San Mateo 20:5 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵ Allempo xhap poktopaꞌ alla awerrerr aneꞌtañ, alla entwerranerr poꞌpotantañ acheñ. Ñetpaꞌxhoꞌña atthekma otwerraneterr ñeñth ateth otan ñorraꞌ poꞌpotantañ. Ñetpaꞌxhoꞌña allentha moeñerraneterr paꞌmro allchaꞌ thotoset ñamet narmets. Oꞌña ellerrenmochpaꞌ oꞌ alla awerrerr, allñapaꞌ entwerranerr poꞌpotantañ acheñ. Ñetpaꞌxhoꞌña eꞌñe atthekma otwerraneterr ñeñth ateth otan ñorraꞌ poꞌpotantañ. Ñetpaꞌxhoꞌña allentha moeñerraneterr paꞌmro.

San Mateo 20:5 Iomraidhean Croise

San Mateo 20:4

Ñañapaꞌ ateth otosanet: “Sapaꞌxhoꞌña ñerraꞌm semneꞌpaꞌ oꞌch setarwasaꞌ naꞌmro; napaꞌ netsaꞌtasach allpon ñeñth poktetsa.” Ñetpaꞌxhoꞌña allentha awanmoet paꞌmro allchaꞌ thotoset ñamet narmetsmo.

San Mateo 20:6

Attheña oꞌ ellerrenpaꞌ oꞌ alla awerrerr, allñapaꞌ entwerranerr poꞌpotantañ acheñ, ñetpaꞌxhoꞌña ama es otteneto. Ñetpaꞌxhoꞌña ateth otwerraneterr: “Sapaꞌ ¿esoꞌmareꞌtña attha sellapeneꞌth thomxhaꞌtyesetsña arrma? Amaña es sotteno.”

San Mateo 27:45

Oꞌña xhap poktopaꞌ oꞌwañ atsnom oꞌ eꞌñe chekmetwa ora errapharen añe patsro, oꞌña ellerrotenmochapaꞌ oꞌ alla poetarerr.

San Juan 1:39

Ñañapaꞌ ateth otanet: —Soktherrenkaꞌye oꞌch senteñaꞌ. Ñetñapaꞌ allentha kothaꞌneret Jesús oꞌch enteñetaꞌ all aꞌposa. Alla aꞌposet ñamet ñeñthe yethro tharroꞌmar allempopaꞌ oꞌ mamhamena oꞌch ellerren.

San Juan 11:9

Jesúsñapaꞌ ateth otan poeyochreshaꞌ: —Amaꞌtña yethpaꞌ oꞌkaꞌye ellapen poetarsats. Ñerraꞌm yechopeꞌch yetho amach yepothoꞌteno tharroꞌmar eꞌñe yenten poetareꞌ añe patsro.

San Juan 4:6

Allñapaꞌ all poten oñ ñeñth poꞌñeñ peꞌth Jacob. Jesúsñapaꞌ nanak tsanom poechopeꞌcheñoth ñeñthoꞌmarña anorros eꞌñe allameꞌtets apkoꞌsatho. Allempopaꞌ eꞌñe poktoꞌtsen atsneꞌ.

Los Hechos 10:3

Attha yexhena amaꞌt awathotheñ. Parrochpaꞌ oꞌ koyaꞌnen atsneꞌpaꞌ orrtoña ñeñth Yompor poꞌmhllañotheñer. Orrtoña ateth ñerraꞌm poexhopoñoth, tharraña ama xhoyeꞌ xhopoꞌteñe. Tharraña oꞌ orrtoñapaꞌ eꞌñe kowen eñch. Oꞌ wapapaꞌ ateth otos: —¡Cornelio!

Los Hechos 10:9

Tsapathñapaꞌ oꞌ xhapmochet Jopo. Oꞌ xhapmochetpaꞌ Pedroña eꞌñe alla pokollopaꞌ oꞌ aꞌtap eno allchaꞌ maꞌyochosa. Allempopaꞌ xhapmoch pokto.

Los Hechos 3:1

Pamtharrpaꞌ xhap allempokma maꞌyochenet Parets paꞌpakllo, ateth ñerraꞌm allempopaꞌ ñatoꞌ oꞌ ellerrenmoch. Pedroñapaꞌ awoꞌ Parets paꞌpakllo epoet Juan, oꞌch maꞌyochoset all.