San Mateo 19:9 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁹ Na theꞌpaꞌ oꞌch notas: Ñerraꞌm eseshaꞌ serreꞌ poethapor, poethaporñapaꞌ ñerraꞌm ama xho agënano poꞌpsheñeñ yakma, ñeñth eꞌñe attha serreꞌ poethapor, ñañapaꞌ xhach ochñaꞌtamperrana poethaporesheꞌmañ ñerraꞌm oꞌch alla yorerranerr poꞌpoñ koyaneshaꞌ. Ñeñthpaꞌ ama pokteyeꞌ enteñe Yompor. Ñamha ñeñthchaꞌ yorerreꞌ koyaneshaꞌ asareth, ñeñthña yakmarpaꞌ xhach chetapreten thaporets. Ñeñthpaꞌxhoꞌña ama pokteyeꞌ enteñe Yompor.

San Mateo 19:9 Iomraidhean Croise

San Mateo 19:10

Poeyochreshaꞌñapaꞌ ateth ochet: —Ñerraꞌm amatheꞌ asapawo yethapor amaꞌt awathapaꞌ amatheꞌ tama pokteyayeña yokop oꞌch yeyore koyaneshaꞌ ñeñthchaꞌ yethapor yephaꞌ.

San Mateo 19:8

Ñañapaꞌ ateth oterraneterr: —Sapaꞌ ama es sexhenoyo seyoxhro ñeñthoꞌmarkaꞌyeña Moiséspaꞌ moenatas oꞌch seseꞌ sethapor. Amaꞌt ateth moenataseñpaꞌ tharraña Yompor eꞌñe awathotheñpaꞌ amakaꞌyeña attheyeꞌ oteno.

San Mateo 5:32

Elloña na theꞌpaꞌ oꞌch noterres: Ñerraꞌm ama añekpayeꞌ kexhpoerrano poethapor attho ama xhoyeꞌ agënano poꞌpsheñeñ yakma, ñerraꞌm atthotha serran poethapor, ñañapaꞌ ochñaꞌtaterranchaꞌ poethaporesheꞌmañ poꞌpsheññeshoth; ñeñthpaꞌ ama kowenayeꞌ enteñe Yompor. Ñamha ñerraꞌm eseshaꞌña yorerreꞌ ñeñth asarethpaꞌ ñeñthña yakmarpaꞌ xhach chetapretenan poꞌpsheñeñ poethapor; ñeñthpaꞌxhoꞌña ama kowenayeꞌ enteñe Yompor.

San Lucas 16:18

‘Ama aꞌwañatpawoyaye Yompor poꞌñoñ ñeñth ateth yoteneꞌ ama asaꞌpawo yethapor tharroꞌmar ñerraꞌm eseshaꞌ serreꞌ poethapor oꞌch yorerran poꞌpsheñeñ koyaneshaꞌ ñeñthchaꞌ poethapor perretpaꞌ ñeñthñapaꞌ xhach ochñaꞌtamperrana poethaporesheꞌmañ; ñeñthpaꞌ ama kowenayeꞌ enteñe Yompor. Ñamha ñeñthchaꞌ yorerreꞌ koyaneshaꞌ asareth, ñeñth yakmarpaꞌ xhach chetapreten thaporets; ñeñthpaꞌxhoꞌña ama kowenayeꞌ enteñe Yompor.

1 Corintios 5:1

Ñewa, theꞌpaꞌ oꞌch notas poꞌpoñ. Tharroꞌmar ateth otyenet, poꞌñoxh eñalloꞌ sesho poesheñarr yakma awoꞌ yorerran pachoretsoreꞌ. Ñeñthpaꞌ nanak ochñaꞌteñets ateth, tharroꞌmar amaꞌt ñeñth ama ameꞌñetsopaꞌ ama pokteyeꞌ entenetoña ateth.

1 Corintios 7:39

Theꞌpaꞌ oꞌch noterrserr poꞌpoñ. Amaꞌt esempapaꞌ ama pokteyaye koyaneshaꞌpaꞌ oꞌch serran poerrollar. Amaꞌt errponmatchaꞌ korrena poerrollarpaꞌ amach satstere. Tharraña ñerraꞌm esempo rroma poerrollar, allempopaꞌ eꞌñe pokteꞌ oꞌch someꞌterra ello, tharraña ñerraꞌm erraꞌtsenchaꞌ moenerr ñeñthchaꞌ yorerreꞌ ñeñthpaꞌ ameꞌñenach ñamha.

1 Corintios 7:4

Tharroꞌmar koyaneshaꞌ ñeñth arrollarethpaꞌ ama eꞌñe ñapthayaye poꞌchets, ñeñthpaꞌ poerrollaroꞌnach. Ñamha yakmapaꞌxhoꞌña amach ñapthayaye poꞌchets, ñeñthpaꞌ poethaporoꞌnach.