San Mateo 22:8 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁸ Allothña amhchaꞌtarethpaꞌ ateth oterranerr poꞌpotantañ paꞌtarwasañreneshaꞌ: “Rreñtsoxhnoña poꞌñoxhpaꞌ epayeꞌkaꞌye. Tharraña ñeñthña awaꞌñarethpaꞌ ñetpaꞌ amakaꞌye kowenayeꞌ nentenaneto.

San Mateo 22:8 Iomraidhean Croise

San Mateo 22:7

Amhchaꞌtarethñapaꞌ ñeñthña atarr atsrreꞌmateꞌ. Allempoñapaꞌ oꞌ moeñan ñamha poꞌsolltar-reneshaꞌ ñeñthchaꞌ aꞌkllatenayaꞌ ñeñth amtsañexhno, ñeñthchaꞌ aꞌpoyatatwenayaꞌ ñamha paꞌnetser.

San Mateo 22:9

Theꞌpaꞌ orras samha alloꞌtsen thoñexhno tharroꞌmar allpaꞌ shonteꞌ chopeñeꞌchyen acheñeneshaꞌ. Allowen errponchaꞌ sentyes oꞌch sotyesapanet onetepaꞌ arr oꞌch rrapretennetaꞌ rreñets ñeñth shonteꞌ naꞌpotaten.”

San Mateo 9:15

Jesúsñapaꞌ alla tomaꞌntatanet, ateth otanet: —Ñeñth awaꞌñarethexhno all rrallmeꞌchapreteñet ñeñth errteꞌ senaꞌtetsa, ama pokteyaye oꞌch yotanet amach es serraꞌyesatsto. Amach yellkatatstaneto tharroꞌmar ateth koshapreteñet ñeñth senaꞌtetsa. Tharraña ñerraꞌm esempo machayotha saꞌnerranet ñeñth senaꞌtetsa, ñeñthña parro yemoetyena allempoña ñetpaꞌ eꞌñe poellkëñothet kexhpaꞌwerretchaꞌ poerrar, amach arrenayeꞌ enterreto. Ñeñthpaꞌ atthochña thoreꞌterret allempo Yomporekop eꞌñe poꞌñoxh. Arrpaꞌ allowa wañ ñeñth ateth Jesús tomaꞌntata ña senaꞌtostsa.

San Lucas 20:35

Tharraña esempowañen allempoch tanterret poꞌpocheño allowen ñeñthchaꞌ eꞌñe pokteꞌ entwerr Yompor allochñapaꞌ atthoch oꞌch alla korrerret poꞌpocheño, ñetña allempopaꞌ amaꞌt poesheñarrotheta amach senaꞌterreto, amaꞌt koyaneshaꞌpaꞌxhoꞌ amach eseshayeꞌ apoerraye ñeñthchaꞌ yorerrawet.

San Lucas 21:36

Añchaꞌña sapaꞌ xhokmachña señoseꞌrtena ñamha añchaꞌña senamoen Yompor atthoch saꞌwantaꞌwanom allowen ñeñthchaꞌ sewapoya paꞌnamen moeroxhteñtsoxhno allochñapaꞌ sañapaꞌ eꞌñech señmañeshaꞌ sathomwerr nesho na Ñeñthen Acheñetosets.

Los Hechos 13:46

Tharraña ama mechaꞌto Pablo ñamha Bernabé. Oꞌ serrpareꞌtet womenk, ateth otet: —Añ poktetsa oꞌch yeserrpareꞌtatas sanom Yompor poꞌñoñ, tharroꞌmar sapaꞌ judioneshas. Tharraña ñerraꞌm sapaꞌ ama semno, ñerraꞌm ama pokteyeꞌ señche atthoch sapaꞌ korretsasach eꞌñe thayotheñ errponañowen, amach erroth yephaso. Theꞌpaꞌ añach yeserrpareꞌtat ñeñth ama judioneshayaye.

2 Tesalonicenses 1:5

Ñewa, yapaꞌ yeñoteñ Yomporpaꞌ eꞌñe pokteꞌ es phaꞌyen. Ñeñthoꞌmarña yeñoteñ sapaꞌ eꞌñe sameꞌñeñoth ña, ñañapaꞌ eꞌñekaꞌye pokteꞌ entenes allochñapaꞌ atthoch sexherr all amhchaꞌtarethtena ña, sapaꞌ ñeñthekopña atarr saꞌmoeroxhtatarethtenaña theꞌ.

El Apocalipsis 22:14

Atarr kosheñtsoꞌtsen allowen ñeñth eꞌñe pokteꞌ enten Yompor oꞌch tsomwerrñañet Yompor poenaren alloch eꞌñe korrerret poktakma. Allempopaꞌ amach alla rromoerreteꞌthe. Ñeñthpaꞌ ñeñthchaꞌña eꞌñe yomhaꞌwerret ñesho. Ñewa, ñeñth eꞌñe pokteꞌ enten Yompor ñeñthpaꞌ allowen ñeñth eꞌñe eꞌshowarethterra poꞌchñar eꞌñe pameꞌñeñothet Cristo. Ñatoꞌ oꞌch netmaꞌntacha ateth: Ñetpaꞌ oꞌ eꞌñe tsamaꞌtwerret paꞌshtamoet atthoch eꞌñe pokteꞌ entanet Yompor oꞌch beꞌthoset yetarro eshekchaꞌ xhapoet Yompor paꞌnetsro.

El Apocalipsis 3:4

Tharraña amaꞌt attheñpaꞌ all anetso Sardiso eꞌñe poesheñaꞌttsaña ñeñth ama yexhenaye sosyaꞌtsañ ñeñth ama pokteyeꞌ enteno Yompor. Ñetpaꞌ ateth atmaꞌntatarethtenet amaꞌt paꞌshtamoetpaꞌ ama aꞌsosyateñeto. Ñeñthoꞌmar ñetpaꞌ eꞌñe pokteꞌ nentenanet ñamha atthochña nemnaterranet oꞌch yechopeꞌcherr eꞌñe parro tharroꞌmar ñet ñeñth neshtamtatenanetpaꞌ ama aꞌsosyateñeto, eꞌñe kowenarer orrtenet eꞌñe wallamaꞌthareret.