San Mateo 2:16 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁶ Ñewa, allempoña Herodespaꞌ oꞌ eñoch xha shekaꞌnemh eñotañneshaꞌpaꞌ ñañapaꞌ ñeñtha atarr atsrreꞌmateꞌ. Attho atsrreꞌma nanakpaꞌ allempoñapaꞌ moeñan ñeñthchaꞌ moetsweꞌ allowen asheñorrotholleshaꞌ ñeñth Beléñoꞌtsaꞌyen ñamha ñeñth allowen allampañoꞌtsaꞌyen Beléño. Allowen asheñorrotholleshaꞌ ñeñth echeneꞌ epa poꞌcharña amaꞌt ñamha allowen ñeñth eñalletyetsa chentaꞌ eꞌñe poktakma moetsanatwet. Ñewa, ñeñth ateth eñotatos eñotañneshaꞌpaꞌ ñañapaꞌ ateth kothapeꞌch awoꞌtheꞌ epa char eñalletwaña ñeñth cheshatholler.

San Mateo 2:16 Iomraidhean Croise

San Mateo 2:1

Allempo eñalleta Jesús all Beléño, eꞌñe alla Judeopaꞌ añ amhchaꞌtarethtatseꞌth Herodes. Oꞌña eñalletwapaꞌ eñotañneshaꞌña waxhaꞌtet alloth wena atsrrethpaꞌ oꞌ xhaxhaꞌtet Jerusaléño.

San Mateo 2:17

Atthoña etsota ñeñth ateth oteꞌth Jeremías ñeñth aꞌmhtayeꞌth Yompor poꞌñoñ awath; ñeñthpaꞌ ateth oteꞌth:

San Mateo 2:7

Allempoña otwoset atethpaꞌ Herodesñapaꞌ eꞌñe aꞌnawa agotaterran ñamha poꞌpotantañ eñotañneshaꞌ ñeñth xhaxhaꞌtats allempo Jerusaléño. Allñapaꞌ eꞌñe akopha aꞌphthoꞌtareꞌtyesapanet: —Rantopaꞌ ¿eꞌñeꞌtña esempotheñña señch ñeñth sorrtoya ñenmath?

El Apocalipsis 12:4

Paꞌsmeꞌll ñeñth chetareꞌtnen alloña tarraꞌwanenanña shonteꞌ rantoxhno eꞌñe aꞌshoreꞌtwaneñ patso. Ñeñth allpon ranto ñeñth entoꞌtsen, allpon aꞌshoreꞌtwareth ñeñth otenet la tercera parte. Ñeñthña añyañpaꞌ alla thomos eꞌñe koyaneshesho ñeñth atsotenaya poeꞌmar all koweñ ñerraꞌm oꞌch eñalletatan poeꞌmarpaꞌ ñach añyamphseꞌ.

El Apocalipsis 17:6

Allempoña ñeñth koyaneshaꞌpaꞌ neñoch atarr posaꞌten. Ñañapaꞌ añ posaꞌtena errasats ñeñth poꞌrras ñeñth moetsanateteꞌth ñeñth poeyochreshaꞌ pen Parets tharroꞌmar ñapaꞌ atarr kowen entenan oꞌch moetsachet ñeñth serrpareꞌteneꞌ attho ameꞌñeñet Jesús. Allempo neñch nañapaꞌ attha nekwanaꞌch ñeñth koyaneshaꞌ.