San Mateo 20:2 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

² Ñeñth allpon entospaꞌ ateth otosanet: “Amaꞌt semno oꞌch setarwasenaꞌ naꞌmro. Pamthaꞌtetspaꞌ netsaꞌtasach allpon kelle ñeñth patherr denario.” Ñetñapaꞌ eꞌñe pokteꞌ eñchet allentha moeñanet paꞌmro, allchaꞌ thotoset narmetsmo.

San Mateo 20:2 Iomraidhean Croise

San Mateo 18:28

Ñeñthña paꞌtarwasañerpaꞌ oꞌ xhaꞌnerr entwerran poꞌpsheñeñ ñeñth parro atarwasatarethtenet ñeñth tebeneꞌ ñamha, ñeñthpaꞌ eꞌñe koñeꞌtha kelle. Ñañapaꞌ xha rremaꞌwerreꞌpaꞌ allentha moeñoxheꞌ ateth otwer: “Petsaꞌterrnañakaꞌye ñeñth allpon petebenen.”

San Mateo 20:1

‘Yompor poꞌkowenña ñeñth attho ayochreshathtena ña poeꞌntañoth, ñeñthpaꞌ añ tomaꞌntena ñeñth ateth pena poesheñarr aneꞌtañ. Ñañapaꞌ awathekma awaꞌmoen eꞌnyenayaꞌ acheñ ñeñthchaꞌ tarwasat paꞌmro oꞌch thoteññañetaꞌ poenaremh.

San Mateo 20:13

Allempo ateth otwer atarwasañ, aneꞌtaññapaꞌ ateth och: “Ama, masheñchaꞌ, xhoyeꞌ neshkënpe, eꞌñe allpona netsaꞌtenpha ñeñth allpon yaꞌpoktataꞌmoen aromtaña.

San Mateo 20:3

Oꞌña enomeꞌtaꞌmoenpaꞌ oꞌ alla awerrerr allekma shontena acheñeneshaꞌ ñeñth eꞌnyeneꞌ tarwas. Allñapaꞌ entwerranerr tama allponsheña, ñetpaꞌ ama es otteneto.

San Mateo 20:9

Ñeñthña tarwasosets ellerroneth ñetñapaꞌ oꞌ waxherret. Eꞌñe allponeshakma atsaꞌtarethetyesapoerret ñeñth patherr denario.

San Mateo 22:19

Ñewa, amaꞌt attheseñpaꞌ segatenkaꞌye poetallarr kelle ñeñth alloch setsaꞌta impuestos. Allempoñapaꞌ gachet poetallarr kelle ñeñth otenet denario.

San Mateo 9:37

Ñeñthoꞌmarña ateth otan poeyochreshaꞌ: —Shonteꞌ narmets ñeñth nanak ellomhreꞌtets ñeñthchaꞌ aꞌyapaxhetañ. Tharraña atarwasañña ñeñthchaꞌ aꞌyapaxheꞌpaꞌ ama atarr atonayayeto.

San Marcos 12:15

Jesúsñapaꞌ eñotapanet ñetpaꞌ xhakaꞌye shekareꞌteñet, ñañapaꞌ ateth otapanet: —Sapaꞌ esoꞌmareꞌtña semneñña oꞌch seshkareꞌtosen. Ñewa, amaꞌt ateth setpatennoñpaꞌ sorrtatkaꞌyeña poetallarr kelle oꞌch nekweꞌ.

San Lucas 1:15

Ñapaꞌ atarrchaꞌ asherben enteñ Yompor. Ñapaꞌ amach orrarñatheyaye, amaꞌt vinosapaꞌ amach orreñe. Amaꞌt ñamha paꞌnamen ñeñth aposaꞌtpotetsapaꞌ amach orreñe amaꞌt mamesha. Ñapaꞌ eꞌñech aña chorraya Parets Poekamkëñ. Amaꞌt allempotheñ pachor paꞌthoꞌtsen ñapaꞌ eꞌñech chorreña Parets Poekamkëñ.

San Lucas 10:35

Tsapathñapaꞌ chetaꞌmoenan epa denario apaꞌmoenan apakllatheshaꞌ ateth otaꞌmoeñ: “Theꞌpaꞌ pekwampeschaꞌ, errponchaꞌ phaꞌgastaꞌ ello pekhllayor, napaꞌ netsaꞌtwerrphach esempoch newerra.”

San Lucas 20:24

—Ñewa, segaten poetallarr kelle. Gatwetpaꞌ ateth otanet: —Ñewa, sapaꞌ oꞌch soten, ¿eseshaꞌt sentenña ñeñth atmaꞌntatarethtetsa all? ¿Eseshaꞌt paꞌsoꞌcheñ ñeñth akellkarethtetsaña all? Ñetñapaꞌ ateth ochet: —Amhchaꞌtarethkaꞌye atmaꞌntatarethtetsaña all ñamha ñokaꞌyeña paꞌsoꞌcheñ ñeñth akellkarethtetsa all.

2 Timoteo 3:15

Ñamha phapaꞌ eꞌñe cheshotheñ ayxhataretheph Parets poꞌñoñ ñeñthara añ ñoñets ñeñth peñotaterreꞌ attho eꞌñe yameꞌñeñotha Cristo Jesúspaꞌ oꞌch yekeshperra.

El Apocalipsis 6:6

Alloꞌtsaꞌyen ñeñth berrmaꞌthtetsapaꞌ eꞌñe all rroxhothpaꞌ neꞌmoererr ñeñth ateth eꞌmorrterrerr ñoñets, ñeñthpaꞌ ateth oten ñoñets: —Patherr kilo trigopaꞌ nankëpaꞌch tsaꞌteterr amaꞌt ñeñth patherr denario, ñamha maꞌpa kilo cebadapaꞌ nankëpaꞌch tsaꞌterra. Tsaꞌterrepaꞌch ñamha patherr denario. Tharraña olivoseꞌ ñamha vinospaꞌ xhokmoepaꞌch eñall, amach seprratamphsatsetye.