San Mateo 16:1 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹ Fariseoneshaꞌ ñamha saduceoneshaꞌ ñetpaꞌ oꞌ awanmoet oꞌch enteñetaꞌ Jesús. Xhaxhaꞌtet Jesúsesho ñetña poeshkënothetpaꞌ ateth otyesoset: —Yapaꞌ añ yemnen oꞌch pegatapoey pepartsoña entoth allochñapaꞌ atthoch yeñotoseph poꞌñoxh phapaꞌ Parets Poechemereph. Ñetpaꞌ xha moeneñet oꞌch topatoset Jesús.

San Mateo 16:1 Iomraidhean Croise

San Mateo 12:14

Fariseoneshaꞌña xhaꞌnmaxherretpaꞌ kothapeꞌchatannaꞌtyesnerret, atarr oꞌpateñet Jesús atthoch moetsatachet.

San Mateo 15:1

Allempoña fariseoneshaꞌ ñamha ñeñth atarr etsotayenayeñ ñoñets ñeñth ateth anareth judioneshakop ñetñapaꞌ arroth waxhaꞌtet Jerusaléñoth. Xhaxhaꞌtet Jesúseshopaꞌ ateth otyesoset:

San Mateo 16:6

Jesúsñapaꞌ ateth otapanet: —Eꞌñech señota ñatoꞌt semeñeꞌteñaꞌña fariseoneshaꞌ amaꞌt ñamha saduceoneshaꞌ poꞌchaser allo tsetenet pan.

San Mateo 19:3

Allñapaꞌ oꞌ alla waxherrñañerr ñamha fariseoneshaꞌ. Ñetpaꞌ añ moenenet eꞌñe poeshkëñothetpaꞌ oꞌch eñorachet ñeñth ama kowenayaye. Atthoña ñetpaꞌ ateth otoset: —Taꞌm ¿pokteꞌtheꞌ oꞌch yeser yethapor ñerraꞌm esempo errothenoth?

San Mateo 22:15

Allempoña fariseoneshaꞌpaꞌ awanerra. Ñetñapaꞌ xha atarr kothapeꞌchatannaꞌtenetaꞌ. Ñetpaꞌ aña atarr eꞌnenet atthoch eꞌñe poeshkëñothetpaꞌ amaꞌt parrochapaꞌ oꞌch eñorachet Jesús ñeñth ama pokteyaye. Allochñapaꞌ atthothchaꞌña otteñeꞌchet.

San Mateo 22:18

Jesúsñapaꞌ eñotapanet ñeñth ateth kothapeꞌchyenetañ ñokop, ñañapaꞌ ateth otanet: —Sapaꞌ atarr ashkarñathes, esoꞌmareꞌtña semneñña oꞌch seshkareꞌtenen.

San Mateo 22:23

Ñeñthe yethrokma waxhaꞌtoña ñamha patantarr ñeñth saduceoneshatets. Ñewa, ñeñth saduceoneshatets ñetñapaꞌ elloneth echenet pokthaphña ñeñthoꞌmarña ñetpaꞌ ateth otenet amatheꞌ errothenoth yetanterroña rromoth amaꞌt errponaña. Ñetñapaꞌ ateth otoset Jesús:

San Mateo 23:2

—Añña fariseoneshaꞌ epoet ñamha ñeñth atarr etsotayeneꞌ ñoñets ñeñth ateth anareth, ñetpaꞌ añekpa anarethtenet ñetchaꞌ señotateneꞌ ñoñets ñeñth ateth nonaseꞌth Moisés awath.

San Mateo 27:62

Met añ yether allempo xhokmach aññoꞌterreterr ñeñth tsapathekop allempokma amesen judioneshaꞌ. Tsapathñapaꞌ ñeñth paꞌmhchaꞌtaretherneshaꞌ pen judioneshaꞌ poꞌkornaneshar ñamha fariseoneshaꞌ ñetñapaꞌ eꞌñe alla shontenet parro all Pilatesho.

San Mateo 5:20

Napaꞌ oꞌch notas, poꞌñoxhkaꞌye sa ateth eꞌñe pokteꞌ es sorrtatyen, ellochña semhtanaꞌtwerepaꞌch ateth es kowen orrtatyeneñ fariseoneshaꞌ ñamha añ ñeñth atarr etsotayenayeñ ñoñets ñeñth ateth anareth. Ñerraꞌm amach semhtanaꞌtwerranetopaꞌ amach errothenoth soꞌpataprechoña Yompor poꞌkowenña attho ayochreshathtena ña poeꞌntañoth. Atthoña amaꞌt awathapaꞌ amach sexherro all amhchaꞌtarethtena poeꞌntaño.

San Mateo 9:11

Añña fariseoneshaꞌ ñeñth alloꞌtsaꞌyen ñetña allempo ateth eñchetpaꞌ allentha otoñet poeyochreshaꞌ: —Esoꞌmareꞌtña ñeñth semaestror sepenpaꞌ rrallmeꞌchapretenanña añ acheñeneshar ñeñth poeshkëñotheꞌna cobraꞌyeneꞌ acheñeneshaꞌ ñamha epoet acheñeneshaꞌ ñeñth atarr ochñatheneshaxhno.

San Marcos 10:2

Allñapaꞌ oꞌ alla waxherrñañerr ñamha fariseoneshaꞌ. Ñetñapaꞌ aña atarr eꞌnenet eꞌñe poeshkëñothet poꞌñoñothetpaꞌ oꞌch eñorachet ñeñth ama kowenayaye. Ñeñthoꞌmarña ñetpaꞌ ateth otoset: —Taꞌm ¿pokteꞌtheꞌ oꞌch yeser yethapor?

San Marcos 12:15

Jesúsñapaꞌ eñotapanet ñetpaꞌ xhakaꞌye shekareꞌteñet, ñañapaꞌ ateth otapanet: —Sapaꞌ esoꞌmareꞌtña semneñña oꞌch seshkareꞌtosen. Ñewa, amaꞌt ateth setpatennoñpaꞌ sorrtatkaꞌyeña poetallarr kelle oꞌch nekweꞌ.

San Marcos 12:18

Allempoñapaꞌ waxhaꞌtoña ñamha patantarr ñeñth saduceoneshatets. Ñewa, ñeñth saduceoneshatets ñetñapaꞌ elloneth echenet pokthaphña ñeñthoꞌmar ateth otenet amatheꞌ errothenoth yetanterroña rromoth amaꞌt errponaña. Ñetñapaꞌ ateth otoset Jesús:

San Lucas 10:25

Allempoña poesheñarr ñeñth atarr etsoteneꞌ ñoñets ñeñth ateth anareth judioneshakop, ñaña tantapaꞌ ateth otan Jesús atthoch eñoch errothentheꞌ yexhaten ña, ñeñthpaꞌ ateth och: —Maestrochaꞌ taꞌ, ¿errothenaꞌtchaꞌ nephaña na eꞌñe kowen atthoch napaꞌ korretsanach eꞌñe thayotheñ amaꞌt errponañowen?

San Lucas 11:16

Poꞌpotantañ acheñeneshaꞌ ñetñapaꞌ xha moeneñet oꞌch topachet Jesús. Ñetpaꞌ ateth ochet: —Yapaꞌ añ yemnen oꞌch pegatey pepartsoña entoth allochñapaꞌ atthoch yeñotaph poꞌñoxh phapaꞌ Parets Poechemereph.

San Lucas 20:23

Jesúsñapaꞌ eñotanet ñeñth ateth shekareꞌteñetañ, ñañapaꞌ ateth otanet:

San Lucas 20:27

Allempoñapaꞌ waxhaꞌtoña ñamha patantarr ñeñth saduceoneshatets. Ñewa, ñeñth saduceoneshatets ñetñapaꞌ elloneth echenet pokthaphña ñeñthoꞌmar ateth otenet amatheꞌ errothenoth yetanterroña rromoth amaꞌt errponaña.

San Juan 8:6

Ñeñthpaꞌ tharroꞌmara ateth otoset ñatoꞌrraña eñorachet ñeñth ama pokteyaye allochñapaꞌ atthoch aꞌmethampeñetaꞌ. Jesúsñapaꞌ allentha moꞌkapaꞌ oꞌ kellkan pats potapho.

Los Hechos 4:1

Allempoña serrpareꞌtatenanet Pedro epoet Juanpaꞌ machayotha waxhaꞌtoña aꞌmhchaꞌtarethneshaꞌ. Oꞌ wapa kornaneshaꞌ, wapa ñamha guardia paꞌmhchaꞌtarether ñeñth kowampeneꞌ Parets paꞌpakëll. Oꞌ wapoña ñamha saduceoneshaꞌ ñeñth otets eꞌñe ñet pokthaphñothpaꞌ amach errothenoth yetanterro.

Los Hechos 5:17

Allempoñapaꞌ ñeñth korneshaꞌ ñeñth nanak amhchaꞌtarethpaꞌ eꞌmoñeꞌtan allowen ñeñth ameꞌñetsa. Ñamha allowen ñeñth parro eꞌñe atthekmoet kothapeꞌchenet ñeñth otenet saduceoneshaꞌpaꞌ oꞌ eꞌmoñeꞌchet ñeñth ameꞌñetsa. Tharroꞌmar sopeꞌchapretenetñaꞌ, acheñeneshaꞌpaꞌ eꞌñe kowen enteñet ñeñth ameꞌñetsa.

1 Corintios 1:22

Ñerraꞌm esempo yeserrpareꞌtach judioneshaꞌ attho Cristo rroma yokop, ñetñapaꞌ amach asherbenayeꞌ entenetoña yokthaphña tharroꞌmar ñetpaꞌ añach moenet yorrtatanetepaꞌtoꞌ Cristo poꞌpartsoña. Ñamha ñerraꞌm esempo yeserrpareꞌtateñ ñeñth ama judioneshayeyeto attho Cristo rroma yokop ñetpaꞌxhoꞌña amach asherbenayeꞌ entonayetoña yokthaphña tharroꞌmar ñetpaꞌ añach moenet yorrtatanetepaꞌtoꞌ ñeñthchaꞌ eñotatawet eꞌñetheꞌ poꞌñoxh ateth yoten.