San Mateo 19:6 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁶ Atthothchaꞌña oꞌwañchaꞌ poesheñaꞌtetstet, allochñapaꞌ oꞌch eꞌñe poesheñarratet. Ñeñth attho Parets eꞌñe pathrratatan yakma epoet poethapor amach xha ellopaꞌ alla sannerreto.

San Mateo 19:6 Iomraidhean Croise

San Mateo 19:5

Allempo Yomporpaꞌ ateth ot: “Ñeñthoꞌmarña yakmapaꞌ ñerraꞌm esempoch senaꞌta, koyaneshaꞌpaꞌ oꞌch echan poerrollar, añ pokteꞌ oꞌwañchaꞌ tama yemteñet pamoꞌmteꞌ allochñapaꞌ yakmapaꞌ atthochña eꞌñe parrokmat epoet poethapor. Atthoña epsheñoꞌmaretpaꞌ eꞌñech pathrra poꞌchets penet.”

San Mateo 19:7

Ñetñapaꞌ ateth otereterr: —Ñerraꞌm poꞌñoxh atethpaꞌ ¿esoꞌmareꞌtña nanña Moisés ñoñets all oteney oꞌch yaph yethapor papell akellkareth atthoch yesannerra, allempoñapaꞌ eꞌñech pokteꞌ oꞌch yeser?

San Marcos 10:9

Ñeñth attho Parets eꞌñe pathrratatan yakma epoet poethapor amach xha ellopaꞌ alla sannerreto.

Romanos 7:2

Ateth ñerraꞌmrratheꞌ ñeñth oteney patherr ñoñets ñeñth ateth anareth. Ñeñthpaꞌ ateth oteney: Koyaneshaꞌ arrollareꞌtañpaꞌ amach satstano poerrollar allempo korrena añe patsro. Ñamha ñerraꞌm allempo korrena poerrollar, ñerraꞌm oꞌch yorer poꞌpsheñeñ ñeñthchaꞌ poerrollar perrpaꞌ ñeñthpaꞌ ama pokteyaye tharroꞌmar ñeñthpaꞌ oꞌchñaꞌtampeñets enteñ Yompor. Tharraña ñerraꞌm esempoch rromapes poerrollarpaꞌ allempoñapaꞌ oꞌwañchaꞌ ameꞌñatacha añ ñoñets ñeñth ateth anareth poerrollarekop. Ñamha ñerraꞌm allempo yorer poꞌpsheñeñ ñeñthchaꞌ poerrollar perrpaꞌ allempo ñeñthpaꞌ eꞌñe pokteꞌ tharroꞌmar allempo, ñeñthpaꞌ ama oꞌchñaꞌtampeñtsoyeꞌ enteñe Yompor.

Efesios 5:28

Poꞌñoxhpaꞌ ñeñthes athaporethespaꞌ añ poktetsa sokop eꞌñepaꞌch kowen semoerya sethapor eꞌñe ateth atarr semorrentena sañeña. Tharroꞌmar ñerraꞌm atarr yemorrenteña yethapor yaꞌnaña atarr morrentetsa, tharroꞌmar yethaporpaꞌ ñeñthara yechets yepen.

Hebreos 13:4

Ñamha oꞌch notas poꞌpoñ: Allowenes ñerraꞌm esempo sesnaꞌtena oꞌ eꞌñe seyorannaꞌta epas sethapor eꞌñepaꞌch kowen sentña ñeñth attho seyorannena. Amaꞌt parrochapaꞌ amoepaꞌchña seꞌnamphsannaꞌtatsto. Yakmapaꞌ amach chetatstano koyaneshaꞌ ñeñth ama poethaporeyaye amaꞌt eꞌñe parrocha. Koyaneshaꞌpaꞌxhoꞌña amach agapatstanoña ñamha ñeñth ama poerrollareyaye amaꞌt eꞌñe parrocha. Tharroꞌmar Yomporpaꞌ xhokmach tsaꞌtaterrana ñeñth cheteneꞌ ñeñth ama poethaporeyaye amaꞌt ñamha ñeñth agëneꞌ ñeñth ama poerrollareyaye.