San Mateo 19:16 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho16 Allempoñapaꞌ wapa poesheñarr yakma Jesúsesho, ñeñthpaꞌ ora wepoeshameñ. Ñañapaꞌ ateth otos: —Maestro, phapaꞌ atarr kowen acheñreph, theꞌpaꞌ oꞌch photapoen ¿errothenaꞌtchaꞌña nephaña na eꞌñe kowen atthochña napaꞌ korretsanach eꞌñe thayotheñ amaꞌt errponañowen? Faic an caibideil |
San Mateo 19:16
32 Iomraidhean Croise
Jesúspaꞌ alla oterraneterr: —Allowen erraꞌtsenchaꞌ acheñer ñeñthchaꞌ eꞌñe sewanmoeꞌ allowen amaꞌt paꞌpakllowen, amaꞌt paꞌmoꞌnasheñneshaꞌ ñatoꞌ poꞌxhaneshaꞌ ñatoꞌ pompor, pachor ñatoꞌ poꞌpatseñ, atthochña na eꞌñech kowen sherberrnet, amaꞌt erraꞌtsenchaꞌ ñeñthchaꞌ sewanmoeꞌ allowen, elloña ñetpaꞌ oꞌch alla agërret shonteꞌ esokmañen ñeñth atarr kowen. Amaꞌt allponapaꞌtets sewanomyesnomoet, elloña xharrochchaꞌ xharraꞌ alla agapyerret. Elloña tsapathonethpaꞌ oꞌch agërret ñeñth alloch ñetpaꞌ korretsetach beñekpoen poksheñeshokmañen.
Ñeñthoꞌmarña notenes: Ñeñth atarr morrentenaya attho koshena arr patsro, ama pokteyeꞌ entenano oꞌch es sowanom Yomporekop, ñeñthña pokrreña atarr morrentena, ñeñth ateth petsapaꞌ xhach aꞌchenkatena eꞌñe ñañeña. Tharraña ñeñth ama morrentenaye attho koshena arr patsro, eꞌñe pokteꞌ enteñ oꞌch es sowanom Yomporekop amaꞌt pokrreñowen, ñeñth ateth petsa ñetñapaꞌ korretsetach poksheñeshokmañen thayotheñ eꞌñe errponañowen.
Ñerraꞌm xhokma yokthapeꞌchen eꞌñe kowen Yomporekop, ñamha ñerraꞌm xhokma yoktheññañ poꞌkowenña, ñamha ñerraꞌm añ yeꞌnen atthoch ñapaꞌ eꞌñech kowen entwerrey, ñamha atthoch apwerreychaꞌ ñeñth alloch yokrrerra errponowañen, allempoña poꞌñoxhpaꞌ apwerreychaꞌ atthoch yapaꞌ korretsayach yoksheñeshokmañen thayothen eꞌñe errponañowen.
Atthoña eꞌñe yephatseꞌtyeñoth ñeñth ama kowenayayepaꞌ awoꞌt anarethta rromoeñets ñeñthchaꞌ yoꞌpatenaya ñeñthñapaꞌ koñcheñets. Tharraña elloña Jesucristo ñeñth Yepartseshar yepen awoꞌt orrtatonay attho Yomporpaꞌ nanak moererrya atthoña aꞌpoktatwerrnay yoꞌchñar. Atthochña yapaꞌ korretsayach yoksheñeshokmañen thayotheñ errponowañen.
Ñeñthoꞌmar Yomporpaꞌ atthothña peretnerren na, amaꞌt napaꞌ nanak ochñathen, allochñapaꞌ atthoch eñochet amaꞌt erraꞌtsentheꞌ acheñer ñeñth nanak ochñathpaꞌ atthera nanak morrenteña Jesucristo. Allochñapaꞌ ñerraꞌm eseshaꞌña ameꞌñerrayapaꞌ ñetñapaꞌ korretsetach poksheñeshokmañen thayotheñ eꞌñe errponañowen.
Ñeñthña Jesucristo allempo acheñetos arr patsro yañapaꞌ eꞌñe yeñcheꞌth. Ñeñthoꞌmarña theꞌ yapaꞌxhoꞌña xhokma yeñotatenes samha. Ñeñthoꞌmarña yeserrpareꞌtatenes ñeñthña Cristopaꞌ ñeñth alloch yokrrena amaꞌt thayotheñ eꞌñe errponañowen. Ña awathpaꞌ eꞌñe parroꞌtsen epoet Pompor Parets. Theꞌña attho orrtosnaya arr patsro yapaꞌ eꞌñe yeñcheꞌth eꞌñe yeꞌmeꞌth ateth serrpareꞌtatyesyeꞌth. Ñeñthoꞌmarña theꞌ ya ñeñth ateth yentyeseꞌth, ñeñth ateth yeꞌmyesoñeꞌth, theꞌñapaꞌ oꞌch yeserrpareꞌtatas samha.
Yañapaꞌ yeñoteñ ñeñth Poechemer pen Yomporpaꞌ ñañapaꞌ oꞌ wapa. Ñaña yexhapaterreꞌña yeyoxhro atthochña yapaꞌ oꞌch yeñoter Yompor ñeñth eꞌñe poꞌñoxh Parets. Ñeñthoꞌmarña yeñoteñ oꞌ yeparrokmaterr epay ñeñth eꞌñe poꞌñoxh Yompor Poechemer ñeñthpaꞌ Jesucristo. Atthoña yapaꞌ oꞌ eꞌñe yeñoter Yompor ñeñth eꞌñe poꞌñoxh Parets, ñeñthña yapaꞌ allochña eꞌñe korretsayach yoksheñeshokmañen thayotheñ eꞌñe errponañowen.
Sanasan