San Mateo 24:16 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁶ allempoña ñeñth allpon Judeoꞌtsaꞌyen ñetñapaꞌ allorokmoepaꞌch yetrraꞌterret, awanerretepaꞌña aspenthareroneth.

San Mateo 24:16 Iomraidhean Croise

San Mateo 2:1

Allempo eñalleta Jesús all Beléño, eꞌñe alla Judeopaꞌ añ amhchaꞌtarethtatseꞌth Herodes. Oꞌña eñalletwapaꞌ eñotañneshaꞌña waxhaꞌtet alloth wena atsrrethpaꞌ oꞌ xhaxhaꞌtet Jerusaléño.

San Mateo 24:15

‘Ñewa, awath Daniel ñeñth aꞌmhtayeꞌth Yompor poꞌñoñ, ña poꞌkellkopaꞌ ateth oteꞌth: “Xherrchaꞌ allempo amaꞌt ñeñth ama masosyayeꞌ enteno Yomporpaꞌ ñeñthñapaꞌ xherrchaꞌ all amaꞌt ñeñth eꞌñe Partsokpa anaretheñ. Ñeñthpaꞌ ñeñthachkaꞌyeña eꞌñe aꞌchenkatwerrawet.” Ñewa, ñeñthchaꞌ lleyerreꞌ añ ñoñetspaꞌ ñetñapaꞌ eñoteretepaꞌch. Ñeñthoꞌmarña ñerraꞌm esempoch senter oꞌ xhap all ñeñth eꞌñe Partsokpa anarethpaꞌ

San Mateo 24:17

Ateth ñerraꞌmrratheꞌ poesheñaꞌtets ñatoꞌ ñetña allempopaꞌ enoꞌtsaꞌyenetchaꞌ paꞌpakllato, ñetñapaꞌ sowetepaꞌchña thekma tharraña amachña beꞌthosatsetnomoetoña poꞌponreto atthoch yoratsreꞌtnomoet.

Hebreos 11:7

Ñamha awath Yomporpaꞌ eñotatan Noé ñeñthchaꞌ ateth eꞌchophan oñ tsapathoneth. Allempo ateth otan Noé amaꞌt mameshapaꞌ ama wateꞌthe. Tharraña Noéñapaꞌ eꞌñe yemtenana ateth och Yompor allempo. Ñañapaꞌ yexhkatwan poꞌkompoer allochñapaꞌ atthoch aꞌkeshphatan pamoꞌtseshaꞌ. Attho yexhkatan poꞌkompoer eꞌñe ñapoeth eꞌñe poeyemteñoth Yomporpaꞌ eñotataneñña allowen poꞌpotantañexhno pamoꞌtseshaꞌ ñetpaꞌ koñchatwerranetchaꞌ Yompor. Ñeñthoꞌmarña eꞌñe poeyemteñoth, Yomporñapaꞌ eꞌñe pokteꞌ entenan Noé.