San Mateo 2:9 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁹ Ñetñapaꞌ allempo eꞌmwanmoet ateth otanet amhchaꞌtarethpaꞌ allempoñapaꞌ awanmoet. Rantoña ñeñth entnenet alloth wena atsrrethpaꞌ taꞌnetsa alleneth senet, atthothapaꞌ oꞌ xhap eꞌñe alloꞌtsen cheshatholl. Oꞌña xhap alloꞌtsen cheshathollpaꞌ oꞌ moechechosa eꞌñe alla ento eꞌñe pokto.

San Mateo 2:9 Iomraidhean Croise

San Mateo 2:10

Allempoña enterreterr rantopaꞌ atarr nanak koshet.

San Mateo 2:2

Ñetñapaꞌ ateth otyesoset: —¿Erroꞌtsenaꞌtña ñeñth eñalletatsa ñeñthchaꞌ paꞌmhchaꞌtarether phaꞌ judioneshaꞌ? Yapaꞌ yeñoteñ oꞌ eñalleta tharroꞌmar yapaꞌ oꞌ yentoñ poꞌrantor alloth wena atsrreth; yapaꞌ ñeñthekopña yewena oꞌch yekonkorpanaꞌteñaꞌ.

San Mateo 2:8

Allempoña eñotatosetpaꞌ ñañapaꞌ otanet: —Theꞌpaꞌ oꞌch awes Beléño, eꞌñech akopha seꞌnyesos ñeñth cheshatholl. Ñerraꞌm oꞌch señchpaꞌ oꞌch sotwerren allochñapaꞌ napaꞌxhoꞌña oꞌch awen oꞌch nekonkorpanaꞌteñaꞌ namha.

2 San Pedro 1:19

Theꞌña ñeñth otyeseꞌth awath ñeñth aꞌmhtaꞌyesayeꞌth Yompor poꞌñoñpaꞌ theꞌña eꞌñe poꞌñoxhpaꞌ oꞌ eꞌñe etsotwerra. Ñeñthoꞌmarña yapaꞌ atthoña yeñoteñ ñapaꞌ eꞌñe poꞌñoxh otyeꞌth poꞌñoñoth. Ñeñthoꞌmarña yokoppaꞌ añ poktetsa oꞌch yameꞌña ñamha ñeñth aꞌmhtaꞌyesayeꞌth awath Yompor poꞌñoñ. Ñeñthña ñoñetspaꞌ aꞌpoetarsampennay yokthaphña ateth ñerraꞌmrratheꞌ lampareñ aꞌpoetareneꞌ chekmeteꞌ. Theꞌña oꞌ wapa Cristo; ñapaꞌ ñeñthchaꞌña aꞌpoetarerreꞌ yamha yeyoxher. Yapaꞌ atarr kowen yenteñ Cristo ateth ñerraꞌm ranto atarremh.