San Mateo 24:7 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁷ Paꞌnamen acheñ ñeñth eꞌñe poꞌpoñeꞌttsokma mereñtsoretpaꞌ ñetpaꞌ kellarannaꞌterretchaꞌ. Ñamha paꞌnamen anetsoth amhchaꞌtarethexhnopaꞌ kellaraterranchaꞌ poeyochreneshaxhno. Orrterrach allemeñ moexheñets oꞌch eꞌñe chaporrñatsotyerr errapharen. Ñamha orrterrach paꞌnamen atsnañtsoxhno ñeñth atarr apatannaꞌtpoꞌ. Pellaꞌyerrach pats ora errapharen.

San Mateo 24:7 Iomraidhean Croise

San Lucas 21:11

Pellaꞌyerrach pats womenk ora errapharen, ñamha orrterrach allemeñ moexheñets oꞌch eꞌñe chaporrñatsotyerr errapharen. Orrterrach ñamha paꞌnamen atsnañtsoxhno ñeñth atarr apatannaꞌtpoꞌ. Allempopaꞌ atarrchaꞌ amhchaꞌnoxhterra entoth. Orrterrach ento ñeñth amaꞌt awathapaꞌ ama poentareto ñeñthchaꞌña eñotaterrawet oꞌ eꞌñe xherrmoch allempoch mellapoterra.

Los Hechos 11:28

añña ñeñth paꞌsoꞌcheñ Agabopaꞌ oꞌ thomospaꞌ serrpareꞌtatosanet, ateth otanet: —Orrtach moexheñets esempo errapharen patso. Añpaꞌ allowa ñeñth ateth ot Agabo. Añ eñotateꞌ Yompor Poekamkëñ, amaꞌt allempopaꞌ ama orrtenaꞌ moexheñets. Allempo amhchaꞌtarethta Claudiopaꞌ allempoꞌña orrta moexheñets.

Los Hechos 2:19

Allempoña enopaꞌ oꞌch nentatyesanet ñeñth amaꞌt awathapaꞌ ama poentareto. Patsopaꞌxhoꞌña oꞌch norrtatyesanet ñeñthchaꞌ eñotaterrawet. Kellareñtsothpaꞌ norrtatchaꞌ errasats. Poethomamphsannaꞌteñothet paꞌnetserpaꞌ orrterrach tsoꞌ errakmañen, chepoterrchaꞌ amos ñamha errapharen.

Hebreos 12:27

Ñeñthña poꞌñoñer all oten “poꞌpocheño” ñeñthña yeñotateneꞌ esempowañenpaꞌ awaporeꞌtarethterrach allowen ñeñth ayexhkatareth ñeñth apelleꞌllchatpoꞌ. Allempopaꞌ añach aꞌpoerrtsa ñeñth ama apelleꞌllchatpawoyaye.

El Apocalipsis 6:12

Allempo torerranerr ñeñth poꞌpechapoeñ allo ayomrrareth Yompor poꞌlibro naña oꞌ alla nekwererrpaꞌ nent ñamha xha poetalleꞌchena pats womenk. Atsneꞌñapaꞌ oꞌ chekmet ateth ñerraꞌmrratheꞌ shetamoets ñeñth atarr kellwe ñeñth chorrena ñeñth atarr llekëtsa. Arrorrñapaꞌ oꞌ xha tsamaꞌthta ateth ñerraꞌmrratheꞌ errasats.

El Apocalipsis 6:5

Allempo torerranerr ñeñth poemaꞌpañ allo ayomrrareth Yompor poꞌlibro nañapaꞌ alla neꞌmoererr ñeñth poemaꞌpañ berrmaꞌthpaꞌ oꞌ alla eñorerrerr. Ñeñthpaꞌxhoꞌña ñeñthara ateth oterrerr: —¡Aphon, pekweꞌ! Naña nekwererrpaꞌ nenterrerr poꞌpoñ kawall ñeñthñapaꞌ atarr kellwephnanen. Ñeñth montenayapaꞌ orraꞌnenan patherr pesamets.

El Apocalipsis 6:6

Alloꞌtsaꞌyen ñeñth berrmaꞌthtetsapaꞌ eꞌñe all rroxhothpaꞌ neꞌmoererr ñeñth ateth eꞌmorrterrerr ñoñets, ñeñthpaꞌ ateth oten ñoñets: —Patherr kilo trigopaꞌ nankëpaꞌch tsaꞌteterr amaꞌt ñeñth patherr denario, ñamha maꞌpa kilo cebadapaꞌ nankëpaꞌch tsaꞌterra. Tsaꞌterrepaꞌch ñamha patherr denario. Tharraña olivoseꞌ ñamha vinospaꞌ xhokmoepaꞌch eñall, amach seprratamphsatsetye.

El Apocalipsis 6:8

Naña nekwererrpaꞌ nenterrerr ñeñth patherr kawall atarr shemashrephnaneno poerramaꞌphnen. Ñeñth montenayapaꞌ añ paꞌsoꞌcheñ Rromoeñets. Ñeñth kotheneꞌ chentaꞌpaꞌ añ tomaꞌntena ñeñthchaꞌ agëneꞌ allowen ñeñthchaꞌ rromoets. Ñeñthpaꞌ apareth llesens añekop atthoch aꞌkllatatan shonteꞌ acheñeneshaꞌ arr patso. Amaꞌt pashepharr pats, allpon otenet un cuarto, allponchaꞌ aꞌkllatatwerran acheñeneshaꞌ. Ñeñthpaꞌ atethchaꞌ aꞌkllatatanet, kellareñtsoterrchaꞌ, chaporrñatsoterrchaꞌ, atsnañtsoterrchaꞌ, orrterrach berr ñeñth atarr atsrreꞌmñath ñeñth atarr bellak arr patsro.