San Mateo 26:2 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

² —Sapaꞌ señoteñ oꞌkaꞌye epomtamhapaꞌ oꞌch xhapaꞌmoen pascuapo. Allempoña na Ñeñthen Acheñetosetspaꞌ allempochña pomoerrnet atthothchaꞌña korsoꞌtamperrnet.

San Mateo 26:2 Iomraidhean Croise

San Mateo 10:4

Allothñapaꞌ ñamha Simón ñeñth cananistaneshaꞌ ñeñth nanak thorratseꞌth paꞌnetsrekop, allothpaꞌ ñamha Judas Iscariote ñeñthchaꞌ pomoerreꞌ tsapathoneth Jesús.

San Mateo 17:22

Allempo chopeñeꞌchyenet parro all Galileoꞌmar, Jesúsña allpaꞌ eñotatan poeyochreshaꞌ, ñeñthpaꞌ ateth otnomanet: —Na Ñeñthen Acheñetosetspaꞌ pomoerrnetchaꞌ atthochña errotwanenchaꞌ perrnet.

San Mateo 27:4

Allñapaꞌ ateth otwerranet: —Napaꞌ oꞌ xha norrtaterr ñeñth ama kowenayaye, oꞌkaꞌye xha nepomoer acheñ atthoch moetseret amaꞌt ñapaꞌ amaꞌt koñeꞌtha amakaꞌye eñalleña poꞌchñar. Ñetñapaꞌ ateth anaprraꞌtet: —Ñeñthpaꞌ amakaꞌye errothenoña yokop, ñeñthpaꞌ phokpakaꞌye.

San Lucas 22:15

Allñapaꞌ ateth otosan poeyochreshaꞌ: —Napaꞌ atarr kowen nenteñ oꞌch yerrallmeꞌchen parro añ pascuapo thayepaꞌtñapaꞌ ama xhenaꞌ allempoch moetsataterrnet.

San Juan 11:55

Allempoña oꞌ xherrmocherr pascuapo allempoch alla kosherrerr judioneshaꞌ. Allampañoꞌmarneshaꞌ ñeñth alloꞌtsaꞌyenet shontet awanmoet Jerusaléño. Ama xhenaꞌ pascuapo ñetpaꞌ añekopña awanmoet atthoch aꞌkowentatoset eꞌñe ñetañeña Partsokop.

San Juan 12:1

Oꞌ pechapmatamha oꞌch xhapaꞌmoen pascuapo, Jesúspaꞌ alla xherr Betanio. Allñapaꞌ alloꞌtsen Lázaro ñeñth rromats awaña ñeñth alla tantaterr Jesús.

San Juan 18:2

Ñewa, Judas ñeñthchaꞌ pomoerreꞌ Jesús ñapaꞌ eꞌñe poentarña all, tharroꞌmar awañmoꞌchotheñ Jesúspaꞌ allekma apxhatenan poeyochreshaꞌ.

San Juan 18:32

Ñeñthoꞌmarña ñetpaꞌ ateth otyeset allochñapaꞌ atthoch etsota Jesús poꞌñoñ ateth otwanet awaña allempo ñanom eñotatanet ñapaꞌ korsochoch rroma.

San Juan 2:13

Allempoña xhapmoch pascuapo allempoch alla kosherrerr judioneshaꞌ. Jesúsñapaꞌ awerr Jerusaléño.