San Mateo 16:16 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁶ Simón Pedroñapaꞌ eñoratsapaꞌ ateth och: —Phapaꞌ ñeñthephkaꞌye atarr yekwen amaꞌt awathotheñ; ñeñthephkaꞌye Parets Poechemereph ñeñtheph Cristotosets. Ñeñthña Parets ama arromñatheshayaye.

San Mateo 16:16 Iomraidhean Croise

San Mateo 1:16

Jacobñapaꞌ chemereꞌtana José ñeñthepaꞌtchaꞌ poerrollar phaꞌ María. Maríañapaꞌ cheyoreꞌtana Jesús, ñeñthara ñeñth Cristotats.

San Mateo 14:33

Ñeñthña noñthoꞌtsaꞌyenpaꞌ allenthepaꞌtchaꞌ konkorpanrrortanaꞌtapetpaꞌ ateth otyeset: —Poꞌñoxhepaꞌt phapaꞌ eꞌñe Parets Poechemereph.

San Mateo 16:15

Allempoñapaꞌ alla aꞌphthoꞌterraneterr: —Sañapaꞌ ¿errothenaꞌtña sotenenña sa?

San Mateo 26:63

Jesúsñapaꞌ ama eñoreno. Allempoña korneshaꞌpaꞌ alla otererr: —Theꞌpaꞌ oꞌch notaph oꞌch photey eꞌñe Yompor paꞌsoꞌchño ñeñth ama arromñatheshayaye, phapaꞌ ¿phaꞌtña ñeñtheph Parets Poechemereph, ñeñthephtheꞌ Cristotosets?

San Mateo 27:54

Eꞌñe allempo rroma Jesús, solltarneshaꞌña epoet poꞌkaphtaner ñeñth allpon kowampeneꞌ Jesús, ñetñapaꞌ eꞌñe enteñet ñeñth ateth phaꞌyesa allempo, attho pella pats. Ñeñthoꞌmarña ñetpaꞌ atarr yorenet. Allempoñapaꞌ ateth otet: —Poꞌñoxhwakaꞌye añmapaꞌ Partsepaꞌtkaꞌye Poechemer.

San Mateo 4:3

Allempoñapaꞌ wapoña oneñeth. Attho topatosan Jesúspaꞌ ateth otos: —Pha ñerraꞌm poꞌñoxhtheꞌ Parets Poechemerephpaꞌ oꞌch phot: Añ mapoeꞌ poenasepaꞌ pan.

San Marcos 14:61

Jesúsñapaꞌ ama eñoreno, ama anapoenaneto. Allempoña korneshaꞌpaꞌ alla otererr: —Theꞌpaꞌ oꞌch notaph, nemneñ oꞌch photen phapaꞌ ¿phaꞌtña ñeñthephtheꞌ Cristotosets? ¿Ñeñthephtheꞌ Parets Poechemereph, ñeñth Parets xhokma yaꞌyeꞌchoxhtateññañ?

San Lucas 2:11

Theꞌpaꞌ sokop oꞌ eñalleta ñeñthchaꞌ Saꞌkeshphatañer seperr ñeñthpaꞌ ñeñthchaꞌ Cristotats ñeñth Yepartseshar yepen. Ñeñthña cheshathollpaꞌ arr eñalleta David paꞌnetsro allara Beléño.

San Juan 1:49

Natanaelñapaꞌ ateth otererr: —Maestrochaꞌ pepaꞌtña Yompor Poechemereph. Pepaꞌtña Amhchaꞌtareth ñeñth atarr kowen allowen israelneshaꞌ.

San Juan 11:27

Martañapaꞌ ateth otererr: —Partseshachaꞌ, napaꞌ neñoteneph eꞌñe poꞌñoxh phapaꞌ ñeñtheph Cristotosets, phapaꞌ Yepapar Poechemereph, pha atarr yekwen awathotheñ oꞌch pewapa arr patsro.

San Juan 20:31

Allpon ñeñth akellkarethtatsa arr libro ñeñthpaꞌ añekop anareth ñeñthchaꞌ sameꞌñateꞌ poꞌñoxh Jesúspaꞌ ñeñth Cristotets, ña poꞌñoxh Yompor Poechemer. Tharroꞌmar eꞌñe sameꞌñeñotha Cristo sañapaꞌ korretsasach thayotheñ eꞌñe errponañowen.

San Juan 6:57

Apa ñeñth nellsenseneꞌ ñapaꞌ ama arromñatheshayaye, ñakaꞌyeña napoeneꞌña attho napaꞌxhoꞌña korretsanach. Ateth nepena namha, allowen ñeñth pokrramh nepeneꞌ napaꞌxhoꞌña añ napoenanet atthoch ñetpaꞌxhoꞌña korretsetach ñamet.

San Juan 6:68

Simón Pedroñapaꞌ ateth och: —Partseshachaꞌ, eseshaꞌwatheꞌñakaꞌye yokthaꞌ. Phapthakaꞌye pechenña ñoñets atthochña yapaꞌ korretsayach thayotheñ errponañowen.

San Juan 6:69

Yapaꞌ oꞌkaꞌye yameꞌñapha. Yapaꞌ yeñoteneph phapaꞌ pepaꞌtkaꞌye Cristotets, ñeñtheph Yompor Poechemereph.

Los Hechos 14:15

ateth otet: —Esoꞌmartheꞌkaꞌye, masheñneshachaꞌ, ateth sepena. Yapaꞌxhoꞌ arromñatheya atthey ñerraꞌm sa. Ñeñthoꞌmarña oꞌ yeserrpareꞌtatas kowen ñoñets atthothchaꞌ sekexhpoerr ñeñth ateth sepena ñeñth eꞌñe orrena. Theꞌpaꞌ añña poktetsa oꞌch sameꞌñera Yompor ñeñth ama arromñatheshayaye, ñeñthara Yompor ñeñth yexhkateꞌ enet ñamha pats ñamha ñeñth añekmoen saꞌp. Ñamha ora allowen ñeñth yentyen ento ñamha ñeñth yentyen patsopaꞌ ña yexhkatweꞌ ñamha ñeñth saꞌpoꞌtsen ña yexhkatweꞌ.

Los Hechos 8:36

Allña alleneth matampenetpaꞌ oꞌ entoset oñ, ateth ot etiopoꞌmarneshaꞌ: —Taꞌm, ¿pokteꞌtheꞌ theꞌ oꞌch napatarethta Partsokop?

Los Hechos 8:37

Felipeñapaꞌ ateth och: —Ñewa, ñerraꞌm poꞌñoxh phameꞌñena peyoxhrokmañenpaꞌ eꞌñe pokteꞌ oꞌch phapatarethta Partsokop. Etiopoꞌmarneshaꞌñapaꞌ ateth ot: —Napaꞌ poꞌñoxh nameꞌñena. Theꞌpaꞌ neñoteñ Jesucristo ñeñthpaꞌ ñeñth Yompor Poechemer.

Los Hechos 9:20

Ñamha Saulopaꞌ xhokma sen judioneshaꞌ poꞌprawo allchaꞌ serrpareꞌtatenanet ateth pena Jesús. Otanet añ Jesúspaꞌ poꞌñoxh ñeñthpaꞌ ñeñthña Parets Poechemer.

Romanos 1:4

Tharraña Parets Poekamkëñothpaꞌ nanak awamenkathtacheꞌth añekop ñeñth kowenetyetsa Partsokop. Ñamha chemerrña allempo Pomporpaꞌ awoꞌt tantater poꞌrromñothpaꞌ allempoña eꞌñe eñotwarethta ñapaꞌ poꞌñoxh Yompor Poechemer ñeñthara Jesucristo ñeñth Yepartseshar yepen.

2 Corintios 1:19

Ñamha Yompor Poechemer ñeñthara Cristo Jesús ñerraꞌm es oteney ñeñthchaꞌ ateth phonaypaꞌ atethchaꞌxhoꞌ pennay, xhokmach orrtateñ eꞌñe poꞌñoxh, tharroꞌmar ñapaꞌxhoꞌña ama poenesho poꞌñoñ. Ñeñthara Jesucristo ñeñth xhokma yeserrpareꞌtatenes epan masheñ Silvano ñamha masheñ Timoteo.

2 Corintios 3:3

Ñamha sa attho theꞌpaꞌ sorrtaten ñeñth eꞌñe kowentetsa, acheñeneshaꞌñapaꞌ oꞌch eñotapretaset ñeñthpaꞌ poꞌñoxh Cristo poꞌtarwas peneꞌ. Ñatoꞌ oꞌch netmaꞌntacha ateth: Sapaꞌ ateth sesherben ñerraꞌmrratheꞌ yecarta ñeñthchaꞌ eñotatenawet, ñeñth cartapaꞌ oꞌ kellkaꞌwonay Cristo eꞌñe ña. Añ cartapaꞌ awoꞌt akellkaꞌwarethta awañmoꞌchotheñ allempo yapaꞌ yexhapatonas Yompor poꞌñoñ ñeñth sameꞌñatateꞌ Yompor. Tharraña añ cartapaꞌ ama añoyeꞌ akellkarethto tinto, añña Yompor Poekamkëñoth anarethta, ñeñthara Yompor ñeñth ama arromñatheshayaye. Tharraña añ cartapaꞌ ama arreyeꞌ akellkarethe mapyettallo. Añpaꞌ arrña akellkareth eꞌñe ya yeyoxhro amaꞌt ñeñthey arromñathey.

2 Corintios 6:16

Ñamha ñeñth paꞌpakëll pen Yomporpaꞌ ama attheyaye ñerraꞌmrratheꞌ ñeñth ayexhkatareth ñeñth poꞌyomporer phaꞌyen poꞌpotantañ acheñeneshaꞌ arr patsro. Tharroꞌmar amaꞌt yapaꞌ alloweney ñeñthey ameꞌñenaya, yañapaꞌ paꞌpakëll peney Yompor ñeñth ama arromñatheshayaye. Añpaꞌ ñeñth ateth oten Yompor: Napaꞌ xhokmach neyxhena eꞌñe ñesheto parro allchaꞌ nechopeñeꞌchen. Napaꞌ Poꞌyomporer pennet, ñetpaꞌxhoꞌña eꞌñe neyochreneshaꞌ nepenanet.

1 Tesalonicenses 1:9

Ñetñapaꞌ serrpareꞌtyenyet attho sapaꞌ eꞌñe kowen sagapapoey. Ñamha serrpareꞌtatannaꞌtyenet attho sapaꞌ oꞌ sokthapeꞌcherr ello kowen Yomporekop oꞌ sekexhpaꞌwerr ñeñth semchatseꞌtyeseꞌth ayexhkatareth. Theꞌña ñeñthpaꞌ oꞌ sekexhpaꞌwer eꞌñe poktakma atthothña allempotheñ eꞌñe kowen sesherber Yompor ñeñth ama arromñatheshayaye ñeñth eꞌñe poꞌñoxh Yompor.

1 Timoteo 3:15

Tharraña ñerraꞌm ama newapopaꞌ amach sepallteno sapaꞌ oꞌch señoch ñeñthchaꞌ ateth sepha, tharroꞌmar oꞌ notwaph añ necartoth ñeñthchaꞌ ateth sepha ñeñthes parro sameꞌñeña Yompor, ñerraꞌm esempo sapxhena Yomporekop, ñeñthara Yompor ñeñth ama arromñatheshayaye. Ñamha ñeñthara Yompor ñeñth eꞌñe yameꞌñeñoth alloweneypaꞌ xhochña yorrtatyen ñeñth eꞌñe poꞌñoxh Yompor poꞌñoñ amachña xha yaꞌnasoteño.

1 Timoteo 4:10

Ñeñthoꞌmarña theꞌpaꞌ amaꞌt eꞌñe yemoeroxhteñothpaꞌ xhokma yethorrena Yomporekop, tharroꞌmar ñapaꞌ ñach yeyemterra eꞌñe poktakma, ñeñth Yompor ñeñth ama arromñatheshayaye, ñamha ñeñthara Yompor ñeñth Yaꞌkeshphatañer yepen alloweney añekop ñeñthey ameꞌñenaya.

Hebreos 10:31

Ñeñthoꞌmarña yeñoteñ atarr yoroxhenoꞌtsen amaꞌt allowen ñeñth aña oꞌpatenaya ñeñth poꞌyoroxhenña pen Yompor ñeñth ama arromñatheshayaye.

Hebreos 12:22

Tharraña sapaꞌ ama sentare aspeneth all amhchaꞌnoxhtena Parets. Sapaꞌ aña senterr ñeñth Siónapen ñeñth tomaꞌntenaya all yexhena Yompor ñeñth ama arromñatheshayaye. Ñamha aña senterr Jerusaléñ ñeñth tomaꞌntenaya Yompor paꞌnetser ñeñth poeꞌntañoꞌtsen. Allñapaꞌ shonteꞌ koshameꞌtampeña mellañotheñneshaꞌ shonteꞌ nanak. Ñeñth allpon alloꞌtsaꞌyenpaꞌ ama eꞌñotwapawoyaye.

Hebreos 3:12

Ñeñthoꞌmarña, masheñneshachaꞌ ñamha noxhaneshachaꞌ, theꞌpaꞌ oꞌch notas samha, eꞌñech señota seyoxhro ateth sokthapeꞌchyen eꞌñe poesheñaꞌttsos, ñatoꞌpaꞌ amatheꞌ kowenayeꞌ sokthapeꞌcheno, ñatoꞌpaꞌ amatheꞌ poꞌñoxhayeꞌ sameꞌñeñoña Yompor. Ñerraꞌm poꞌñoxh ateth sepenapaꞌ ñeñthpaꞌ ñeñthach sekexhpaterreꞌ Yompor amaꞌt ñeñth Yomporer ñeñth ama arromñatheshayaye.

Hebreos 9:14

Tharraña ñeñthpaꞌ eꞌñe poꞌchtsochaya aꞌpoktatarethtenet Partsokop. Tharraña allempo ashatarethta Cristo poꞌrras, ñeñthpaꞌ elloneth añekopña nanak sherbhos atthoch aꞌpoktaterrnay amaꞌt ñeñth ateth yokthapeꞌchyen yeyoxhro. Ñeñthoꞌmarña allempotheñpaꞌ amach alla yeyemterrerro ñeñth ateth yeyexhkatyen arr patsro ñeñth ama aꞌkeshphatañeyaye. Añchaꞌña eꞌñe kowen yesherben Yompor ñeñth ama arromñatheshayaye. Cristopaꞌ ñeñthoꞌmarña ello atarr sherbeney attho pomoerra ñañeña oꞌch rroma yokop amaꞌt ñapaꞌ ama eñalle poꞌchñar amaꞌt eꞌñe mamesha. Ñeñthpaꞌ eꞌñe Yompor Poekamkëñoth ateth phosa; ñeñthña Kamoekñetserpaꞌ ama awañaño.

1 San Juan 4:15

Ñeñth ameꞌñenaya Jesús ñapaꞌ poꞌñoxh eꞌñe Yomporo Poechemer, ñetñapaꞌ eꞌñe parrokmatenet epoet Yompor.

1 San Juan 5:20

Yañapaꞌ yeñoteñ ñeñth Poechemer pen Yomporpaꞌ ñañapaꞌ oꞌ wapa. Ñaña yexhapaterreꞌña yeyoxhro atthochña yapaꞌ oꞌch yeñoter Yompor ñeñth eꞌñe poꞌñoxh Parets. Ñeñthoꞌmarña yeñoteñ oꞌ yeparrokmaterr epay ñeñth eꞌñe poꞌñoxh Yompor Poechemer ñeñthpaꞌ Jesucristo. Atthoña yapaꞌ oꞌ eꞌñe yeñoter Yompor ñeñth eꞌñe poꞌñoxh Parets, ñeñthña yapaꞌ allochña eꞌñe korretsayach yoksheñeshokmañen thayotheñ eꞌñe errponañowen.

1 San Juan 5:5

Allowen ñeñth ameꞌñenaya Jesús ñapaꞌ Yomporoꞌ Poechemer, ñetña eꞌñe ñapthet pomnaren penetña allowen ñeñth ama pokteyeꞌ entyeno Yompor arr patsro.

El Apocalipsis 7:2

Allempoña napaꞌ oꞌ alla nenterrerr poꞌpsheñeñ mellañotheñ, arr orrtena alloth wena atsneꞌ. Ñapaꞌ añ orren yapets ñeñth alloch yanatan allowen ñeñth poeyochreshaꞌ pen Yompor ñeñth ama arromñatheshayaye amaꞌt awatha. Ñañapaꞌ rrana womenkpaꞌ otan mellañotheñneshaꞌ ñeñth paꞌtatssheñoꞌmar ñeñth añekop awamenkathtenet atthoch ñetchaꞌ pomnaren pet pats ñamha oñexhno.