San Mateo 21:9 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁹ Allowen acheñeneshaꞌ ñeñth otaxhetsa ñamha ñeñth kothaꞌwaneneꞌ chentaꞌ ñetñapaꞌ poerrannarteñothetpaꞌ ateth atarr kowentatyesneññañetpaꞌ ateth otenet: —¡Aksherrapoꞌch alloweney! ¡Ayeꞌchoxhtaterrapoꞌch Jesús ñeñth amhchaꞌtareth David poꞌmhreneñ! ¡Ayeꞌchoxhtaterrapoꞌch Jesús ñeñth llesensen Yompor! ¡Yaꞌyeꞌchoxhtaterrñañepaꞌch Yompor Parets ñeñth poeꞌntañoꞌtsen!

San Mateo 21:9 Iomraidhean Croise

San Mateo 21:10

Attheñapaꞌ oꞌ xhap Jesús Jerusaléño. Xhap allpaꞌ allowen anetsoꞌmarneshaꞌ epayeꞌ kowanrrortapet. Ñetñapaꞌ ateth otyeset: —¿Eseshaꞌtheꞌña añ acheñer?

San Mateo 21:15

Añña ñeñth paꞌmhchaꞌtaretherneshaꞌ pen allowen judioneshaꞌ poꞌkornaneshar epoet ñamha ñeñth atarr etsotayenayeñ ñoñets ñeñth ateth anareth, ñetñapaꞌ entoñet ñeñth atarr koxhneshaꞌ ateth orrtatyen Jesús ñeñth amaꞌt eseshapaꞌ ama poentareto. Ñamha eꞌmoeññañet cheshaneshaꞌ all Parets paꞌpakllo poerranarothetpaꞌ ateth otyenet: —¡Ayeꞌchoxhtaterrapoꞌch Jesús ñeñth amhchaꞌtareth David poꞌmhreneñ! Ñetña ateth entetpaꞌ ñeñthepaꞌtchaꞌ atarr atsrreꞌmatawet.

San Mateo 23:39

Tharroꞌmar theꞌpaꞌ oꞌch alla noterrserr: Na poꞌpocheñopaꞌ amach alla senterrneꞌthe. Esempowañenñapaꞌ senterrenchaꞌ, allempoñapaꞌ atethchaꞌ soterren: “Ayeꞌchoxhtatpawepaꞌch Jesucristo ñeñth wapatsa ñeñth llesensen Yeyomporer.”

San Mateo 9:27

Awerrerr Jesús allothpaꞌ kothaꞌnemh ñamha epsheña aporoꞌyeth. Rranareꞌtneñet chentaꞌ ateth otneñet: —Pemoerayeꞌcherrya ñeñtheph Davidnaꞌtare.

San Lucas 13:35

Theꞌñapaꞌ all seyxhena sa, Yomporñapaꞌ oꞌch aꞌypoꞌñerres. Tharroꞌmar theꞌpaꞌ oꞌch alla noterrserr: Na poꞌpocheñopaꞌ amach alla senterrno theꞌ. Esempowañenñapaꞌ senterrenchaꞌ allempoñapaꞌ atethchaꞌ soterren: “Ayeꞌchoxhtatpawepaꞌch Jesucristo ñeñth wapatsa ñeñth llesensen Yeyomporer.”

San Lucas 2:14

Ateth otoset: ¡Ayeꞌchoxhtaterrapoꞌch Yeyomporer ñeñth poeꞌntañoꞌtsen! Amaꞌt ñamha acheñeneshaꞌ ñeñth añe patsroꞌtsen koshaꞌrrtetepaꞌ ñamet ñeñth koshaten Yompor.