San Mateo 20:4 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴ Ñañapaꞌ ateth otosanet: “Sapaꞌxhoꞌña ñerraꞌm semneꞌpaꞌ oꞌch setarwasaꞌ naꞌmro; napaꞌ netsaꞌtasach allpon ñeñth poktetsa.” Ñetpaꞌxhoꞌña allentha awanmoet paꞌmro allchaꞌ thotoset ñamet narmetsmo.

San Mateo 20:4 Iomraidhean Croise

San Mateo 20:3

Oꞌña enomeꞌtaꞌmoenpaꞌ oꞌ alla awerrerr allekma shontena acheñeneshaꞌ ñeñth eꞌnyeneꞌ tarwas. Allñapaꞌ entwerranerr tama allponsheña, ñetpaꞌ ama es otteneto.

San Mateo 20:5

Allempo xhap poktopaꞌ alla awerrerr aneꞌtañ, alla entwerranerr poꞌpotantañ acheñ. Ñetpaꞌxhoꞌña atthekma otwerraneterr ñeñth ateth otan ñorraꞌ poꞌpotantañ. Ñetpaꞌxhoꞌña allentha moeñerraneterr paꞌmro allchaꞌ thotoset ñamet narmets. Oꞌña ellerrenmochpaꞌ oꞌ alla awerrerr, allñapaꞌ entwerranerr poꞌpotantañ acheñ. Ñetpaꞌxhoꞌña eꞌñe atthekma otwerraneterr ñeñth ateth otan ñorraꞌ poꞌpotantañ. Ñetpaꞌxhoꞌña allentha moeñerraneterr paꞌmro.

San Mateo 9:9

Jesúsña meterrerr allothpaꞌ entnoman poesheñarr acheñ ñeñthñapaꞌ añ paꞌsoꞌcheñ Mateo. All anen allekma cobraꞌyenan acheñeneshaꞌ kelle ñeñth gobiernokop. Jesúsñapaꞌ ateth otosan Mateo: —Theꞌpaꞌ oꞌch phokthaꞌn atthoch neyochreshaꞌ neperreph. Mateoñapaꞌ xha tantnomtsapaꞌ allentha kothan Jesús.

1 Corintios 6:11

Sapaꞌxhoꞌña poesheñaꞌttsos atthekma sepeꞌth samha awaña. Tharraña theꞌpaꞌ oꞌ eꞌshowarethterra soꞌchñar, atthoña oꞌ saꞌkowentatarethterra Partsokop. Eꞌñe seyemteñoth Yepartseshar Jesucristo theꞌña Pomporpaꞌ oꞌ pokteꞌ enterres. Ñamha eꞌñe poechorreñothes Yompor Poekamkëñpaꞌ oꞌ pokteꞌ enterres Yompor.

Colosenses 4:1

Ñamha sapaꞌ oꞌch notas samha ñeñthes pamoꞌmteꞌ pen ñeñth setarwasaten. Sapaꞌ atethchaꞌ sepeꞌña saꞌtarwasañer ñeñth eꞌñe pokteꞌ entenet ñet. Ñamha sapaꞌ señochepaꞌch sapaꞌxhoꞌña sechenkaꞌyeña Samoꞌmteꞌ ñeñth poeꞌntañoꞌtsen.

Tito 3:8

Ñeñth ateth notenpaꞌ eꞌñe poꞌñoxh. Ñeñthoꞌmarña napaꞌ atarr nemneñ oꞌch phokthapeꞌchatanet eꞌñe womenko ateth, allochñapaꞌ ñeñth ameꞌñenaya Yomporpaꞌ eꞌñech aña maꞌyoxhrenet oꞌch penet ñeñth kowen enten ña. Ñeñth oꞌ notwapaꞌ ñeñthña kowentetsa ñamha ñeñthña nanak sherbets allowenakop.

1 San Pedro 1:13

Ñeñthoꞌmarña theꞌpaꞌ añ poktetsa eꞌñe sa señoteñothpaꞌ eꞌñech kowen sokthapeꞌchen. Eꞌñe seyemteñoth ñapaꞌ oꞌch sekwameꞌteñ esempoch werra Jesucristo. Allempopaꞌ ellochña nanak moeraꞌwerrsa, kowenchaꞌ es apwerres.