San Mateo 22:4 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴ Poꞌpocheñopaꞌ oꞌ alla moeñerranerr poꞌpotantañ paꞌtarwasañreneshaꞌ. Ama senetaꞌpaꞌ ateth otapanet: “Sotoschaꞌ acheñeneshaꞌ ñeñth awaꞌñareth: ‘Amhchaꞌtarethkaꞌye sagotateneꞌ, atethkaꞌye oten: Rreñetspaꞌ oꞌ eꞌñe naꞌpotatwe. Wakshexhno ñamha beserexhno ñeñth neꞌsoyaꞌtatyen oꞌ eꞌñe nemtsatwe ñamha oꞌkaꞌye eꞌñe naꞌpotatwe. Theꞌpaꞌ sonaxhaꞌtepaꞌtoꞌ awoꞌch serrapreteñaꞌ.’ ”

San Mateo 22:4 Iomraidhean Croise

San Mateo 21:36

Allempoña ñeñth pamoꞌmteꞌ pen uvachmaꞌpaꞌ oꞌ alla moeñerranerr poꞌpsheññexhno paꞌtarwasañer shonteꞌ. Allempo xhapoet ñamet allpaꞌ atthekma errotwanen apharethtapoet ñamet.

San Mateo 22:5

Awaꞌñarethneshaꞌñapaꞌ arepaꞌtchaꞌ aꞌkwaꞌpsenayeꞌ eñchetoña ñeñth waꞌñenawet. Ñeñthapaꞌ awanemyeset ñopaꞌtets. Poesheñarrpaꞌ awoꞌ paꞌmro, poꞌpsheñeñpaꞌ awoꞌ pomatsreꞌtatsa.

San Mateo 22:8

Allothña amhchaꞌtarethpaꞌ ateth oterranerr poꞌpotantañ paꞌtarwasañreneshaꞌ: “Rreñtsoxhnoña poꞌñoxhpaꞌ epayeꞌkaꞌye. Tharraña ñeñthña awaꞌñarethpaꞌ ñetpaꞌ amakaꞌye kowenayeꞌ nentenaneto.

San Lucas 14:17

Oꞌña xhap allempo eꞌñe aꞌpotatwan rreñetspaꞌ ñañapaꞌ moeñan paꞌtarwasañer ñeñthchaꞌ waꞌñaꞌyenayaꞌ allowen acheñeneshaꞌ ñeñth otarethtatsa awaña. Ñeñthña paꞌtarwasañerpaꞌ ateth otosan acheñeneshaꞌ: —Theꞌpaꞌ oꞌkaꞌye eꞌñe aꞌpotarethetwaña rreñets sonaxhaꞌt oꞌch serrallmeꞌchapretenaꞌ.

Los Hechos 1:8

Jesúspaꞌ alla oterraneterr: —Añña pokteꞌ oꞌch señoch, ñerraꞌm esempoch waponasa Parets Poekamkëñ sesho, ñach awamenkath sephoseꞌ. Allempopaꞌ saꞌpothonchaꞌ neñoñ errapharen —Jerusaléño, ñamha ora Judeo, ñamha Samario, ñamha ora allowanen pats.

Los Hechos 13:46

Tharraña ama mechaꞌto Pablo ñamha Bernabé. Oꞌ serrpareꞌtet womenk, ateth otet: —Añ poktetsa oꞌch yeserrpareꞌtatas sanom Yompor poꞌñoñ, tharroꞌmar sapaꞌ judioneshas. Tharraña ñerraꞌm sapaꞌ ama semno, ñerraꞌm ama pokteyeꞌ señche atthoch sapaꞌ korretsasach eꞌñe thayotheñ errponañowen, amach erroth yephaso. Theꞌpaꞌ añach yeserrpareꞌtat ñeñth ama judioneshayaye.

Romanos 8:32

Eꞌñe poemorrenteñothey ya amaꞌt eꞌñe ña Poechemerpaꞌ ama mopaꞌtampesye, elloña aꞌrroyonay Poechemer ñach rromosets yokop allowenakpay. Attho atarr morrentenya atthoña yapaꞌ yeñoteñ elloña atthekma esokmañenchaꞌ apaꞌyeney eꞌñe allempotheñ apoerrey ñamha Poechemer Cristo.