San Mateo 26:15 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁵ Xhap allpaꞌ ñañapaꞌ ateth otosanet: —Ñerraꞌm oꞌch negatas Jesús atthoch serrmoeꞌpaꞌ ¿errponaꞌtchaꞌña setsaꞌtna? Ñetñapaꞌ ateth ochet: —Oꞌchkaꞌye yapaph maꞌpoch xharratlla kelle.

San Mateo 26:15 Iomraidhean Croise

San Mateo 10:4

Allothñapaꞌ ñamha Simón ñeñth cananistaneshaꞌ ñeñth nanak thorratseꞌth paꞌnetsrekop, allothpaꞌ ñamha Judas Iscariote ñeñthchaꞌ pomoerreꞌ tsapathoneth Jesús.

San Mateo 26:16

Allempoña ñapaꞌ aña eꞌñe kothapeꞌchyen errothenothchaꞌ pomoerranña Jesús.

Los Hechos 1:18

Ñewa, Judasoñpaꞌ tsaꞌchet allpon kelle attho poman Jesús. Tharraña ñeñth kellepaꞌ allo rañthet pats. Tharraña allempo shoraꞌnom Judasoñ xhap patsopaꞌ potsaꞌnmos paꞌth, oꞌ yoꞌpawa ora. Allempoña eꞌmareꞌch allowen jerusaléñoꞌmarneshaꞌ attho Judasoñpaꞌ oꞌ rroma. Añña pats ñeñth rañthet Judasoñ poꞌkhllayorothpaꞌ oꞌ sochet Acéldama. Añ ñoñets ñeñth otenet Acéldama ya yeñoño yoteñ Errasatsotnanen.

1 Timoteo 3:3

Ñamha añchaꞌ seꞌn ñeñth ama posaꞌtareꞌtetso, ñamha ñeñth amach orroñatheyaye. Ñamha añchaꞌña seꞌn ñeñth eꞌñe kowen moerenana pamoꞌts, ñamha ñeñth ama atsrreꞌmñatheyaye, ñamha ñeñth ama nanak yeꞌchapretetso kelle ñeñth apenkoxhenoth oꞌch gana.

2 San Pedro 2:3

Eꞌñe poeyeꞌcheñothpaꞌ oꞌch shekaset atthoch yorampeswas sekhllayor. Eꞌñe pokthaphñothpaꞌ shekasetchaꞌ. Tharraña amaꞌt awathotheñ Yomporpaꞌ oteꞌth awoꞌch moeñanet koñchaꞌpoetso. Yomporpaꞌ ama orrena oteꞌthe, ama poeno poꞌñoñ; ateth oten, atethchaꞌ pha. Ñeñth ama Yomporeyeꞌ poꞌñoñ yexhatetsopaꞌ chenkaꞌwerretchaꞌ.