San Mateo 2:13 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹³ Poerraxherrtsetpaꞌ Yomporña poꞌmhllañotheñerpaꞌ alla orrterranerr José poexhopoñoth. Ñeñthpaꞌ ateth otererr: —Petantayeꞌcha oꞌch phaꞌyech cheshatholl pachoreꞌna, orrayeꞌchaph all anetso Egipto allchaꞌ seyxhosa. Esempowañenñapaꞌ oꞌch alla noterrperr atethchaꞌ pepha. Herodes poꞌñoxhpaꞌ eꞌnatanchaꞌ añ cheshatholl atthoch moetsatach.

San Mateo 2:13 Iomraidhean Croise

San Mateo 1:20

Allempoña ateth kothapeꞌchenpaꞌ machayothoꞌ orrtoña Yompor poꞌmhllañotheñer. Ñeñth orrtoya poexhopoñopaꞌ ateth otos: —José Davidnaꞌtare, amach phaꞌllpatsto; pokteꞌkaꞌye oꞌch peyore María ñeñthchaꞌ pethapor pephaꞌ tharroꞌmar ñapaꞌ oꞌkaꞌye axhomenta Parets Poekamkëñoth.

San Mateo 10:23

Ñerraꞌm esempo eꞌmoñeꞌterrset ñeñth anetsro alloꞌtsenes oꞌch seyetamphsanetpaꞌ oꞌch sawanma poꞌpoñ anetso. Allpaꞌxhoꞌña ñerraꞌm atthekma eꞌmoñeꞌterrseterrpaꞌ oꞌch seyetamperraneterr oꞌch sawanerrerr ñamha poꞌpoñ anetso. Eꞌñe poꞌñoxh notenes: Amach eꞌñe sepaꞌwenaꞌ ora allowen israelneshaꞌ paꞌnetsropaꞌ na Ñeñthen Acheñetosets oꞌch alla norrterra.

San Mateo 2:12

Allempoña ñetpaꞌ eñotatanet Yompor poexhopoño allochñapaꞌ atthoch ama oñerreto Herodeseshoꞌmar. Allempo poerrerret paꞌnyetopaꞌ aña kotherret poꞌpoñ thoñ.

San Mateo 2:14

Allempoña oꞌ tantapaꞌ anman cheshatholl, pachoreꞌna yeta tsapo, awanmoet Egipto.

San Mateo 2:16

Ñewa, allempoña Herodespaꞌ oꞌ eñoch xha shekaꞌnemh eñotañneshaꞌpaꞌ ñañapaꞌ ñeñtha atarr atsrreꞌmateꞌ. Attho atsrreꞌma nanakpaꞌ allempoñapaꞌ moeñan ñeñthchaꞌ moetsweꞌ allowen asheñorrotholleshaꞌ ñeñth Beléñoꞌtsaꞌyen ñamha ñeñth allowen allampañoꞌtsaꞌyen Beléño. Allowen asheñorrotholleshaꞌ ñeñth echeneꞌ epa poꞌcharña amaꞌt ñamha allowen ñeñth eñalletyetsa chentaꞌ eꞌñe poktakma moetsanatwet. Ñewa, ñeñth ateth eñotatos eñotañneshaꞌpaꞌ ñañapaꞌ ateth kothapeꞌch awoꞌtheꞌ epa char eñalletwaña ñeñth cheshatholler.

San Mateo 2:22

Allempo awerretpaꞌ ñetñapaꞌ eꞌmareꞌtweret añ amhchaꞌtarethterrtsa Judeo ñeñth Herodesoñ poechemer ñeñth sochetsa Arquelao. Ñeñthoꞌmarña mechaꞌtenet serrtset all. Poexhopoñoñapaꞌ alla eñotatererr ñeñthoꞌmarña allempopaꞌ alla serr Galileo.

Los Hechos 10:22

Ñetñapaꞌ ateth ochet: —Yapaꞌ añ yemñeneꞌ capitán Cornelio. Capitánpaꞌ oten phonepaꞌtoꞌ. Ñapaꞌ orrtoña Parets poꞌmhllañotheñer ateth och: “Phagotach Pedro onepaꞌ. Ñamha pokteꞌ oꞌch peꞌmhñoch ñeñthchaꞌ ateth otaph.” Ateth och Parets poꞌmhllañotheñer. Ñeñthoꞌmarña yapaꞌ oꞌ yewapa. Tharroꞌmar capitán Corneliopaꞌ ñapaꞌ eꞌñe kowen kothapeꞌchen Partsokop ñamha nanak mechaꞌnaꞌteñ. Eꞌñe kowen enteñ allowen judioneshaꞌ.

Los Hechos 10:7

Ñeñtha otwapaꞌ oꞌ awerr. Awerrpaꞌ Cornelioñapaꞌ xhoreꞌtan epsheña ñeñth tarwasets eꞌñe alla pokollo, xhoreꞌtan ñamha poesheñarr poꞌsolltarer ñeñthpaꞌ aña poꞌtarwas penet atthoch kowampeñet poꞌcapitánret. Añpaꞌ ñeñth kowen kothapeꞌchets Partsokop ñamha.

Los Hechos 12:11

Allempoñapaꞌ xhapoña Pedro poeyoxhro, ateth ot: —Poꞌñoxhepaꞌt ama xhoyeꞌ nexhopoꞌteñe. Yomporepaꞌt moeñeneꞌ poꞌmhllañotheñer atthoch aꞌkeshphaten. Theꞌpaꞌ Herodespaꞌ amach erroth phaꞌno. Judioneshaꞌpaꞌxhoꞌña eꞌñe orrena oꞌpatenna.

Los Hechos 12:7

Attheñapaꞌ machayotha poetareswa eꞌñe alla oꞌpono. Orrtoña Yompor poꞌmhllañotheñer. Añña mellañotheñpaꞌ oꞌ aꞌphllan Pedro poephotothpaꞌ oꞌ opoepaꞌ ateth och: —Petanta thekma. Añña cadena alloꞌ wankëñetpaꞌ xha poeyaꞌnets eꞌñe ñotha.

Los Hechos 16:36

Ñeñth kowampeneꞌ cárcelpaꞌ ateth otan Pablo: —Oten amhchaꞌtareth sexhaꞌnerrepaꞌtoꞌ. Theꞌñapaꞌ orrerres, Yomporeꞌpach saꞌnataya.

Los Hechos 5:19

Tharraña amaꞌt abeꞌtharethtetpaꞌ tsapoñapaꞌ oꞌ wapanet Yompor poꞌmhllañotheñer ñeñth wetsa poeꞌntañoth oꞌ toramperranet, oꞌ xhapaterranet aꞌyenethpaꞌ ateth otanet:

Los Hechos 7:19

Añña amhchaꞌtarethpaꞌ nanak moeroxhtatyesonay yatañneshañ. Oꞌ nanet ñoñets atthoch pamoꞌmtayetpaꞌ oꞌch aꞌypoꞌñet poechemeretholl aꞌyo. Añekpoꞌch ateth peñet atthoch moetsatachet poechemeretholl. Allochñapaꞌ amach nanak mereto.

El Apocalipsis 12:14

Tharraña koyaneshaꞌpaꞌ allempo kothareꞌtererr añyañpaꞌ ñeñthña koyaneshaꞌpaꞌ oꞌ apet eppaꞌya paꞌpoeꞌ ñeñth ateshaꞌ águila paꞌpoeꞌ. Ñeñthpaꞌ alloch anomamphsana poꞌyalloph ñeñthara añyañ oꞌch saꞌnemh oꞌch xhap bhaxhayo all amaratho all aññoꞌteññañet ñokop eꞌñe kowen allchaꞌ kowampeñet. Eꞌñech maꞌpa char ñamha poꞌpoñerrerr poeshmet char, ñeñthpaꞌ allponmatchaꞌ rrachet all.

El Apocalipsis 12:4

Paꞌsmeꞌll ñeñth chetareꞌtnen alloña tarraꞌwanenanña shonteꞌ rantoxhno eꞌñe aꞌshoreꞌtwaneñ patso. Ñeñth allpon ranto ñeñth entoꞌtsen, allpon aꞌshoreꞌtwareth ñeñth otenet la tercera parte. Ñeñthña añyañpaꞌ alla thomos eꞌñe koyaneshesho ñeñth atsotenaya poeꞌmar all koweñ ñerraꞌm oꞌch eñalletatan poeꞌmarpaꞌ ñach añyamphseꞌ.

El Apocalipsis 12:6

Allempoña koyaneshaꞌpaꞌ allorokma oꞌ yeta oꞌ xhap allaphar all amaratho. Allña Yomporpaꞌ eꞌñe kowen aññoꞌtatoñ allchaꞌ kowampeñet allchaꞌ rrateñet allponmat yeth ñeñth otenet mil doscientos sesenta yeth.