San Mateo 19:10 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁰ Poeyochreshaꞌñapaꞌ ateth ochet: —Ñerraꞌm amatheꞌ asapawo yethapor amaꞌt awathapaꞌ amatheꞌ tama pokteyayeña yokop oꞌch yeyore koyaneshaꞌ ñeñthchaꞌ yethapor yephaꞌ.

San Mateo 19:10 Iomraidhean Croise

San Mateo 19:11

Ñañapaꞌ ateth otanet: —Tharraña atethpaꞌxhoꞌña eꞌñekaꞌye pokteñ tharraña ama allowenakmayeꞌ xhennasoña seyoxhro ateth tharroꞌmar ama allowenakmayeꞌ seyxhenoña ateth. Ñeñthpaꞌ aña eñoteneꞌ ñeñth ateth kothapeꞌchaten Yompor.

San Mateo 19:9

Na theꞌpaꞌ oꞌch notas: Ñerraꞌm eseshaꞌ serreꞌ poethapor, poethaporñapaꞌ ñerraꞌm ama xho agënano poꞌpsheñeñ yakma, ñeñth eꞌñe attha serreꞌ poethapor, ñañapaꞌ xhach ochñaꞌtamperrana poethaporesheꞌmañ ñerraꞌm oꞌch alla yorerranerr poꞌpoñ koyaneshaꞌ. Ñeñthpaꞌ ama pokteyeꞌ enteñe Yompor. Ñamha ñeñthchaꞌ yorerreꞌ koyaneshaꞌ asareth, ñeñthña yakmarpaꞌ xhach chetapreten thaporets. Ñeñthpaꞌxhoꞌña ama pokteyeꞌ enteñe Yompor.

1 Corintios 7:8

Ñamha oꞌch notas, ñeñthes ama athaporethesopaꞌ eꞌñe pokteñ amatheꞌ sesnaꞌtatsto. Ñamha ñeñthes rrethorrnaneshaspaꞌ eꞌñe pokteñ ñamha amatheꞌ sesomeꞌterro. Eꞌñe pokteñ oꞌtheꞌ sokrrañ eꞌñe attha ateth nepena na.

1 Timoteo 4:3

Ñamha ñeñthara añ acheñpaꞌ oꞌch otyenan acheñeneshaꞌ, ama pokteyaye oꞌch sesnaꞌta. Ñamha ama pokteyaye oꞌch es serratseꞌtyes. Tharraña allowen ñeñth yerrenpaꞌ eꞌñe pokteꞌ oꞌch yerreñ, ñeñthoꞌmar yexhkach Yompor ñeñthchaꞌ yerren. Tharroꞌmar ñeñthey oꞌ yeñoterr ñeñth eꞌñe poꞌñoxh Yompor poꞌñoñ, ñamha ñeñthey ameꞌñetsapaꞌ eꞌñe pokteꞌ oꞌch yerren eꞌñe yemaꞌyocheñoth Yompor.