San Mateo 21:10 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁰ Attheñapaꞌ oꞌ xhap Jesús Jerusaléño. Xhap allpaꞌ allowen anetsoꞌmarneshaꞌ epayeꞌ kowanrrortapet. Ñetñapaꞌ ateth otyeset: —¿Eseshaꞌtheꞌña añ acheñer?

San Mateo 21:10 Iomraidhean Croise

San Mateo 2:3

Allempoña amhchaꞌtareth Herodes eꞌman ateth ñoñetspaꞌ ñañapaꞌ ñeñtha naꞌ poeyoxhro ama eñmato poeyoxhro. Allowen jerusaléñoꞌmarneshaꞌpaꞌxhoꞌña ama eseshaꞌ eñmatatseto ñamet poeyoxhreto.

San Mateo 21:11

Acheñeneshaꞌ ñeñth kothaꞌneneꞌpaꞌ ñetñapaꞌ ateth otoset: —Añkaꞌyeña Jesús ñeñth aꞌmhteneꞌ Yompor poꞌñoñ. Ñapaꞌ Galileothkaꞌye wena allara anetso Nazareto.

San Mateo 21:9

Allowen acheñeneshaꞌ ñeñth otaxhetsa ñamha ñeñth kothaꞌwaneneꞌ chentaꞌ ñetñapaꞌ poerrannarteñothetpaꞌ ateth atarr kowentatyesneññañetpaꞌ ateth otenet: —¡Aksherrapoꞌch alloweney! ¡Ayeꞌchoxhtaterrapoꞌch Jesús ñeñth amhchaꞌtareth David poꞌmhreneñ! ¡Ayeꞌchoxhtaterrapoꞌch Jesús ñeñth llesensen Yompor! ¡Yaꞌyeꞌchoxhtaterrñañepaꞌch Yompor Parets ñeñth poeꞌntañoꞌtsen!

San Lucas 20:2

Ñetñapaꞌ ateth otoset Jesús: —Ñewa, yapaꞌ añekop yewena yemneñ oꞌch photey ¿errotheꞌt apoenpetña llesens? ¿Eseshaꞌtña phapoeneꞌña llesens atthoth phorrtatyenña ñeñth xhokma atthekma pephaꞌyena?

San Lucas 5:21

Otweꞌ atethpaꞌ añña fariseoneshaꞌ ñamha ñeñth atarr etsotayenayeñ ñoñets ñeñth ateth anareth judioneshakop, ñetñapaꞌ otatseꞌtet ñañeñeta: —Eseshaꞌwañakaꞌye oꞌ achmhareꞌtanña Yompor. Arr patsropaꞌ amaꞌt poesheñarra ama eñalleña ñeñth peretneneꞌ ochñarets, ñapthaña Yompor peretneneꞌ ochñarets.

San Lucas 7:49

Allempoñapaꞌ ñeñth parro rrallmeꞌchenet, ñetñapaꞌ otannaꞌtyeset: —Eseshaꞌwañakaꞌyeña añ yakmar attho peretnerranña ochñarets.

San Lucas 9:9

Amhchaꞌtarethña Herodespaꞌ ateth ot: —Napaꞌ neñotena nakaꞌye pechateꞌña Juan awaña. Eseshaꞌwañakaꞌyeña ñeñth orrtateneꞌ ñeñth amaꞌt awathapaꞌ ama yentare ñeñth ateth atarr neꞌmareꞌten. Ñeñthoꞌmarña ñapaꞌ atarr moeneñ oꞌch entan ñeñth Jesúsotets ñeñth orrtatyeneꞌ ñeñth ama poentare acheñeneshaꞌ.

San Juan 2:18

Allempoña judioneshaꞌ paꞌmhchaꞌtaretherneshaꞌpaꞌ ateth ochet: —Añña phorrtatosnay pepartsoña allochñapaꞌ atthochña yeñotaph poꞌñoxhpaꞌ phapaꞌ allsensarethephtheꞌ, theꞌñapaꞌ atthoꞌ pephosnaytheꞌ añexhno.

Los Hechos 9:5

Sauloñapaꞌ ateth ot: —¿Eseshapeꞌt, Ayochreshathe, eñets? Ñeñth eñetspaꞌ alla otererr: —Napaꞌ ñeñthen Jesúsen, ñeñthara ñeñthen pemoeroxhtaten. Añpaꞌ phañeña moeroxhtatetsa. Tharroꞌmar xha phottena ñerraꞌmrratheꞌ ashen ñeñth eꞌñe pathpareꞌteñoth ñañeñachña atserrphatetsa.