San Mateo 18:6 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁶ ‘Amaꞌt erraꞌtsena ñeñth ama pommoꞌcheñotheyeꞌ ameꞌñenno ateth ñerraꞌm cheshatholl ñeñth ama eñotenanaꞌ oꞌch ommoꞌchena, tharraña ñerraꞌm eseshaꞌña poꞌpsheñeñ oꞌch ateth phatach ñeñth ama pokteyeꞌ enteno Yompor, ñeñthña acheñerpaꞌ atarrchaꞌ yoroxhenoꞌtsen tharroꞌmar ñapaꞌ aña oꞌpatenaya koñcheñets ñeñth atarr womenk. Amaꞌt ñokoppaꞌ ama tama yoroxhenayayñe ñerraꞌm ama ateth phatenanaꞌ poꞌpsheñeñ, eꞌñech allorokma oꞌch xharachetañ mapoeꞌ añekmoen paꞌxhnopho allpon ñerraꞌm poetseꞌtamets oꞌch waporeꞌchet oño epo allchaꞌ ñoꞌshach mapoeꞌ.

San Mateo 18:6 Iomraidhean Croise

San Mateo 17:27

Amaꞌt pokteñ amach netsaꞌtatsto tharroꞌmar napaꞌ ñeñthen Poechemeren ñeñth paꞌpakëll peneꞌ ñeñthekop tsaꞌtenet, tharraña atthoch ama yaꞌtsrreꞌmatanetopaꞌ eꞌñekaꞌye pokteꞌ oꞌch netsaꞌta. Oꞌch aweph oño oꞌch pegoꞌtenaꞌ all. Erraꞌtsenchaꞌ ñanom pechtaꞌ pegoroth ñeñthñapaꞌ oꞌch pexhete. Poenamopaꞌ allchaꞌkaꞌye pent poetallarr kelle. Ñeñthña kellepaꞌ oꞌch phaner ñeñthñapaꞌ alloch petsaꞌtanet nokop amaꞌt ñamha phokop.

San Mateo 18:10

Jesúspaꞌ alla oterranerr poeyochreshaꞌ: —Eꞌñech señota, añepaꞌchña atarr asherben senten ñeñth ama ommoꞌchetso ñeñth ateth petsa ñerraꞌm cheshatholl ñeñthñapaꞌ eꞌñech poeñmañeshaꞌ yemtenna. Tharroꞌmarña theꞌpaꞌ oꞌch notas, ñeñth ama pommoꞌcheñotheyeꞌ nameꞌñenayo ñokpoetpaꞌ eñalletkaꞌyeña poꞌmhllañotheñer ñeñthchaꞌ kowampenawet. Ñeñthña poꞌmhllañotheñretpaꞌ xhokma Yomporeshoꞌtsenet allña eꞌñe kowen eꞌmhñotenanetña Yompor poeꞌntaño.

San Mateo 18:14

Atethkaꞌye penaña ñamha Sompor ñeñth poeꞌntañoꞌtsen; ñapaꞌxhoꞌña amakaꞌ moeno oꞌch chenka amaꞌt poesheñarrotholla acheñ.

San Mateo 18:5

Erraꞌtsenothes sa ñerraꞌm eꞌñe sameꞌñeñothen na eꞌñe kowen sagëñ amaꞌt ñeñth ama asherbenayeꞌ entyeneto ateth ñerraꞌm añ cheshatholl, naꞌnaña eꞌñe kowen sagën.

San Marcos 9:42

‘Amaꞌt erraꞌtsena ñeñth ama pommoꞌcheñotheyeꞌ ameꞌñenno ateth ñerraꞌm cheshatholl ñeñth ama eñotenanaꞌ oꞌch ommoꞌchena, tharraña ñerraꞌm eseshaꞌña poꞌpsheñeñ oꞌch ateth phatach ñeñth ama pokteyeꞌ enteno Yompor, ñeñthña acheñerpaꞌ atarrchaꞌ yoroxhenoꞌtsen tharroꞌmar ñapaꞌ aña oꞌpatenaya koñcheñets ñeñth atarr womenk. Amaꞌt ñokoppaꞌ ama tama yoroxhenayayñe ñerraꞌm ama ateth phatenanaꞌ poꞌpsheñeñ, eꞌñech allorokma xharachetañ mapoeꞌ añekmoen paꞌxhnopho allpon ñerraꞌm poetseꞌtamets oꞌch waporeꞌchet oño epo allchaꞌ ñoꞌshach mapoeꞌ.

Los Hechos 9:5

Sauloñapaꞌ ateth ot: —¿Eseshapeꞌt, Ayochreshathe, eñets? Ñeñth eñetspaꞌ alla otererr: —Napaꞌ ñeñthen Jesúsen, ñeñthara ñeñthen pemoeroxhtaten. Añpaꞌ phañeña moeroxhtatetsa. Tharroꞌmar xha phottena ñerraꞌmrratheꞌ ashen ñeñth eꞌñe pathpareꞌteñoth ñañeñachña atserrphatetsa.

Romanos 14:21

Ñeñthoꞌmarña notenes, amaꞌt erraꞌtsena ñeñth ateth yepeñoth poꞌpsheñeñpaꞌ oꞌch alla yaꞌpoerratater, ñeñthepñapaꞌ amach ateth yephatsto, allochñapaꞌ amach poerrerro amaꞌt poesheñarra ñeñth ameꞌñenaya Cristo. Ateth ñerraꞌm allempo yerren berr poꞌchets ñamha allempo yorren koꞌnes, ñerraꞌm ateth yepeñoth oꞌch alla yaꞌpoerratater yemoꞌnasheñ, ñeñthepñapaꞌ añ poktetsa amach yerratsto berr poꞌchets, amach yorratsto ñamha koꞌnes, tharroꞌmar allempopaꞌ ama kowenayeꞌ enteñe Yompor.