San Mateo 24:10 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁰ Ñamha shonteꞌch acheñ allempo ñeñthchaꞌ kexhpoerreꞌ Yompor. Eꞌñe ñagattsetapaꞌ eꞌmoñeꞌtannaꞌterretchaꞌ atthothchaꞌ pomatatannaꞌtyerret.

San Mateo 24:10 Iomraidhean Croise

San Mateo 10:21

‘Allempoch ateth perrsetpaꞌ ñeñth eꞌñe semoꞌnasheñ sepen ñatoꞌ ñeñthachkaꞌye sepomoerreꞌ atthoch moetsaterres tharroꞌmar ñapaꞌ amakaꞌye ameꞌñenno. Amapaꞌ ñatoꞌ pomporpaꞌ oꞌch pomoerran ñamha poechemer. Amaꞌt ñamha poechemerpaꞌ ñatoꞌ pathparñothpaꞌ oꞌpaterranach pamoꞌmteꞌ atthoch moetsatater.

San Mateo 11:6

Jesúsñapaꞌ alla oterranerr Juan poeyochreshaꞌ: —Ñamha ellonethpaꞌ oꞌch sotwer Juan ñeñth ateth notenes, atarr kosheñtsoꞌtsen amaꞌt allowen ñeñth atarr neyemtenaya na, ñeñth ama eꞌnenaye poꞌpsheñeñ ñeñthchaꞌ koshaterrawet.

San Mateo 13:57

Ñeñthoꞌmarña all eꞌñe ña paꞌnyo ama eseshayeꞌ akwaꞌpenaye entenaye. Allempoña Jesúspaꞌ ateth otanet: —Ñeñth aꞌmhteneꞌ Yompor poꞌñoñpaꞌ xhokmakaꞌye amhchaꞌnaꞌtpoꞌ entyeñña allowen acheñeneshaꞌ, arrña paꞌnyo alloꞌtsen eꞌñe ña pamoꞌtsnaꞌtarneshaꞌ ñetñapaꞌ ama akwaꞌpenayeꞌ enteñeto. Amaꞌt ñamha ñeñth parro yexhenet paꞌpaklleto, ñetpaꞌxhoꞌña ama akwaꞌpenayeꞌ enteñeto.

San Mateo 24:11

Ñamha allempopaꞌ orretyerrach shonteꞌ ñeñthchaꞌ ayxhaꞌnaterrtsa ñetpaꞌ añoꞌ aꞌmhtenet Yompor poꞌñoñ. Tharraña poꞌñoxh amach Yomporeyeꞌ poꞌñoñ aꞌmhterreto, ñetpaꞌ atthachña shekëretña shonteꞌ acheñeneshaꞌ.

San Marcos 13:12

Allempoch ateth perrsetpaꞌ ñeñth eꞌñe semoꞌnasheñ sepen ñatoꞌ ñeñthachkaꞌye sepomoerreꞌ atthoch moetsaterres tharroꞌmar ñapaꞌ amakaꞌye ameꞌñenno. Amapaꞌ ñatoꞌ pomporpaꞌ oꞌch pomoerran ñamha poechemer. Amaꞌt ñamha poechemerpaꞌ ñatoꞌ pathparñothpaꞌ oꞌpaterranach pamoꞌmteꞌ atthoch moetsatater.

San Lucas 21:16

Elloña allempoch ateth perrsetpaꞌ ñeñth eꞌñe sompor sepen ñamha sachor ñatoꞌ ñeñthachkaꞌye sepomoerreꞌ tharroꞌmar ñapaꞌ amakaꞌye ameꞌñenno, amapaꞌ ñatoꞌ semoꞌnasheñ, amapaꞌ ñatoꞌ poꞌpotantañ samoꞌtseshaꞌ, amapaꞌ ñatoꞌ ñeñth eꞌñe parro seyemtena ñeñthachkaꞌye sepomoerreꞌ tharroꞌmar ñetpaꞌ ama parrokmayeꞌ atthekma sokthapeꞌcheno. Ñamha patantaꞌttsospaꞌ moetsatyerrsetchaꞌ.

2 Timoteo 1:15

Napaꞌ oꞌ notaph ateth tharroꞌmar amaꞌt phapaꞌ peñoteñtheꞌ shonteꞌ acheñ ñeñth yexhaꞌyetsa Asioꞌmarpaꞌ oꞌ sowanerrnet, ateth ñerraꞌm Figelo ñamha Hermógenes.

2 Timoteo 4:10

Tharroꞌmar arr masheñ Demaspaꞌ oꞌ aꞌypoꞌñaꞌnerren arr napoeth, ñapaꞌ oꞌ awerr Tesalónico, tharroꞌmar ñapaꞌ aña nanak morrentena ñeñth patsoꞌmarekpa. Añpaꞌxhoꞌña masheñ Crescentepaꞌ oꞌ awoꞌ ñamha Galacio. Ñamha masheñ Titopaꞌ oꞌ awoꞌ anetso Dalmacio.

2 Timoteo 4:16

Ñamha oꞌch notaph. Amaꞌt awañmoꞌcha allempo ñanom naꞌpoktat neñoñ amhchaꞌtaretheshopaꞌ amaꞌt poesheñarrapaꞌ ama eseshaꞌ neñosapretaye. Elloña ñeñthapaꞌ xha aꞌypoꞌñaꞌwanet. Tharraña amaꞌt ateth phaꞌnetañpaꞌ napaꞌ ama nemno Yomporpaꞌ oꞌch tsaꞌtaterranet.