña nechets. Eꞌñe nach tarwasateꞌ nechets Yomporekop. Atethchaꞌ nepha tharroꞌmar amaꞌt na serrpareꞌtateꞌ poꞌpsheññexhnopaꞌ ñatoꞌrraña ellopaꞌ theꞌt alla awaporeꞌtarethen nañeña tharroꞌmar ama netsotoñe ñeñth moenen Yompor.

Gálatas 5:24

Ñamha ñeñth poꞌñoxh oꞌ poeyochreshaꞌ perr Cristo Jesúspaꞌ oꞌ wenerran ñeñth ateth moenatseꞌtyen yechets ñeñth attho es yeyeꞌchyena ya acheñey. Ñeñthpaꞌ eꞌñech ateth yentena ñerraꞌm akorsoꞌtamphsarethey.

Efesios 6:18

Ñamha sapaꞌ xhokmoepaꞌch semaꞌyochena amaꞌt errothenoꞌtsensa. Añchaꞌña seyenpoeneꞌ Parets Poekamkëñ. Allochñapaꞌ atthochña xhokma semaꞌyoxhrena maꞌyochatsa. Oꞌch senamh Yompor ora allpon ñeñth sepalltena, ñamha xhokmoepaꞌchña eꞌñe semaꞌyochampesweña allowen ñeñth poeyochreshaꞌ pen Parets.

1 San Pedro 4:7

Theꞌñapaꞌ oꞌ mellapoterrmocha. Ñeñthoꞌmarña añ poktetsa, eꞌñe yeñotateñothpaꞌ oꞌch yemaꞌyochera Yompor. Eꞌñech yetpara es yepen atthothchaꞌ amach yepseñe Yompor maꞌyochaya.

1 San Pedro 5:8

Eꞌñe señotateñothpaꞌ señotaꞌthach, tharroꞌmar oneñeth ñeñth seꞌmoñeꞌteneꞌpaꞌ xhokma chopeñeꞌchen errapharen ateth ñerraꞌm maꞌyarr, xhach amhchaꞌnoxhetnena eꞌnyeseꞌ ñeñthchaꞌ aꞌchenkat.

2 San Pedro 2:9

Ñeñthoꞌmarña Yomporpaꞌ eñoteñ atthoch aꞌkeshphatan ñeñth eꞌñe pokteꞌ es pets, ñerraꞌm esempo oꞌ wapanet topateñets womenk. Ñamha eñoteñ atthoch moeroxhtatan ñeñth ama pokteyeꞌ es petso. Alloꞌnach moeroxhtatnenanet esempowañenchaꞌ akrarethetwerra allowen acheñeneshaꞌ. Allempopaꞌ moeñwerranetchaꞌ koñchaꞌpoetso.

El Apocalipsis 3:10

Sapaꞌ eꞌñe kowen akopha setsoton allpon neñoñ, ama saꞌypoꞌñenno na, ñeñthoꞌmarña napaꞌxhoꞌña amach naꞌypoꞌñaso. Oꞌch nekwamperres tharrempowa allempoch moeroxhteñtsopoterra ñeñthchaꞌ topaterreꞌ ora allowen acheñeneshaꞌ ñeñth yexhaꞌyetsa añe patsro.