San Mateo 2:22 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²² Allempo awerretpaꞌ ñetñapaꞌ eꞌmareꞌtweret añ amhchaꞌtarethterrtsa Judeo ñeñth Herodesoñ poechemer ñeñth sochetsa Arquelao. Ñeñthoꞌmarña mechaꞌtenet serrtset all. Poexhopoñoñapaꞌ alla eñotatererr ñeñthoꞌmarña allempopaꞌ alla serr Galileo.

San Mateo 2:22 Iomraidhean Croise

San Mateo 1:20

Allempoña ateth kothapeꞌchenpaꞌ machayothoꞌ orrtoña Yompor poꞌmhllañotheñer. Ñeñth orrtoya poexhopoñopaꞌ ateth otos: —José Davidnaꞌtare, amach phaꞌllpatsto; pokteꞌkaꞌye oꞌch peyore María ñeñthchaꞌ pethapor pephaꞌ tharroꞌmar ñapaꞌ oꞌkaꞌye axhomenta Parets Poekamkëñoth.

San Mateo 2:1

Allempo eñalleta Jesús all Beléño, eꞌñe alla Judeopaꞌ añ amhchaꞌtarethtatseꞌth Herodes. Oꞌña eñalletwapaꞌ eñotañneshaꞌña waxhaꞌtet alloth wena atsrrethpaꞌ oꞌ xhaxhaꞌtet Jerusaléño.

San Mateo 2:19

Allempoña rroma Herodespaꞌ Yomporña poꞌmhllañotheñerpaꞌ alla orrterranerr José poexhopoño all Egipto.

San Mateo 2:21

Ateth otwepaꞌ ñañapaꞌ allentha tantena oꞌ alla anerran cheshatholl pachoreꞌna alla awerret israelneshaꞌ paꞌnyo.

San Mateo 3:13

Allempo wapa Jesús Galileoth, xhap Jordanaso alloꞌtsen Juan, ñapaꞌ añ moenen oꞌch apataph Juan Yomporekop.

San Lucas 2:39

Allempoña oꞌ aꞌpoktatwet ora allpon ñeñth ateth anareth Yompor poꞌñoño ñeñthchaꞌ eꞌñe yexhaꞌ judioneshaꞌ ñetñapaꞌ awanerret paꞌnyeto Nazareto allara Galileo.

San Juan 7:52

Ñetñapaꞌ ateth ochet: —Esoꞌmarwachkaꞌ pemoñesyaña galileoꞌmarneshaꞌ, ñatoꞌ phapaꞌ galileoꞌmarneshaphtheꞌ. Phapaꞌ amarramcheꞌ galileoꞌmarneshayaype. Theꞌpaꞌ pelleyaꞌyes Yompor poꞌñoñ allochñapaꞌ oꞌch peñoch Galileothpaꞌ amaꞌt poesheñarrapaꞌ amach wapoña ñeñthchaꞌ aꞌmhteneꞌ Yompor poꞌñoñ.