San Mateo 23:5 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵ Fariseoneshaꞌ allowen ñeñth ateth etsotayeneñpaꞌ ñeñthpaꞌ eꞌñe pommoꞌcheñotheta ateth penet allochñapaꞌ acheñeneshaꞌñapaꞌ eꞌñech kowen entyeñet ñeñth attho atarr thorraꞌyenetañ Yomporekop. Tharraña ñeñthpaꞌ eꞌñekaꞌye orrena. Ñamha ñetpaꞌ xhakaꞌye ateshatomoerrtatenet poremh allñapaꞌ all kellkëññañetañ Yompor poꞌñoñ amaꞌt ñeñthpaꞌxhoꞌña allokaꞌyeña wankatoꞌtenet. Tharraña ñeñthpaꞌ eꞌñe añekpa ateth penet atthoch acheñeneshaꞌpaꞌ eꞌñech kowen entenanet. Tharraña ñeñthpaꞌ eꞌñe orrena ateth penet ñeñth attho ommoꞌchenet. Ñamha ñetpaꞌ añeꞌnakaꞌyeña allpochaꞌphtatenet ñeñth xheraꞌrrtenet paꞌshtamoeto paꞌrrpeꞌmoneth. Tharraña ñeñthpaꞌxhoꞌña eꞌñe añekpa ateth penet eꞌñe pommoꞌcheñothet.

San Mateo 23:5 Iomraidhean Croise

San Mateo 9:20

Allñapaꞌ kothaꞌnmanet ñamha poesheñarr koyaneshaꞌ ñeñth atsnaꞌtets. Xharraꞌ poechena epa char ñeñth attho xhokma yellaꞌyena. Ñañapaꞌ allentha kothaꞌnenan Jesús chentaꞌ paꞌcheꞌñoth, allñapaꞌ aꞌphllerrñañaꞌ paꞌshtam paꞌrrpeꞌmoth.

San Lucas 16:15

Jesúsñapaꞌ ateth otanet: —Sapaꞌ xha sottenañ ñerraꞌmrratheꞌ atarr kowensoñ atthoña acheñeneshaꞌpaꞌ eꞌñe kowen entyensetañ. Tharraña Yomporñapaꞌ eꞌñe eñotennas seyoxher ñeñth attho sapaꞌ atarr seshkareꞌtyeñ acheñeneshaꞌ. Tharraña ñeñth eꞌñe ñañeñeta atarr kowen entyetset arr patsro, ñetñapaꞌ atarr tsenaꞌtenanet Yompor.

San Lucas 20:47

Tharraña ñetñapaꞌ rrethorrnaneshaꞌnaña poerratampesyenetña paꞌpakëll. Elloña eꞌñe pommoꞌcheñothetpaꞌ aña atarr moenenet oꞌch ateth penet ñerraꞌmrratheꞌ ñetpaꞌ atarroꞌ kowen acheñret ñeñthoꞌmarña arrchaꞌ maꞌyochenet all shontena acheñeneshaꞌ, amach thematenayaya maꞌyocheneto. Ñeñthoꞌmarña theꞌ napaꞌ oꞌch notas, ñeñth ateth petsa pommoꞌcheñothpaꞌ elloña atarrchaꞌ aꞌkoñchaꞌtarethterret.

San Juan 12:43

Tharroꞌmar ñeñth ameꞌñetsañ ñetpaꞌ añeꞌna moenenet oꞌch eꞌñe kowen entenanet acheñeneshaꞌ. Ama añeyeꞌña moeneneto oꞌch eꞌñe kowen entanet Parets.

San Juan 5:44

Sapaꞌ tharroꞌmarña ama sameꞌñenno sapaꞌ añakaꞌye seꞌnen oꞌch eꞌñe sañeña ayeꞌchoxhtatannetsa, amakaꞌyeña añeyeꞌña seꞌneno atthoch eꞌñe kowen entas ñapoeth Yompor.

San Juan 7:18

Ñerraꞌm eseshaꞌ eꞌñe ñothotha eñenpaꞌ ñetñapaꞌ añach eꞌnenet oꞌch kowentateññañ acheñeneshaꞌ eꞌñe ñokop. Añña ñerraꞌm eseshaꞌ eꞌneneꞌ oꞌch kowentatenan ñeñth llesenseneꞌ ñapaꞌ ñeñthña eñetsña ñoñtso eꞌñe poꞌñoxh ama shekëñtsoyaye.

Filipenses 1:15

Ñewa, poꞌñoxhpaꞌ eñall poesheñaꞌtets tharrekpach serrpareꞌtenet Cristo eꞌñe poeꞌmatareꞌteñothetan na. Tharraña poꞌpsheññexhnopaꞌ eꞌñech poksheñeshokmañen aꞌpotheññañet Yompor poꞌñoñ.

Filipenses 2:3

Ñamha amach aña atarr sellkatsto ñeñth eꞌñe sokpa. Añchaꞌña poesheñaꞌttsospaꞌ sellkapreta ñeñth llekatyeneꞌ samoꞌts. Ñamha amach sañeña entatstatso ateth ñerraꞌmrratheꞌ ñeñthes nanak sherbets. Añchaꞌña ateth sent samoꞌts ateth ñerraꞌmrratheꞌ ñetña nanak sherbetset, phañapaꞌ amach es asherbenayeꞌ penteno.

2 Tesalonicenses 2:4

Ñamha ñeñthña athparñathpaꞌ eꞌñe pommoꞌcheñothpaꞌ atethchaꞌ oterran acheñeneshaꞌ ñapaꞌ ñoꞌña eꞌñe Yomporetets. Atthochña amaꞌt Parets paꞌpakllopaꞌ oꞌch anorrwerr, oꞌch eꞌñe ateth perra ñerraꞌmrratheꞌ ña poꞌñoxh Yomporetets.