San Mateo 21:16 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁶ Allempoñapaꞌ ateth ochet Jesús: —¿Amaꞌt peꞌmoenoña ateth otaxhreꞌtapaph cheshaneshaꞌ? Jesúsñapaꞌ otanet: —Neꞌmoeñkaꞌye. Sañapaꞌ amaꞌt selleyareña Yompor poꞌñoñ. All anareth ñoñetspaꞌ ñeñthña ateth oten: Amaꞌt cheshatholleshaꞌ eꞌñe poenamothet eꞌñech kowen peꞌñoratos axhotaxhreꞌteñtso. Amaꞌt ñeñth ora momoenmeñ peꞌmorrtatoschaꞌ eꞌñe kowen phokop.

San Mateo 21:16 Iomraidhean Croise

San Mateo 11:25

Allempoña Jesúspaꞌ maꞌyochenana Pompor, ñeñthpaꞌ ateth oten: —Na Apachaꞌ oꞌch naꞌyeꞌchoxhtatonaph, phapaꞌ pha ñeñtheph atarr ayochreshathtetsa peꞌntaño amaꞌt ñamha arr patsro. Naꞌyeꞌchoxhtatonaph tharroꞌmar ora añexhno ñeñth pekowenña pepen, ñeñthpaꞌ ama arreyeꞌ pexhapateñe poeyoxhro ñeñth atarr eñotañ entyetsa. Phapaꞌ aña pexhapaten poeyoxhreto ñeñth ama eñotañeyeꞌ entyetso.

San Mateo 12:3

Jesúsñapaꞌ ateth otanet: —Sapaꞌ amaꞌtrra selleyareña ñeñth ateth pha awath David allempo cheporraꞌnma epoet ñamha allowen ñeñth kotheneꞌ.

San Mateo 19:4

Jesúspaꞌ ateth otapanet: —Amaꞌt selleyareña ateth oten Yompor poꞌñoñ ñeñth akellkareth awathotheñ. Ñewa, allpaꞌ ateth oten, Yomporpaꞌ eꞌñe awathothen allempotheñ es yexhkatyes allempo yexhkatan ñamha asheñorr, yexhkatan ñamha peno.

San Mateo 22:31

Sapaꞌ amaꞌtña selleyare ñeñth ateth oteꞌth awath Yompor eꞌñe sokop atthoch señoch poꞌñoxhpaꞌ amaꞌt ñeñth oꞌ kollaꞌwapaꞌ ñetñapaꞌ korretseta.

San Marcos 13:17

Allempopaꞌ atarrchaꞌ llekëñets añekop ñeñth axhomenareꞌ koyaneshaꞌ ñamha ñeñth allowen emarethetholleshaxhno. (Tharroꞌmar ñokpoetpaꞌ atarr thorrapoꞌ atthoch yetrraꞌtet ñamet.)

San Marcos 2:25

Jesúsñapaꞌ ateth otanet: —Sapaꞌ amaꞌtrra selleyareña ñeñth ateth pha awath David allempo palltaꞌphsa ñeñthchaꞌ rret allempo cheporraꞌnma epoet ñamha allowen ñeñth kotheneꞌ.

San Lucas 21:23

Allempopaꞌ atarrchaꞌ llekëñets añekop ñeñth axhomenareꞌ koyaneshaꞌ ñamha ñeñth allowen emarethetholleshaxhno. (Tharroꞌmar ñokpoetpaꞌ atarr thorrapoꞌ atthoch yetrraꞌtet ñamet.) Tharroꞌmar allempopaꞌ oꞌch orrterra ñeñthchaꞌ atarr moeroxhtaterrawet arr patsro. Atarrchaꞌ aꞌkoñchatarethterra allowen acheñeneshaꞌ allempo.