San Mateo 18:1 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹ Allempoña Jesúspaꞌ aꞌphthoꞌteñaꞌ poeyochreshaꞌ, ñeñthpaꞌ ateth ochet: —Ñeñthey allponey ñeñthchaꞌ eꞌñe poeyochreshaꞌ perr Yompor ñeñth poeꞌntañoꞌtsen, yapaꞌ añ yemnen theꞌpaꞌ oꞌch photey, ¿erraꞌtsenotheytheꞌñakaꞌyeña ñeñthey atarr sherbets ñeñthey atarr amhchaꞌtarethoyen entyenyet?

San Mateo 18:1 Iomraidhean Croise

San Mateo 18:2

Jesúsñapaꞌ cheshatholla xhoreꞌtpaꞌ thomach eꞌñe alloꞌtsaꞌyenet.

San Mateo 23:11

Tharroꞌmar ñeñth poꞌñoxh kowen amhchaꞌtarethtetsa sesho ñeñthpaꞌ ñeñthkaꞌyeña atarr thorretsaña poꞌpotantañekop atthoch orrtatanet ñeñth atarr sherbets ñokpoet.

San Mateo 3:2

Allñapaꞌ ateth otosanet: —Theꞌpaꞌ oꞌch sokthapeꞌcherr ello kowen Yomporekop tharroꞌmar oꞌ xhapmoch allempoch ayochreshathterra Yompor ñeñth poeꞌntañoꞌtsen.

San Mateo 7:21

Jesúsñapaꞌ ateth oterraneterr: —Ñeñth notyenayeñ: “Phapaꞌ poꞌñoxh naꞌyochreshather nepeneph”, tharraña amach allowenakmayeꞌ xhapoeto all amhchaꞌtarethtena Nompor Parets ñeñth poeꞌntañoꞌtsen. Añach xhapyerrets all ñeñth eꞌñe poꞌñoxh ateth peneꞌ ñeñth ateth moenen Nompor ñeñth poeꞌntañoꞌtsen.

Romanos 12:10

Ñamha añ poktetsa amorrentannaꞌtpoꞌch yentannena alloweney ateth ñerraꞌm poꞌñoxh eꞌñe yemoꞌnasheñ yephannena. Oꞌch ateth yeñch poꞌpsheñeñ ñapaꞌ atarr sherben, amachña yañeña nanak asherben entetso.

Filipenses 2:3

Ñamha amach aña atarr sellkatsto ñeñth eꞌñe sokpa. Añchaꞌña poesheñaꞌttsospaꞌ sellkapreta ñeñth llekatyeneꞌ samoꞌts. Ñamha amach sañeña entatstatso ateth ñerraꞌmrratheꞌ ñeñthes nanak sherbets. Añchaꞌña ateth sent samoꞌts ateth ñerraꞌmrratheꞌ ñetña nanak sherbetset, phañapaꞌ amach es asherbenayeꞌ penteno.