San Mateo 20:11 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹¹ Allempo agapetpaꞌ ñetñapaꞌ xha poꞌpoñ entet, xha eꞌmoñeꞌtweret aneꞌtañ.

San Mateo 20:11 Iomraidhean Croise

San Mateo 20:10

Attheña allempo oꞌ waxherra ñamha ñeñth tarwasosets awathekma, ñetñapaꞌ xha otenapoetañ ñatoꞌ atonchaꞌ atsaꞌtarethtapoerret. Tharraña ñetpaꞌxhoꞌña eꞌñe poesheñaꞌttsokmoetpaꞌ eꞌñe allponeshakma atsaꞌtarethtapoerret ñeñth patherr denario.

San Mateo 20:12

Ñeñthoꞌmarña ateth ochet: “Añeneshaꞌ ñeñth wapatsa chentaꞌpaꞌ ñetñapaꞌ mamesha tarwasoset. Eꞌñe allponeshakma petsaꞌtapoerranet ñeñth eꞌñe allpon petsaꞌtapoerrya yamha. Amaꞌt yapaꞌ oꞌ yellapen yaꞌñetseꞌ yetarwas, nanak etay atsrreth all yetarwasen. Esoꞌmareꞌtña eꞌñe allponeshakma petsaꞌtapoerrya ñeñth allpon petsaꞌtapoera ñamha ñeñth tarwasosets mameꞌ.”

San Marcos 14:5

Ñeñth eñmosatherpaꞌ amakaꞌye matsaꞌto. Xhochñaxhoꞌ pomoseñpaꞌ ganañchaꞌ shonteꞌ kelle xhachkaꞌye metananeñña ñeñth trescientos denario. Allempoñapaꞌ apaꞌyesaneñchaꞌ ñamha allowen wokchañneshaxhno. Ñeñthpaꞌ ateth sasareꞌchet koyaneshaꞌ.

San Lucas 15:2

Añña fariseoneshaꞌ ñamha ñeñth atarr etsotayenayeñ ñoñets ñeñth ateth anareth judioneshakop, ñetñapaꞌ amaꞌt mameshapaꞌ ama pokteyeꞌ enteñeto. Ñetñapaꞌ attha sasareꞌteñet Jesúspaꞌ ñeñthpaꞌ ateth otannaꞌtyenet: —Añ acheñer amaꞌt ñeñth atarr ochñatheneshaꞌpaꞌ esoꞌmartheꞌña eꞌñe kowen agapyenanet, ñamha alla rrallmeꞌchapreteñet.

San Lucas 19:7

Allempoña acheñeneshaꞌ ateth eñchet, ñetñapaꞌ amaꞌt mameshapaꞌ ama pokteyeꞌ es entaye. Ñetpaꞌ ateth otannaꞌtyeset: —Esoꞌmarchaꞌkaꞌyeña beꞌthososña Jesús allchaꞌ mos añ acheñer paꞌpakllo ñeñth atarr nanak ochñath.

San Lucas 5:30

Fariseoneshaꞌ ñamha ñeñth atarr etsotayenayeñ ñoñets ñeñth ateth anareth, ñetñapaꞌ sasareꞌteññañet Jesús poeyochreshaꞌ. Attheñapaꞌ otarethtet: —Taꞌm, esoꞌmartheꞌña serrallmeꞌchapreteñña añ acheñeneshar ñeñth poeshkëñotheꞌna cobraꞌyeneꞌ acheñeneshaꞌ aton kelle ñamha epas acheñeneshaꞌ ñeñth atarr ochñatheneshaxhno.

San Juan 6:41

Attho Jesúspaꞌ otenanet, “Napaꞌ na korramhtsotets ñeñthen wapatsa entoth”, judioneshaꞌñapaꞌ pokwanaꞌteñothet otatseꞌtyeñet.

San Juan 6:61

Jesúspaꞌ eꞌñe poeyoxhro eñotanet xha otatseꞌtyen poeyochreshaxhno, ñeñthoꞌmarña ateth oterraneterr: —Ñeñth ateth notenespaꞌ areꞌt pokteyeꞌ senteñe.

Los Hechos 13:45

Allempoña judioneshaꞌ ñeñth ama ameꞌñetsopaꞌ oꞌ eñchet shonteꞌ acheñ waxhaꞌtatsapaꞌ, poesopeꞌcheñothetpaꞌ oꞌ kowanaꞌchet Pablo. Ñeñth ateth oten Pablopaꞌ ñetñapaꞌ oꞌch otenet ama attheyaye. Nanak achmhareꞌchet.

1 Tesalonicenses 2:16

Ñetpaꞌ atarr epatareꞌtenyet atthoch yeserrpareꞌtach poꞌpoñ acheñ ñeñth ama judioneshayaye atthoch ñetpaꞌxhoꞌña oꞌch aꞌkeshphatarethterret. Atthoña ñetpaꞌ atarr nanak yorenet poꞌchñaret. Tharraña theꞌña Yomporpaꞌ oꞌ entatwerrmochanet poꞌyoroxhenña.

San Judas 1:16

Ñamha ñeñth ashkañneshaꞌpaꞌ atarrchaꞌ thanmareꞌtyeñet, xhach poꞌpoñ entwenet. Añach kothapeꞌchyenet ñeñth moenaꞌyenet eꞌñe ñokpoeta. Xhoꞌnatheꞌ ñetpaꞌ atarrchaꞌ ommoñathet. Ñamha ñerraꞌm esempo eꞌñe kowen eñosyenet acheñeneshakop, ñetpaꞌ añekpach eꞌñe kowen eñosyenet atthoch es apoenanet acheñeneshaꞌ.