San Mateo 15:9 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁹ Eꞌñe orrena maꞌyochennet, ñeñth ateth yexhatannenetpaꞌ ñeñthpaꞌ eꞌñe acheña nayeꞌth awath pokthaphña.

San Mateo 15:9 Iomraidhean Croise

San Mateo 15:10

Allempoña Jesúspaꞌ xhoreꞌtan acheñeneshaꞌ ñeñth shontetsa, ñetñapaꞌ ateth otanet: —Sañapaꞌ eꞌñepaꞌchña kowen seꞌmhñoten allochñapaꞌ atthoch eꞌñe kowen xhaponasa seyoxhro.

San Marcos 7:7

Eꞌñe orrena maꞌyochennet, ñeñth ateth yexhatannenetpaꞌ ñeñthpaꞌ eꞌñe acheña nayeꞌth awath pokthaphña.

1 Corintios 15:2

Ñamha ñeñthara ñoñets allo oꞌ saꞌkeshphatarethterra ñerraꞌm amach sekexhpoere, tharraña ñatoꞌ poꞌñoxhpaꞌ ama xhoyeꞌ sameꞌñeno.

1 Timoteo 1:4

Ñamha theꞌpaꞌ phach otyesawet atthoch amach alloꞌna kothapeꞌchatyesneneto eꞌñe ñet poeserrparñet ñeñth ama poꞌñoxhoyaye. Ñamha phach otyesawet atthoch amach alloꞌna kothapeꞌchatyesneneto ñeñth ateth serrpareꞌtatyesaneteꞌth paꞌtañneshañ. Tharroꞌmar ñeñth serrparñatspaꞌ attha nanak moññeꞌtateñet acheñeneshaꞌ. Ñeñthpaꞌ ama añekpayaye alloch eꞌñe yeñoter erraꞌtsentheꞌ eꞌñe poꞌñoxh alloch yesherber Parets ñeñth ateth moenen ña. Añña eꞌñe yameꞌñeñotha Cristopaꞌ oꞌch yeñoter.

Tito 1:14

ñamha allochñapaꞌ amach alloꞌna eꞌmhñotneññañeto ñeñth poeserrparña peꞌth awathnaneshañ judioneshaꞌ, ñamha allochñapaꞌ amach alloꞌna eꞌmhñotneñe acheñeneshaꞌ ñeñth ateth yexhatyenanet ñeñthchaꞌ ateth pet, tharroꞌmar ñetpaꞌ xhach athpareꞌtenet ñoñets ñeñth eꞌñe poꞌñoxh Yompor poꞌñoñ.

Hebreos 13:9

Ñeñthoꞌmarña amach seyemtatstoña ñeñth poꞌpoñexhno yexhateñets ñeñth ama attheyeꞌ ayxhataretheso awañmoꞌchotheñ. Tharroꞌmar añña poktetsa oꞌch womenk yephaꞌ yeyoxher eꞌñe Yompor poemorrenteñothey attho atarr yenpoeney eꞌñe attha. Ama añotheyeꞌ womenk yepenoña yeyoxher attho es yerraꞌyen amapaꞌ attho es yethoreꞌtyena. Tharroꞌmar ñeñth kotheneꞌ añ yexhateñets rreñtsokpaꞌna, ñeñth yexhateñtsorpaꞌ ama yenpoenaneto atthoch womenk phaꞌnmoet poeyoxher Yomporekop.

Santiago 2:20

Theꞌ phapaꞌ amatheꞌ peñoteñaꞌ. Xhotheꞌ pemneñ oꞌch neñotataph attho ñerraꞌm ama yepeno ñeñth kowentetsa Yomporekoppaꞌ amaꞌt yoteneñ yameꞌñena eꞌñech orrena ateth yoten.

El Apocalipsis 22:18

Na theꞌpaꞌ oꞌch nokthapeꞌchach allowen ñeñth eꞌmhñoteneꞌ añ ñoñets all oteney ñeñthchaꞌ ateth perra esempo. Oꞌch notanet: Ñerraꞌm eseshaꞌ atontateneꞌ ñet pokthaphñet ñeñth ama attheyeꞌ otenye añ ñoñets, Yomporñapaꞌ oꞌch atontatanet ñokpoet ñeñthchaꞌ moeroxhtaterrawet ñeñth ateth oꞌ akellkaꞌwarethta añ libro.