San Mateo 17:12 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹² Tharraña napaꞌ oꞌch notas: Elíaspaꞌ oꞌkaꞌye wapwerrañ arr tharraña amakaꞌye eseshayeꞌ chemeꞌtapoerraye ñeñthapaꞌ xhaña errotwanen phapoeret ñeñth ateth moenaꞌyenet ñet. Eꞌñech atthekma perrnet namha Ñeñthen Acheñetosets.

San Mateo 17:12 Iomraidhean Croise

San Mateo 11:2

Añña Juanpaꞌ alloꞌtsena all yottampeñet. Allñapaꞌ oꞌ eꞌmareꞌtan Cristo ateth phaꞌyena, allentha moeñan poeyochreshaꞌ Jesúsesho.

San Mateo 16:21

Jesúsña eꞌñe allempotheñpaꞌ mothetnomh eñotatyesnomoeꞌ poeyochreshaꞌ ñeñth ateth anareth ñokop, ñapaꞌ moeroxhtateretchaꞌ; oꞌch awoꞌ Jerusaléño allñapaꞌ allchaꞌ moeroxhtateret. Añchaꞌ errotwanen perreꞌ ñeñth pomporneshaꞌ pen allowen judioneshaꞌ ñamha ñeñth paꞌmhchaꞌtaretherneshaꞌ pen allowen poꞌkornaneshar ñamha ñeñth atarr etsotayenayeñ ñoñets ñeñth ateth anareth judioneshakop. Allñapaꞌ allchaꞌ moetsatateret tharraña poemaꞌpamtañoña Pomporpaꞌ oꞌch alla tantater.

San Mateo 17:11

Ñañapaꞌ ateth otnerraneterr: —Elías poꞌñoxhpaꞌ ñachkaꞌyeña werrtsa, ñapaꞌ eꞌñechkaꞌye aꞌkowentatwer ora allowen.

San Mateo 17:13

Allempoñapaꞌ oꞌ xhapanet poeyoxhreto ñeñth otenanetpaꞌ añepaꞌtkaꞌye Juanañ ñeñth apatayeꞌth acheñeneshaꞌ Yomporekop ñeñthepaꞌtkaꞌyeña Elíasoterrets.

San Mateo 17:22

Allempo chopeñeꞌchyenet parro all Galileoꞌmar, Jesúsña allpaꞌ eñotatan poeyochreshaꞌ, ñeñthpaꞌ ateth otnomanet: —Na Ñeñthen Acheñetosetspaꞌ pomoerrnetchaꞌ atthochña errotwanenchaꞌ perrnet.

San Mateo 17:9

Allempo onaxherret aspenthoth Jesúsñapaꞌ ateth otnerranet: —Theꞌpaꞌ amach eseshaꞌ sotaphsaꞌtatsto amaꞌt eꞌñe poesheñarra ñeñth ateth oꞌ sentwa. Tharrempowach allempoch netanterra rromoth na Ñeñthen Acheñetosets, allempochña seserrpareꞌtaterña allowen acheñeneshaꞌ.

San Mateo 8:20

Jesúsñapaꞌ ateth och: —Theꞌpaꞌ napaꞌ peñotenchaꞌ amaꞌt nepakllapaꞌ ama necheñe allchaꞌ neyxhenañ. Roꞌkëphpaꞌ xhokma eñall paꞌpon allekma yexhena. Othexhnopaꞌxhoꞌña xhokma eñall paꞌmaꞌ allekma yexhaꞌyenet. Tharraña naña Ñeñthen Acheñetosetspaꞌ ama eñalle ñeñth eꞌñe nepakëll nepen allchaꞌ nephanena.

San Juan 1:11

Amaꞌt arr xhapañ eꞌñe ña pamoꞌtseshesho, pamoꞌtseshaꞌñapaꞌ arepaꞌtchaꞌ kowenayeꞌ agapapeto.

Los Hechos 2:23

Añña ñeñthara Jesús sañapaꞌ oꞌ sepomwer atthoch korsoꞌtamphset. Sañapaꞌ oꞌ saph poꞌpoñ acheñeneshaꞌ ñeñth athpareꞌteneꞌ Yompor atthoch ñetpaꞌ oꞌch moetset. Ateth oꞌ sephowa, Yomporpaꞌ awathotheñ eñotwaseꞌth atethchaꞌ sepha, tharroꞌmar ateth moeneꞌth ña.

Los Hechos 4:10

ñewa, theꞌpaꞌ oꞌch seꞌmhñoten atthoch neñotatas sa amaꞌt ñamha allowen israelneshaꞌ. Eꞌñe añ Jesucristo ñeñth nazaretoꞌmarneshaꞌ, ñeñthña ña poꞌwamenkoth theꞌpaꞌ arr then eꞌñe womech, ñeñth awaña xha echarrtena. Añ ñeñthara Jesús sañapaꞌ xhaña sekorsoꞌtampes atthoch rroma. Tharraña Pomporpaꞌ oꞌ tantater amaꞌt rroma.

Los Hechos 7:52

Amaꞌt allowen ñeñth aꞌmhtayeꞌth Yompor poꞌñoñ awath satañneshaññapaꞌ xha moeroxhtatyesaneteꞌth. Amaꞌt awath allempo ama orrtenaꞌ Jesúspaꞌ ñeñth aꞌpothayeꞌth attho esempowañen oꞌch wapa Cristo ñeñth eꞌñe pokteꞌ es pets, ñeñthpaꞌxhoꞌña satañneshañpaꞌ xha moetse. Theꞌpaꞌxhoꞌña añ Cristo ñeñth eꞌñe pokteꞌ es petspaꞌ awoꞌ sepomh samha atthoch semtsach.